Khaw tin 10h30 saong 14h 30 harei 2/2/2018

# Pahadar 110 thun harei menek ong Nguyễn Đức Cảnh (2-2-1908 - 2-2-2018), biar harei 1/2, Tổng Bí thư Nguyễn Phú Trọng hu pok gilau di labik pahadar ong Nguyễn Đức Cảnh daok di  ban sit Diêm Điền, huyện Thái Thụy, tỉnh Thái Bình. Tổng Bí thư Nguyễn Phú Trọng saong dom urang dalam kapul hu pok gilau hadar dhar phor ong Nguyễn Đức Cảnh – sa dalam dom urang padang tabiak Đảng Cộng sản Việt Nam, urang pan akaok ba jalan di urang ngak saong công đoàn Việt Nam, urang anek saih naih joi di Chủ tịch Hồ Chí Minh, lac kreih camin đạo đức cách mạng hadah hadai.

# Bair harei 1/2, akaok taneh ia Trần Đại Quang hu nao ravang, ngak bruk saong tadhau yuh Tết urang jakar, bol lin Quân đoàn 3, Binh đoàn Tây Nguyên. Ndom biai saong urang jakar, bol lin Quân đoàn 3, akoak taneh ia Trần Đại Quang pok meyaom bruk kham merat, dom chiến công, thành tích hadah trah bo Quân đoàn 3 mek hu luac jalan hadah hadai 43 thun tapa.

# Dalam dom bruk pataom mbaok uan Đảng, uan thun bharau sak sau 2018, pahadar 50 thun bruk brok tagok Xuân Mậu Thân 1968, tỉnh Bà Rịa - Vũng Tàu bahrau peih bruk truy tặng angan Amaik Việt Nam Anh hùng ka 8 urang amaiki hu rilo rik daong, var klaak rup drei ka bruk cách mạng di bangsa.

 #Harei kabroi 1/2, di huyện Tuy Phước, UB bhapbini tỉnh Bình Định saong gilang pariak Thương mại cổ phần Công thương Việt Nam (ViettinBank) peih bruk jao brei, alin baoh sang ka 376 sang bhapbini gaok jaleih di mbang hajan ribuk. Puac thun 2016, dalam tỉnh Bình Định rah tabiak 5 mbang hajan xua dui atah, ngak khat lihik drap ar saong metai menuac. Hadei mbang ribuk, ViettinBank hu daong 15 tỉ đồng, daong 376 sang bhapbini di 3 huyện: Tuy Phước, Phù Mỹ saong Phù Cát padang veik sang daok. Urak ini dom sang bhabiini di ini hu padang ngak saong ramik pasiam sang daok piah raok Tết Mậu Tuất 2018.

# UB bhap bini ban raya HCM brei thau, harei ini (02/01)?, ban raya brei 2 lò praong sik ngak ralo athur di ban raya hu ngak bruk veik. Nan lac Lò Xuyên Á, huyện Củ Chi saong Lò Xuân Thới Thượng di huyện Hóc Môn. Lò Xuyên Á, huyện Củ Chi  hu công suất 1 ribau 500 drei pabui yaok harei, tukvak ngak bruk tal harei 31/10/2018. Lò Xuân Thới Thượng công suất 2 ribau drei yaok harei, tukvak ngak bruk dalam 6 bilan.

Khaw tin dunya

# Thủ tướng Anh Thê-rê-sa Mây (Theresa May) barau brei thau hatai jia tame mbang ravang Trung Quốc ini di amuk meda rik daong patagok kỷ nguyên ameh dalam talei pambuak bruk Anh – Trung Quốc.” Panuac nan hu urang dang akaok Anh ba tabiak harei kabroi ½ di ban ine Bắc Kinh (Trung Quốc) di mbang phỏng vấn độc quyền saong  Truyền hình trung ương Trung Quốc (CCTV). Thủ tướng Anh ndom lac, amuk caong khin dua taneh ia gam paglaong pambuak bruk di tukvak tal.

# Di Brúc-xen (Bỉ) bahrau rah tabiak mbang nyom dom gah daong brei di dunya ka Pa-le-xtin, hu 15 taneh ia, dalam nan hu Mỹ. Lambaok pakat glaong EU P.Mô-ghê-ri-ni brei thau yaom jien daong bahrau di EU brei ka Pa-le-xtin, lac 45 triệu ơ-rô (samu jaik 56 triệu USD). Yaom jien daong ini hu ba tabiak hadei di tuk Mỹ padeih brei pok jien daong ka jabat di Liên hợp quốc piah daong ka Pa-le-xtin.

# Dom vận động viên Triều Tiên barau nao tal Hàn Quốc meng kapal ahaok saong meda pakacah di Thế vận hội bilan la ar Pi-âng-chang (Pyeongchang) peih pakak di adit tal. Sa yau vận động viên Kim Du Síc (Kim Ju Sik) saong Ri-ôm Ta-ê Ô (Ryom Tae Ok) lac dom urang bhapbini Triều Tiên akaok meti ginup điều kiện pataom tame pakacah di Olimpic bilan la ar 2018 rah tabiak meng harei 9 tal 25 bilan 2./.