# Pak Jabat Raja-ei, Phaok Thủ tướng Raja-ei Vương Đình Huệ bahrau taduan raok urang hu kong tỉnh Nam Định daok rivang Bal ine Hà Nội saong sirah  Kalan Wa. Phaok Thủ tướng ndom lac Đảng, bhap bani daok kham merat peih ngak siam sarak Nyaom roya Đảng pakat negar mbang ka XII, dalam nan sangka tal bruk patagok kinh tế, patagok kadung jien Karja piah patagok jien brei ka an sinh xã hội, grap tanat rai diuk di urang buh pren yava ka cách mạng.

    # Di jabat rajaei , Phó Thủ tướng rajaei Trịnh Đình Dũng barau pan akaok nyaom biai ka Đề án đầu tư jalan cao tốc Bắc-Nam tal thun 2020 kayua mintri Giao thông vận tải (GTVT) pathau khan. Dalam nyaom biai , Phó Thủ tướng Trịnh Đình Dũng khan lac, công trình ini oh padheih hu. Công trình hu khik ka bruk patagok di taneh ia tui jalan công nghiệp hóa-hiện đại hóa, paglaong bruk meriak gauk di gah kinh tế.

    # Kapul urang ngak bruk di Ban Chỉ đạo Trung ương ka bruk pacang caga bala meng langik tasik kayua ong Lê Quang Hùng, Thứ trưởng Bộ Xây dựng dang akaok kapul hu van ngak bruk haong urang pal akaok Ủy ban bhap bani tỉnh Quảng Bình ka bruk pacang caga bala meng langik tasik, daong duah urang njauk baba. Urak ini, dalam tỉnh Quảng Binh hu 151 binek, kavei, dalam nan hu 26 baoh mbuan lahik an toàn saong 3 công trình daok ngak, daok pasiam veik, saong paglaong.

    # Ủy ban bhap bini tỉnh Thừa Thiên-Huế barau padang Hội đồng taong yaom khat lahik kayua môi trường tasik dalam tỉnh. Tui nan, Hội đồng ini meda taong yaom bruk khat lihik alam môi trường tasik di dom gah gaok kan kandah dalam tukvak aval di abih; ba tabiak jalan pasiam saong tani tanat bruk ngak mbang lagaih haong bruk di puk palei.

    # Kadung jien brei ka uranaih Việt Nam bahrau brei 80 sruh radaih juak haong ralo pok pandap hu yaom jaik 250 triệu đồng alin brei ka anek saih kathaot tỉnh Quảng Nam. Ini lac bruk ngak daok dalam danak dak “Hành trình cuộc sống” kayua Kadung jien brei ka uranaih Việt Nam pambuak haong dom doanh nghiệp peih ngak. Thun ini, Quảng Nam lac sa dalam 12 tỉnh, bal dalam negar hu danak dak ini peih ngak ralo bruk. 

    # Di Gia Lai, karja puk palei mboh lac bruk "Ma lai", "jru thư" dalam dom bhum bhapbini bangsa takik dalam tỉnh lac sa bruk xã hội, oh njauk lac adat oh siam mengkan di urang Gia Rai atau Ba Na daok mboh meng dom rai ini mai. Nan ye , tỉnh Gia Lai hu apdang dom jalan ngak piah yam tak palahik bruk "Ma lai", "jru thư" daok rah tabiak jhak.

    # Pak Kon Tum, urak ini daok yam tame tukvak salih mùa, tukvak ruak pandiak tabiak darah Dengue mbuan si tamuh khang. Lac tỉnh hu taneh riya praong, sruh jit tamuh ralo di bhum atah bayah, bhum tapen negar nan ye bruk pacang caga pandiak tabiak darah Dengue di tỉnh Kon Tum daok gaok biak ralo kan kandah. Tui pathau khan di Sở Y tế tỉnh Kon Tum, dalam 6 bilan akaok thun ini, dalam tỉnh hu jaik 900 urang njauk ruak pandiak tabiak darah Dengue. Dalam nan, hu sa urang metai.

      Khaw tin dunya:

    # Akaok mintri Văn phòng Thủ tướng Singapore, akaok Ủy ban dam dara  đảng Hành động Nhân dân (PAP) cầm quyền, ông Chan Chun Sing (Chan Chun Xinh), urak ini daok hu mbang ravang Trung Quốc, ndom lac Singapore tui sarak đối ngoại hu nguyên tắc, oh liên minh, liên kết saong phụ thuộc tame taneh ia karei; abih di nyu nan lac oh liên minh saong taneh ia ini piah mesruh haong taneh ia karei bo nduac tui sa trật tự thế giới hu nguyên tắc saong cởi mở.

     # Hadei di tuk cử tri Anh palih ruah jalan tabiak truh Liên minh châu Âu (EU), atau daok iew lac Brexit, London njauk kuhri kuhria peih prong talei pambuak bruk saong hu mbaok tame ralo jang dom hiệp định pambuak bruk ralo gah angaok dunya, dalam nan hu gam Hiệp định Đối tác xuyên Thái Bình Dương (TPP) kayua Mỹ haong Nhật Bản dang akaok.

    # Rajaei Myanma daok pataom tame ginum biai piah khik siam mekre bruk hồi hương ka labaih 100 rabau urang tị nạn Myanma di taneh ia Thái Lan. Akaok mintri iek gah bruk  biên giới di Myanma ông Ye A-ung (Gen Ye Aung) brei thau, rajaei daok ginum biaia hồi hương dom urang tị nạn Myanma daok veik di 9 trại di bhum tapeng negar Thái Lan- Myanma./.