# Ủy ban bhap bani tỉnh Lào Cai bahrau mboh tangin brei ngak kế hoạch pasang iek, ramik veik, grap tanat bhap bani pambuak pagam haong padang ngak palei pala bahrau thun 2018. Tui nan, thun 2018, tỉnh Lào Cai kham merat ngak salah blaoh bruk pataom 38 thôn dalam 10 xã di 5 huyện, bal piah padang 19 thôn bahrau. Tui taong yaom di tỉnh Lào Cai, bruk ramik veik tui gah patrun dom thôn, patagok manuac sia dalam thôn nan lac njauk haong caong khin saong jalan cakrok patagok di palei pala dalam jaman bahrau. Tui kuhria tal abih thun 2020, dalam tỉnh Lào Cai meda pataom 125 thôn di dom huyện, bal piah padang 61 thôn bahrau, trun 64 thôn dut haong thun 2016.

# Tui pathau khan di Vụ Thị trường châu Á - châu Phi, jiak di ni tapa panuac khan di dom doanh nghiệp Trung Quốc blei boh karoh meng Việt Nam, Vụ Thị trường châu Á- châu Phi, Mintri Công Thương taduan hu khau tin ka bruk pandar brei thau asar di nyu di jabat khik ramik Quảng Tây ngan song boh karaoh pablei tabiak meng Việt Nam tapa Trung Quốc tapa dom pambah mbang negar di tỉnh Quảng Tây, Trung Quốc. Tui nan, meng harei 1-4, dom doanh nghiệp Trung Quốc blei boh karaoh meng Việt Nam brei thau hu asar chất lượng pandap.

# Cục Khik iek jru tavao (Mentri Y tế) brei thau, Cục hu tabiak quyết định brei padeih pandar, pablei salih, taduan mek veik 3 janih pandap mỹ phẩm di Dior daok pablei di Việt Nam, dalam nan hu: chì kẻ meta saong janih aia pahe. Dom janih pandap njauk taduan mek veik hu thành phần vak angaok nhãn saong công thức ngak tabiak oh njauk yau hồ sơ hu brei thau. Taphia di nan, Cục jeng caong khin công ty TNHH L-Beauty Việt Nam peih bruk taduan mek veik taong abih janih pandap angaok nan dahlau di harei 25/4.

# Lâm Đồng lac sa labik nao dahlau dala taneh ia ka bruk ba ilamu công nghệ tame bruk ngak nong. Dom trang trại hu pandar kỹ thuật, công nghệ bahrau hu tagok năng suất, sản lượng, chất lượng kaya nong, meng nan, yaom ngak tabiak pandap di angaok mblang taneh dak harei dak tagok. Tal puac thun 2017, dalam tỉnh hu 18.968ha njam pala hu pandar ilamu công nghệ glong, taneh pala hu labaih 61.993ha, sản lượng 2,19 triệu tấn, meblah  96,7% tổng sản lượng. 

# Meng di tuk peih ngak danak dak padang ngak palei pala bahrau, tal ini TPHCM hu daong pato bruk ngak ka labaih 53.360 mbang urang ngak palei pala; dalam nan, manuac urang ngak hu bruk ngak bahrau saong daok ngak bruk ngak klak labaih 80%. Taphia di bruk pato bruk ngak ka urang ngak palei pala, bal raya jeng caik hatai tal bruk pato pathram jalan ilamu pasiam rai diuk, khik iek kinh tế baoh sang; pachreih salih jalan ngak nong tui gah ngak nong đô thị. Toang abih phun jien daong pato bruk ngak ka urang ngak palei pala vaktu 2011-2015 nan lac 31,5 tỷ đồng, tui kuhria mboh dahlau, vaktu 2016-2020 nan lac 117 tỷ đồng.

Khaw tin dunya

# Ngoại trưởng Nga Sergei Lavrov hu panuac lac negar ni trục xuất 60 urang ngoại giao Mỹ song kreik pambah mbang Tổng lãnh sự quán Mỹ di St.Petersburg. Bruk ni, piah pabak veik bruk trục xuất dom urang ngoại giao Nga kayua Anh song Mỹ ba tabiak, hadei di bruk urang dahlau deih ngak điệp viên Sergei Skripal song anek kamei njauk  đầu độc. 

# Tui Reuters, jabat dự báo thời tiết karja Trung Quốc kakei dahlau bhap bani daok gah Barak bal ine Bắc Kinh, gah Barak tỉnh Hà Bắc saong dom labik jaik taphia kareik abih pabah mbang sang, ba tui mặt nạ saong nduac radaih chậm tuk nao tabiak jalan kayua jalan meta mong oh atah hu. Langiu di thak ô nhiễm, Bắc Kinh urak ini daok tame bilan ribuk cuah meng sa mạc Gobi di Mông Cổ tuh tame. Piah caga bruk ini, Trung Quốc hu brei pala yaok triệu phun tui jalan tapen negar haong Mông Cổ hu pagap yau “Vạn lý trường thành sambo màu hijao”.

# Apple bahrau tabiak mbaok iPad bahrau hu dong Apple Pencil - bút kỹ thuật số piah cih song vak, hu yaih khan lac biak kein lagaih ka anek saih, sinh viên. Boh iPad bahrau ni hu màn hình 9,7 inch, độ phân giải Retina song bộ cảm biến bahrau, lagaih ka iPad tương thích song dom ứng dụng AR anak tal song chip A10 Fusion gam song dom salih bahrau ka bruk xử lý đồ họa. Camera gah likuh hu độ phân giải 8 megapixel song quay video Full HD 1.080p. Pin di jamriak ngak bruk hu 10 tuk ./.