#Tui Quyết định ka 772/QĐ-TTg di Thủ tướng rajaei , yaok iek menuac sia  song sang dok (ieu lac Tổng điều tra) thun 2019 hu peih tabiak meng zero tuk harei  1-4-2019. Asal kadha di bruk yaok iek ini, hu : brei thau ka menuac urang; bruk di cư; bruk bac da-a song ilamu chuyên môn kỹ thuật; bruk jaoh jo ; bruk likhah caga; bruk ndih tapui saong bruk metai song patagok menuac urang; bruk đăng ký khai sinh di uranaih; bruk urang ngak – bruk ngak; bruk sang dok; bruk mbang ngui dok dang  di boh sang. Tuk vak pataom mek duah thau di mbang Tổng điều tra lac 25 harei, meng harei 1-4-2019. 

#Mintri Y tế pambuak bruk saong sang bac đại học Y Hà Nội barau peih tal pato pakai bác sĩ chuyên khoa pakat I di Dự án “Bác sĩ trẻ halan hatian nao ngak bruk di bhum ceik, bhum atah bayah, biên giới, pulao kaoh, bhum ngak mbang kinh te – xa  kan kandah ( caik dahlau ka 62 huyện kathaot. Abih tih hu 31 bác sĩ trẻ hu pilih ruah tame bac khóa pato pakai mbang ini. 31 bác sĩ trẻ hu pato pakai di 10 chuyên ngành: Chẩn đoán thaot binguk, Y học cổ truyền, Ngoại, Nhi, Nội, tagei mbaok, hồi sức cấp cứu, gây mê hồi sức, Truyền nhiễm saong Sản di sang bac Đại học Y Hà Nội dalam 24 bilan, dahlau si nao bhum kan kandah ngak bruk.

# Ubbhap bini  tỉnh Lâm Đồng bahrau brei peih ngak dom danak dak  patagok bruk  sản xuất  pambuak  gauk tui jalan kak bruk ngak pandap haong pablei pandap, dalam danak dak pakat negar padang ngak palei pala bahrau, tuk vak  2018-2020. Hu 6 dự án patagok bruk pambuak gauk tui jalan kak bruk ngak pandap haong pablei pandap hu peih ngak, dalam nan hu njam patam, boh karaoh, te song ia hani. Dự án hu urang nong tame  rilo di abih lac pambuak gauk ngak saong pablei tea di Công ty TNHH Thái Tài Nguyễn (ban  Bảo Lộc, Lâm Đồng), hong 100 boh sang urang nong, pala 50 ha tea di  Bảo Lộc song  huyện Bảo Lâm; sản lượng 750 tấn/ sa thun.

#Gah ngak nong tỉnh Bà Rịa –Vũng Tàu daok pambuak bruk saong dom puk palei peih bruk rami ramik veik dom labik raong ikan lồng bè tui jalan trun meteh dom lồng raong pala kaya ikan dalam ia, ba dom labik raong barau tamuh tame libik hu quy hoạch. Tui bruk ba tabiak, meng ini tal puac thun 2018, dom labik raong kaya ikan dalam lồng bè dalam bhum quy hoạch di kraong Chà Và njauk cakak trun meteh dom lồng raong, rami ramik bè raong tani tanat, khik caga ka luồng lạch saong labik raong hu siam mekre.

#6 bilan akaok thun ni , gah du lịch ban raya  Hồ Chí Minh taduan jiak  4 triệu mbang tuai dunya (tagok 26,5% dut song tuk vak ni thun 2017), jien mek tame hu labaih  62.600 tỷ đồng (tagok 15,7% dut song tuk vak ni thun  2017). Sở Du lịch ban pambuak bruk song dom jabat  chức năng pasang iek song tong yaom darak pasa tuai  du lịch mai rivang ban dalam thun 2017: tuai  du lịch dunya  dok veik  ban raya kuhria rah tapa lac labaih 5 harei  song cai jien labaih  3 triệu đồng sa urang ; tuai nội địa dok veik ban raya  kuhria rah tapa lac jaik 4 harei song yaok urang cai labaih 1 triệu meteh.

Khaw tin dunya 

# Dalam sa bruk meng kan mai oh ka bhian mboh, barau ini, Thượng viện Australia hu brei tapa hukum pacang bruk can thiệp di taneh ia lingiu tame dalam bruk di taneh ia ini. Hukum kak kajap an ninh negar piah pacang dom jabat, kapul nyaom taneh ia lingiu ngak jhak tal dom chính trị gia, truyền thông, dom kapul nyaom bhapbini atau dom tổ chức xã hội dân sự di Australia. 

#  Ủy ban Điều hành Kadung jien dunya  (IMF)  brei thau lac meda pasang  iek panuac  caong khin di Cộng hòa Công-gô  likau pok jien dong kayua negar ni dok laik tame sraiy dauk akaok. Dreih yau dom negar ngak xăng menyek di  Trung Phi, kinh tế Công-gô dok gaok kan kandah kayua yaom xăng menyek trun beir song daok gaok kan kandah hong pok jien sraiy 9 tỷ đôla Mỹ, samu  110% GDP. Hadei di mbang nao pasang iek  Công-gô di bilan 4 meng bloh,  IMF brei thau lac hu thau cambaih bruk nan saong meda dong ka  Công-gô tui danak dak mesraiy jien peih prong  di  IMF. 

#Harei 29/6, mblang par dunya Ngurah Rai di pulao padheih padhaiy Bali, Indonessia, njauk kareik pambang hadei di tuk ceik apui Agung pruh dom geng bau dhur tapal glaong 2.000m tagok lingik. Tui panuac tacei di karja puk palei, mblang par meda kareik pambang meng 3h00 pagaiy tal 19h00 melam dalam harei ( tui tukvak puk palei). Dhlau nan, takik abih 48 mblang par di dom hãng kapal haok AirAsia saong JetStar di Australia, par trun saong par tagok meng pulao Bali brei padheih kayua ceik apui Agung, ngak kan kandah ka labaih 8.000 urang tuai.