# Page ini (21/5), mbang nyaom ka 5, Quốc hội Khóa XIV peih pakak di Hà Nội. Quốc hội meda ngak bruk dalam 20 harei. Dalam nan tukvak ka bruk padang ngak hukum lac 12 harei piah brei tapa 08 dự án luật, 01 dự thảo nghị quyết saong brei panuac ka 08 dự án luật karei, lac abih 60% tukvak di mbang nyaom. Di mbang nyaom ini, dom urang Quốc hội ngak bruk tui jalan salih barau, abih di nyu nan lac ka bruk tangi sua saong javap calei piah patgaok bruk biai nao mai dalam bruk ngak di Quốc hội.

# Dalam bilan Urang ngak thun 2018, di tỉnh Hà Nam, Thủ tướng Nguyễn Xuân Phúc barau hu var taom gaok ndom biai nao mai haong labaih 800 urang ngak dom libik công nghiệp bhum taneran kraong Hồng ngan saong kadha “ Năng suất glaong jang, phúc lợi siam jang. Ini lac mbang ka klau Thủ tướng Nguyễn Xuân Phúc taom gaok, ndom biai saong urang ngak, urang jakar công đoàn. Hadei di yaok mbang taom gaok, ndom biai nao mai, rilo sarak ka urang ngak hu sangka, rilo caong khin di urang ngak ka ka raidiuk, bruk ngak, jien bilan, yaom kaom, sang daok, libik payua uranaih, ilimo…hu Thủ tướng tacei pato dom mintri, nganh, puk palei peih ngak.

#Harei kabroi (20/5), di ban raya HCM, Trung ương Đoàn dam dara Cộng sản Hồ Chí Minh peih bruk pok meyaom 336 damdara hadah krah pakat negar ngak tui panuac Wa. Lambaok urang dang akaok Đảng, karja, ông Võ Văn Thưởng, akaok mban Tuyên giáo Trung ương hu pok meyaom dom rik daong praong di damdara dalam taneh ia dalam bruk bac megru saong ngak tui jalan hadah trah siam mekre di Hồ Chí Minh tukvak tapa di dom gah. Daok jalan ngak anak tal, ông Võ Văn Thưởng lac: Ngak tuk bruk jak ba saong ngak tui jalan hadah trah siam mekre di HCM pambuak pagam saong bruk salih barau saong paglaong bruk pato megru lý tưởng cách mạng, jalan adat, bruk daok dang ilimo ka thanh thiếu nhi. Mesruh pacang dom asal kadha saong dom jalan ndom puac suan, abih di nyu nan lac mesruh pacang angaok mạng.

#Jaik sa bilan ini mai, gam gam hu urang tame sang iek ruak kayua gaok gaok ala kaik saong hu ndih iek ruak di Khoa Nội Tiêu hóa – ruak darah, sang iek ruak Quân y 121, Cục Hậu Cần, quân khu 9, ban Cần Thơ. Dom urang ruak gaok ala lục kaik di dom libik ye anek tangin saong takai. Bruk njauk duh hatai abih meyah urang gaok ala kaik oh sumu iek ruak, mbuan si metai lac biak glaong.

# Dua võ sĩ Nguyễn Doãn Long (hạng 57kg likei) saong Bùi Yến Ly (hạng 51kg kumei) mek hu HC pariak di Giải Muay Thái nghiệp dư vô địch pakat dunya 2018 rah tabiak di Mexico. Hu mbaok di hạng 57kg likei, Nguyễn Doãn Long taong janeh dom võ sĩ Teodoro Ccanto (Peru), Valentin Alex Herceg (Hungary) saong Phillip Delarmino (Philippines), tapa nan vak angan drei tame chung kết. Min, di mbang meblah ngôi vô địch, Nguyễn Doãn Long oh tapa hu đối thủ urang Nga - Mark Valovich saong taduam mek Huy chương pariak…

Khaw tin dunya

#Harei kabroi (20/5), di gah Brak Ấn Độ takik abih 5 urang metai saong labaih 10 urang karei njauk tame sang iek ruak kayua menyum alak ja. Tui panuac khan di karja palei, mbang njauk jru mek alak ja rah tabiak di libik Xi-chen-đi (Sichendi) di bang Út-ta Pra-đét (Uttar Pradesh). Dom urang gaok bala hu tame sang iek ruak tuk mboh njauk jru mek. Dom urang jakar huac lac, dom urang metai meda hu rilo jang kayua rilo urang daok trak. Urak ini dom gah chức trách daok duah thau bruk nan.

# Taong paoh daok tagok di dom tỉnh gah meraong Thái Lan di melam 20/5, takik abih 10 baoh mbom patuh saong dom tangin phao nduac tame đồn cảnh sát. Min, oh hu rilo urang metai di dom mbang taong paoh ini. Bruk srau kadau di gah meraong Thái Lan daok tagok veik tuk tame bilan eik Ramadan. Dom mbang taong paoh rah tabiak di 7 tuk hadei di tuk solat. Di tỉnh Ya-la (Yala), 4 baoh mbom patuh di libik caik máy ATM. Min, oh ngak metai menuac.

# Kuhria tal tukvak ini, Cuba thau hu angan 20 dalam abih tih 110 urang metai di mbang gaok bala di kapal ahaok harei 18/5 saong hu jao brei ka sang dom urang metai piah ngak ndam metai. Tui ông Xơ-giô Ra-ben (Sergio Rabel), giám đốc Viện Y học Pháp y Cuba, dom chuyên gia pháp y daok ngak bruk luac melam piah tamat bruk brei thau angan dom urang gaok bala.