Khaw tin 10h30 haong 14h30 harei 18/1

VOV TPHCM-18/1

# “Patagok bruk siam mekre di agama, tui dom kadha dreih gauk di hukum agama, song bruk ngak di kapul urang kamei piah palih ruah asar kadha, jalan jak ba urang kamei”. Ni lac sa dalam dom asar kadha di danak dak pambuak bruk di  Trung ương Kapul  Liên hiệp urang kamei Việt Nam song  Ban agama  rajaei tuk vak  2018-2022 hu rah tabiak beir  harei 17/1 di  Hà Nội.

# Biar harei 17/1, jabat ngak kong saong pablei salih Việt Nam (VCCI) pambuak bruk haong Hội đồng Doanh nhân kumei Việt Nam, Google peih ginum biai “labik dang di urang kumei dalam saman salih bharau công nghiệp 4.0”. Pak ini, Phó akaok Cục Patagok darak pasar haong doanh nghiệp khoa học saong Công nghệ, Mintri khoa học saong Công nghệ mboh lac: dom doanh nghiệp kayua urang kumei ngak pô urak ini yaom lac bahrau hu 25% dom doanh nghiệp mbiah saong sit min rik daong biak praong dalam bruk cakrok patagok kinh tế di Việt Nam. Kayua yau nan ye, urang kumei njauk hu sangka, pachreih daong rilo jang dalam bruk ngak mbang, padang bang ngui

     # Di  tỉnh Bạc Liêu, harei  17/1, Ubbhap bini  tỉnh Bạc Liêu peih  họp báo pathau khan ka  nyaom biai xúc tiến pablei salih tỉnh thun  2018. Tui pathua khan di  tỉnh Bạc Liêu  urak ni  tỉnh ni hu dui pachreih rilo po đầu tư ngan song tong abih tih phun jien tut angan tame tagok tal labaih 110 ribau tỉ đồng.

# Sở jalan mbak pajeng ba tỉnh Bến Tre brei thau, meng harei 28-1 tỉnh ini hu kapal cao tốc Bến Tre- Vũng Tàu. Tui nan,công ty Greenlines (di ban raya Hồ Chí Minh) hu buh jien tabiak ngak 2 kapal cao tốc kanduh hợp kim, công suất 120 CV;  pajeng hu 100 menuac yaok sruh, vận tốc jaik 45 km sa tuk piah pajeng menuac nao meng xã Tân Thạch, huyện Châu Thành, tỉnh Bến Tre mai ban sit Vũng Tàu.

# Đồn Biên phòng pabah mbang negar pakat dunya Bờ Y, Bộ đội Biên phòng tỉnh Kon Tum peih bruk am cuh klak jiak 1 tấn pháo patuh dalam nan hu labaih  2 tấn pháo patuh chap mek hu. Thau lac Meng ni tal tuk Tết Nguyên đán Mậu Tuất, bruk pablei silih pháo lậu meng Lào mai Việt Nam tapa  bhum pabah mbang negar pakat dunya  Bờ Y dok rah tabiak khang, Thượng tá Hà Văn Trinh, urang dang akaok Đồn Biên phòng pabah mbang negar pakat dunya Bờ Y brei thau, đơn vị  hu peih ngak rilo jalan pih pacang cakak pháo lậu.

Khaw tin dunya

#  Đại sứ Đặc mệnh toàn quyền Việt Nam di  Ucraina Nguyễn Anh Tuấn saong akaok mintri Thể thao – Dam dara Ucraina Zơ-đa-nốp I-ho (Zhdanov Ihor), hu mbaoh tangin tame harak pambuak bruk gah thể dục - thể thao.  Tapa nan, akaok mintri Dơ-đa-nốp I-ho hu sanya lac gah Ucraina meda pabak ka dom vận động viên Việt Nam pandap pasram siam, hu chất lượng glaong.

# Hàn Quốc song Cộng hòa dân chủ bhap bini Triều Tiên harei 17/1 njauk gauk brei padang  sa kapul khúc côn cầu kumei haong gauk hu mbaok tame  Thế vận hội bilan Đông Pi-âng Chang tui kurhia hu rah tabiak di bilan   2 anak tal di Hàn Quốc. meyah hu  Ủy ban Ô-lim-píc dunya brei tapa, ye ni jeng lac dom thaot binguk hu makana biak siam brei mboh talei rohim 2 negar song lac jalan ngak sajarah dak rai ka bruk taom gaok ilamu thể thao di 2 gah  Triều Tiên.

# Dom nghị sĩ Quốc hội Mỹ di  2 đảng Dân chủ saong Cộng hòa harei 17/1 yam tame dom bruk ginum biai biak catang biak meda yam tal sa thỏa thuận kadung jien karja bahrau dahlau di tuk kreh melam 19/01, dalam tuk oh ka njauk gauk khang ka bruk nhập cư. Meyah tal tukvak puac di abih bo dom gah jeng oh njauk gauk, ye karja Mỹ meda brei kreik pabah mbang saong dom jabat meda brei menuac ngak oh chính thức padeih bruk kayua oh hu jien./.