# Thống đốc Gilang pariak Karja Việt Nam bahrau tabiak Thông tư ka 32/2016/TT-NHNN pasiam, pabak dom paka tacei pato bruk peih saong pandar tài khoản thanh toán pak kapul nyaom ba brei dịch vụ thanh toán. Tui nan, Gilang pariak brei adat ka urang meng ginup umo 15 thun tagok (oh khin hu drap ar) hu ginup abih năng lực hành vi dân sự hu peih tài khoản thanh toán saong pabak menuac lac urang kan kandah dalam nhận thức, ngak po hành vi peih tài khoản thanh toán tapa urang giám hộ piah njauk haong adat di Nghị định 80/2016/NĐ-CP saong Bộ luật Dân sự 2015.

# Hadei di 3 thun peih ngak, Dự án “patagok pren hu mbaok tame saong tabiak quyết định di urang kumei bangsa takik mbuan si gaok tổn thương”,  tỉnh Lào Cai hu peih 8 khóa pato pakai dom kỹ năng mềm ka 320 urang kumei bangsa takik mbuan si gaok tổn thương; 6 khóa pato pasram ka jalan patagok ngak mbang khang kajap ka 240 urang kumei... hu ba mai rilo salih barau jeng ye pren jak ba sarak, pambuak pagam dom nguồn lực jhul khang bruk peih ngak dom quyền di urang kumei saong uranaih bangsa takik di tỉnh Lào Cai.

# Daok jaik sa bilan tra meng tal Tết Nguyên đán Đinh Dậu 2017, yau nan min dom doanh nghiệp, hợp tác xã saong dom pasak pablei salih, siêu thị dalam tỉnh Đồng Nai kuhria caga blaoh pandap panda duh ka darak pasar Tết. Thun ini dom đơn vị, doanh nghiệp dalam tỉnh hu  caga jaik: 16 tấn brah, 4 tấn saradang, 4 tấn rilo pabui, 16.000 baoh menuk ada, 8.000 lít xăng menyek saong labaih 2,4 tấn rilo menuk, 2,3 tấn pandap chế biến; yaok ribau lít menyek mbang, aia mesil saong dom janih pandap panda bhian pandar…Abih tih yaom jien 1.364 tỷ đồng, ginup pabak ka  labaih 3 triệu bhap bani dalam tinh uan raok Tết Nguyên đán Đinh Dậu.

# Urak ini, yaom pabui di Tiền Giang trun khang. Yaom pabui janih siam meng 3,5 -3,6 triệu đồng sa tạ, pabui tapa lứa, chất lượng kém yaom trun daok ala 3,4 triệu đồng/sa tạ. Tui yaom yau ini urang raong khat trak. Ini lac yaom bair di abih dalam rilo thun tapa. Tỉnh Tiền Giang urak ini hu tapol pabui jaik 550.000 drei, dang akaok bhum taneran kraong Cửu Long. Kayua yaom trun yau nan ye rilo urang nong urak ini daok caik tapol pabui veik saong hatai caong lac jaik tết yaom meda tagok.

# Thun 2016, tỉnh Vĩnh Long hu peih ngak siam dom yaom jien daong đầu tư patagok bhum urang bangsa takik, dalam nan danak dak 135 brei buh dahlau phun jien labaih 3,4 tỉ đồng piah ngak 3 công trình hạ tầng giao thông saong 5 dự án patagok bruk ngak mbang pala drak ka dom xã hu ralo bhap bani Khmer daok. Vĩnh Long hu brei mesre 15,9 tỉ đồng daong labaih 1.500 mbang baoh sang urang bangsa hu phun jien patagok bruk ngak mbang pala drak… Langiu di nan, Vĩnh Long hu buh jien padang ngak bahrau 40 sang bac meng mầm non tal trung học phổ thông di dom xã bhum urang bangsa takik daok ralo; anek saih Khmer dom pakat hu jak ba tabiak sang bac mek hu 98%.

# Ngak tui sarak daong taneh daok, taneh pala drak saong ba brei bruk ngak ka urang bangsa takik kathaot, tỉnh Trà Vinh hu 7.148 sang bangsa kathaot caong hu, dalam nan hu 2.010 sang caong daong taneh daok, 447 sang caong mek veik taneh pala drak, 4.691 sang caong mesraiy jien padang bruk ngak, ngan saong yaom jien ngak abih tih labaih 117 tỉ đồng. Urak ini, hu labaih 2.000 sang hu daong 728.700 m2 taneh daok ngan saong yaom jien abih tih 65 tỉ đồng. Taphia nan, Trà Vinh daok peih ngak rilo danakadak pambuak pagam ka pato megru, y te, dom du an di danakdak bruk ngak negar, piah samal ngak hu bruk salih barau abih gah di bhum bhapbini bangsa Khmer.

# Thun 2016, dom pakat Mặt trận tỉnh Cà Mau jak ba brei kadung jien “brei ka urang kathaot” hu labaih 58 tỷ đồng, tagok 17% dut haong thun 2015 tapa nan padang ngak hu labaih 500 baoh sang, pasiam veik 50 sang Gul pataom; padang ngak labaih 150 mbaik tatua nao mai saong dom bruk an sinh xã hội karei hu yaom labaih 40 tỷ đồng.

Khaw tin dunya

#Quốc hội Xu-đăng brei tabiak Hukum negar pasiam veik, dalam nan hu bruk padang veik chức vụ thủ tướng, sa chức vụ hu klak nao tuk ông A.Ba-sia tagok par quyền Tổng thống hadei di mbang đảo chính thun 1989. Ini lac jalan nao njauk saong bruk salih bharau saong lac bruk ngak hu hadei di mbang ginum biai pakat negar di rajaei Tổng thống Ba-sia saong dom đảng đối lập di taneh ia  Trung Phi ini.

# Tapa duah thau, 63% bhap bini Hy Lạp mong mboh hu bruk neh rabha di raja-ei saong dom po sre dunya, bruk bất bình dalam xã hội patagok. Kayua yau nan ye, urang kuhria mboh dahlau lac, bầu cử di negar ini meda hu peih ngak di thun tal.

# Jaik 55 rabau urang nhập cư halan hatian tabiak truh taneh ia Đức dalam thun 2016, tagok 20 rabau urang duk saong thun 2015. Dom urang  tị nạn halan hatian hồi hương dalam thun ini jeng hu nao veik negar di drei lac Albania, Serbia, Iraq, Kosovo, Afghanistan saong Iran. Rajaei Đức hu daong jien ka bruk hồi hương urang tị nạn ngan saong yaom jien daong sa mbang tagok tal 3 rabau  euro sa urang./.