Khaw tin 10h30 harei 23-1-2018

                                                                 

    #  Biar harei 22/1, di Hà Nội, Thủ tướng Nguyễn Xuân Phúc hu taom gaok dom urang pan akaok mBan Tuyên giáo Trung ương, Bộ Thông tin saong Truyền thông, Hội Nhà báo Việt Nam saong dom urang pan akaok dom jabat thông tấn báo chí. Thủ tướng jia lac, báo chí cách mạng tuk halei jeng padeng hatai jia ka bhap bini, abih di nyu nan lac dalam tuk meriak gauk gah thông tin biak praong meng mạng xã hội saong caong khin padang hatai jia khang jang ka sa taneh ia Việt Nam cakrok patagok samar jang, praong, khang jang. 

#  Piah drak samal  pok meyaom, pachreih ba, saong ngak brei pambak praong bruk kham merat di hoa hậu Hoàn vũ H’Hen Niê tal rairah dam dara,  UB bhapbini tỉnh Đăk Lăk  peih var taom gaok saong alin harak meyaom ka hoa hậu H’Hen Niê di harei kabroi 22/1 .  H’Hen Niê (bangsa Ê Đê) ndih tapui di buôn Sứt M’đưng, xã Cư Suê, huyện Cư M'gar, tỉnh Đắk Lắk, urak ini daok ngak bruk di ban raya Hồ Chí Minh. Nai lac urang bangsa takik akaok mereip di Việt Nam mek hu vương miện Hoa hậu hoàn vũ.

   # Tỉnh Quảng Bình hu caik tabiak yaom jien 10 tỷ đồng daong ka dom sang sarak karja, urang buh pren yava ka cách mạng raok Tết Nguyên đán Mậu Tuất. Dalam nna, kadung jien karja tỉnh buh tabiak 3 tỷ đồng piah nao rivang dom sang sarak karja hadah krah, alin hadiah pandap brei ka 29 urang amaik Việt Nam anh hùng, yaok amaik 1,3 triệu đồng. Urak ini, tỉnh Quảng Bình hu 150 ribau sang sarak karja saong urang buh pren ka cách mạng, dalam nan hu 25 rabau sang daok daok hu mbang jien daong yaok bilan.

# Liên đoàn Lao động tỉnh Quảng Ngãi barau alin 750 paok pandap ka  công nhân lao động sang kan kandah,  yaok paok yaom 500 rabau đồng.  Tui Kuhria dalam harei 21 bilan Mark saka ia bilan , Liên đoàn Lao động tỉnh meda peih ngak danakdak “ Tết Sum vầy 2018”, taom gaok công nhân lao động sang kan kandah saong daong veik pandap Tết.

# Công an tỉnh Đồng Nai bahrau taong tayah sa labik cờ bạc trá hình game cuh ikan di ban sit TP. Biên Hòa. Salih ka bruk me-in meng jien, dom urang me-in nan me-in meng điểm angaok thẻ tích hợp, yaok 1.000 điểm samu haong yaom jien 100.000 đồng. Jien hu nạp tame thẻ atau salih tabiak yaom jien tapa urang khik iek tiệm. Pak nan, công an niêm phong 7 jamriak me-in game  cuh ikan, mek khik labaih 60 triệu đồng jien mbaok saong dom to, thong, mã tấu.

Khaw tin dunya

 # patao Giooc-đa-ni Áp-đu-la ieu Phó Tổng thống Mỹ Mai Pen-xơ daok ravang taneh ia ini padang veik hatai jia tame dalam bruk duah jalan ka dua taneh ia dalam bruk srau kadau di Ixraen saong Palestin, hadei di bruk Mỹ taduan  Giê-ru-xa-lem lac ban ine di Ixraen.

# Dịch sởi saong lavang lavaih di tỉnh Pa-pua, bhum gah timur di Indonesia ngak brei takik di abih 95 urang metai, rilo meng lac uraniah bangsa takik. Sa urang dang akaok gah quân sự di ban sit Jayapura brei thau, ta-eng sa xã bhum ceik hu tal 25 urang metai kayua lavang lavaih saong jit sởi. Piah pacang caga, bol bala Indonesia daok kuhria brei sa kapul y bác sỹ ka 2 meng ban ine Gia-các-ta nao tal bhum Pa-pua saong bhum Tây Pa-pua jaik nan , lac dom tỉnh kan kathaot abih di Indonesia.

# Ủy ban Olympic dunya (IOC) hu brei tabiak bruk  padang sa kapul khúc côn cầu urang kumei di Hàn Quốc saong Triều Tiên piah hu mbaok tame Thế vận hội bilan Đông 2018. Akaok Ủy ban Olympic dunya Thô-mát Bách ndom lac, bruk njauk hatai gauk diễu hành ala hala dok thống nhất saong bruk padang sa kapul khúc côn cầu urang kumei di dua taneh ia daok peih tabiak bambang ginum biai hòa bình” angaok bán đảo Triều Tiên.