# Meng labaih 98% bhap bani lac urang bangsa Dao, Đồng Sơn nan lac sa dalam 3 xã bhum glaong biah kan kandah di huyện Hoành Bồ, tỉnh Quảng Ninh. Meng phun jien danak dak BRUK ngak negar patruh eik patrun kathaot, danak dak padang ngak palei pala bahrau saong trái phiếu Raja-ei, Đồng Sơn kham merat padnag ngak hạ tầng, patagok bruk ngak mbang pala darak. Dom bruk ngak mbang patagok kinh tế daok peih ngak biak siam yau raong anek dangko hani, raong menuk, raong pabui rilo, pala cam, ổi, keo, quế...

  # Patagok bruk ba akaok nao dahlau di dam dara, dom thun tapa, bruk dam dara pakacah gauk patagok kinh tế hu pambak prong di rilo palei pala dalam tỉnh Lai Châu. Yaok ribau urang đoàn dam dara bangsa takik di dom  huyện bhum glong khang hatai mesraiy phun jien meng gilang pariak sarak karja  piah tagok KT, yam tabiak truh kathaot, ngak kaya meda, rik dong patagok kinh tế di dom bhum palei kan kandah tỉnh Lai Châu.

# Dom thun jaik di ini, pambuak bruk tiểu vùng Mê Kông peih prong  mek hu dom siam lagaih praong, pachreih hu bruk sangka di ralo gah pambuak bruk prong dalam saong langiu khu vực, rik daong pamedeih tagok, jhul pakhang patagok tiềm năng kinh tế dom bhum dalam khu vực. Du lịch cộng đồng hu mong yau sa dalam dom jalan nao bahrau, ba mai kein laba ka bruk cakrok patagok kinh tế - xã hội  di dom tỉnh bhum ceik. Jaik di ini, bruk du lịch Homestay di huyện Ba Bể, tỉnh Bắc Kạn,  mboh hadah hadai jang kayau padang hu jalan kinh doanh chuyên nghiệp pambak tame bruk daong brei di Gilang pariak Patagok châu Á (ADB).

  # Ban padang ngak pren khang song peih ngak  dom  dự án ODA gah ia pandar  tỉnh Ninh Thuận pambuak bruk song dom sở, ngành pagam tal peih dom bruk pachreih tui harei ia dunya  2018 hu angan “Ia song lingik tasik”. Jeng tapa nan, urang đoàn, dam dara di tỉnh Ninh Thuận hu puh ramik, pasiam veik krong ribong piah tathuak jalan ia, hu mbaok tame bruk srong  bèo dalam dom danao, binek ; song pruh ia ka phun hajao di labik pasak ban  Phan Rang -Tháp Chàm; pala rilo phun hajao di  phường Phước Mỹ, ban Phan Rang-Tháp Chàm...

# Page ini (23/3) Hội văn học nghệ thuật dom bangsa takik bal raya HCM peih bruk pataom mbaok pahadar 25 thun harei padang tagok (23/3/1993 - 23/3/2018) -  25 thun tapa, langiu di bruk khik ramik siam dom bruk ngak di dom dhar kapul, Ban chấp hành hội VHNT dom bangsa takik bal raya HCM pataom tame jhul pakhang bruk đầu tư sáng tác saong meyaih khan dom tác phẩm văn học nghệ thuật… Tukvak anak tal, Hội VHNT dom bangsa takik bal raya HCM daok salih bahrau jalan ieu pataom, peih ngak ralo asal kadha saong jalan ngak piah pachreih dom nghệ nhân, nghệ sĩ hu mbaok tame Hội. Jeng dalam van ini, Hội VHNT dom bangsa takik bal raya HCM hu pok meyaom saong alin brei harak meyaom ka 9 kapul nyaom saong 9 menuac urang hu ralo rik daong ka bruk ngak di hội.

Patui di ni dom khau tin dunya

  # Tổng thống Mỹ Đô-nan bahrau mboh tangin tame quyết định áp gói thuế quan yaom tal 60 tỉ USD ngan haong pandap panda blei tame meng Trung Quốc kayua cagar veik bruk “klaik mek” quyền sở hữu trí tuệ Mỹ, taphia di nan patrun dom bruk buh jien tame ngak di negar ini tame  Mỹ. Hadei di nan Đại sứ Trung Quốc pak Mỹ Thôi Thiên Khải hu tagok sap phản đối, ndom lac meda “bayar veik tal labik tal dhua" meyah Mỹ caong khin đối đầu. Ong Khải brei thau cambaih  sa bruk đối đầu puac di abih ba mai khat lihik ka Mỹ.

# Đại sứ Nga tại Anh A-lếch-xan-đơ Y-a-cô-ven-cô hu mbang họp báo brei thau cambaih ka bruk urang dahlau deih ngak  điệp viên negar ni  Xéc-gây Scơ-ri-pan song anek kamei di ong ni  njauk  đầu độc di negar Anh. Tui  ong Y-a-cô-ven-cô, rajaei  Anh njauk ba tabiak dom bằng chứng cambaih laih ka dom cáo buộc pamaong tame  Nga. Dalam tuk dok catang tagok bruk ngoại giao urak ni, Rajaei  Nga sa mbang tra ndom lac hu khik caga mekre ka urang Anh mai iek Uân cắp, di Nga dalam bilan  hè tal.

# Cảnh sát Mác-xê-đôn-ni-a brei thau lac cap khik hu 91 kilôgam cần sa pak bal sit  Cai-vô, gah Đông Nam negar ini. Tui pathau khan, 3 urang njauk cap khik dalam vaktu paajeng ba cần sa nan, meng bal Xtru-ga tal bal ine Scôp-giê di negar ini. Bal Xtru-ga meng lavik mai hu thau tal lac labik pajeng ba ma túy meng negar jaik taphia An-ba-ni tame Mác-xê-đôn-ni-a./.