Khaw tin 10h30 và 14h30, harei 19/6

# Mesup 18/6 di huyện Tiên Lãng, Thủ tướng Nguyễn Xuân Phúc saong Kapul urang Quốc hội ban sit Hải Phòng taom gaok cử tri di huyện Tiên Lãng, pathau khan ka mbang nyaom ka 5, Quốc hội mbang XIV. Di var taom gaok, dom cử tri Hải Phòng brei mboh pandik hatai ka bruk kol jhak nyu dui katung bhap bini, ngak srau kadau puk palei, caong Rajaei tacei brei duah thau, samar langyah catang kol pan akaok. Ndom biai haong cử tri ka bruk ini, Thủ tướng Nguyễn Xuân Phúc ndom lac, njaum pathau khan jak ba bhap bini, dalam nan urang  jakar, urang đảng njauk langayh brei bhap bini thau cambaih jang ka dom adat hukum.

#Uỷ viên Mentri Chính trị, Phó Thủ tướng Thường trực Chính phủ Trương Hòa Bình saong dom urang Quốc hội tỉnh Long An birau hu var taom gaok cử tri di dua huyen Bến Lức saong Thủ Thừa hadei di mbang nyaom ka 5, QH mbang 14. Di var taom gaok nan, ralo cử tri huyen Bến Lức brei mboh suh sah saong oh njauk hatai ka bruk hu dom urang kanjiak jhak pachuturang ngak trun jalan ngak sraw kadau pak dom khu công nghiep dalam tỉnh. Mikva cử tri jeng khin dom pakat karja ngakbrei cambaic laic, brei langyah catang dom urang ngak suan hukum piah urang ngak sahanang hatai ngak tabaik pandap ka xa hoi.

# Tui bruk ba tabiak, bilan mùa thun ini huyện Sìn Hồ, tỉnh Lai Châu tam drak labaih 5.000ha. Urak ini, urang ngak nong trun pajaih hu labaih 50% taneh pala saong daok tui bruk siam lagaih di langik tasik, jhul samar bruk tam drak njauk tukvak ba tabiak. Jeng tui bruk ba tabiak, urang nong dalam huyện drak pajaih hương thơm ka 1, PC6 saong pajaih padai lai. Jabat ngak nong saong patagok palei pala huyện hu daong saong brei labaih 4,1 tấn pajaih padai ka bhap bini, brei urang jakar di drei trun pambuak bruk haong urang jakar pachreih nong xã trun hamutacei mikva tam drak saong iek glang.

# Meng thun 2012 mbiah tal ini, tapa  rilo phun jien meng dom danak dak dự án karei di gauk, yau ye dom  danak dak điện, jalan mbak, sang bac, balai eik ruak hu buh jien tame ngak di dom bhum urang bangsa takik di huyen Tuy Đức, tỉnh Đak Nong, kuhria tui jien abih tih  jaik 600 tỷ đồng. Tui taong yaom, jiak abih dom danka dak cong trinh nan  jeng hu ba mai rilo siam mekre, sumu raidiuk mikva jeng yau daong mikva urang bangsa takik grap tanat raidiuk saong ngak mbang patagok kinh tế.

#Meng bruk hadah tagok di Lukaku, kapul caoh mbanh Bỉ dit mbang kapul dit blong Panama 3-0 dalam mbang dit camereip di drei di World Cup 2018. Di mbang dit ka 2 di bảng G, kapul caoh mbanh negar Anh jeng hu jayah 2-1 dalam mbang dit camereip abih di drei haong Tunisia, 2 baoh mbang nan jeng kayua tiền đạo đội trưởng Harry Kane dit tame. Dalam mbang dit ka 2 di bảng F, kapul caoh mbanh Thụy Điển dit mbang lambaoh chau Á lac Hàn Quốc 1- 0 meng dit 11m di đội trưởng Andreas Granqvist.

Tin thế giới:

# Harei kabroi 18/6, kapol urang Hàn Quốc  hu tagok jalan nao tal palei Bàn Môn Điếm di bhum phi quan sự piah ginum biai saong Trieu Tien ka talei pambuak bruk di dua taneh ia peih ngak Thế vận hội châu Á di bilan 8 anak tal, gam biai gauk  ka dom bruk ngak ilamu. Kapol Hàn Quốc kayua  Tổng thư ký Ủy ban Thể thao saong Olimpic Chơ-ôn Chung Run (Jeon Choong-ryul) ba akaok, daok gah Trieu Tien kayua Thứ trưởng Văn hóa, Thể thao Uôn Kin U (Won Kil U) ba kaok. Dua gah hu ginum biai di Sang Hòa Bình, palei Bàn Môn Điếm.

# Mỹ saong Canada daok kham merat ngak brei cadu bruk daok catang tagok dalam talei pambuak bruk dua gah, kayau oh njuak gauk ka bruk pablei salih saong bruk kak je nhập khẩu bahrau di Mỹ. Tui Reuters, dalam mbnag ndom biai tapa phone meng bloh, akaok mintri Ngoại giao Mỹ M.Pompeo saong akaok mintri ngoại giao Canada C.Freeland jeng ndom lac, njauk jhul samar bruk ginum biai veik Hiệp định Thương mại tự do Bắc Mỹ (NAFTA). Dua gah jeng hu ginum biai rilo kadha ka bruk dunya, yau ye bruk srau kadau di Venezuela.

# Di var ginum biai pachreih urang negar langiu buh jien tame ngak mbang, Akok Hội đồng Karja gam ngak Hội đồng Akok Mentri Cu-ba Ð.Ca-nên lac, bruk negar langiu buh jien tame ngak  nan lac jalan meda lagaih ngak hu di abih, rik tame jhul pakhang bruk patagok kinh tế. Akok Hội đồng Karja Cu-ba iew urang ngak tabiak ralo janih pandap panda pablei tabaik negar langiu piah khik bruk patagok kinh di taneh ia. Tui Mentri Ðầu tư saong Thương mại Cu-ba taong yaom, kaoh pulao Ca-ri-bê yaok thun brei buh jian tame labaih 2,5 tỷ đồng USD piah brei khik bruk patagok kinh tế khang kajap./.