Khaw TIN 10h30 saong 14h30 14/6/2016

************

              #Harei kabroi 13/6, ong Trần Đại Quang - akaok taneh ia hu taom gaok - ngak bruk saong dom doanh nghiệp Việt Nam daok ngak mbang di Lào. Ong Trần Đại Quang pok meyaom dom doanh doanh nghiệp, gah đầu tư thau rami ramik veik, salih drak samal bruk ngak mbang piah lagaih haong darak pasal; taphia nan, ndom lac Đảng saong karja tuk halei jeng ba mbuan lagaih piah ka dom doanh nghiệp buh jien ngak mbang tapa Lào.

/ Harei kabroi 13/6, dom urang dalam UB thường vụ QH ginum meyai, brei panuac ka dom asal dalam mbang nyaom ka sa, QH mbang XIV, rah tabiak meng harei 20/6 tal harei 30/7. Di mbang nyaom ini dom urang QH hu ginum meyai ka bruk pasang iek nhân sự pakat glaong di karja. Ini lac asal praong di mbang nyaom akaok nhiệm kỳ.

#Bair harei kabroi 13/6, Thủ tướng Nguyễn Xuân Phúc saong kapul ngak bruk di rajaei hu ngak bruk saong dom urang dang akaok ban sit Cần Thơ ka bruk ngak mbang kinh te – xa hoi. Thủ tướng ndom lac, njauk apdang Cần Thơ jeng labik dang akaok di bhum, đa dạng hóa gah ngak nong saong dom gah karei piah patui jalan patagok, njauk lac pasak di bhum taneran kraong Cửu Long.

/ Báo Nhân dân barau brei thau kết quả “mbang pakacah vak ka bruk ngak nông, bruk urang nông, bruk palei pala thun 2015”. Hu 20 kadha gheih di  abih hu palih ruah piah jao thưởng di melam 18/6 tal, di HN. Mbang pakacah vak ka bruk ngak nông, urang nông, palei pala kayua báo nhân dân pambuak bruk saong mintri ngak nông saong patagok palei pala, kapul urang nông VN, Tổng cty khak drak saong hóa chất dầu khí (tập đoàn dầu khí pakat negar VN) peih tabiak meng harei ¼ thun bloh tal abih harei 31/1 thun ini.

# Anak bruk mehit lac chất phenol – sa janih ia jru mek oh brei pandar dalam ngak pandap mbang menyum, hu duah mboh dalam ikan nục di Quảng Trị, Cục An toàn pandap mbang menyum, mintri Y tế hu pandar Sở Y tế Quảng Trị payua mẫu ikan hu phenol tabiak Hà Nội piah Viện Kiểm nghiệm An toàn hacih saat pandap mbang menyum negar dut iek. Tuk hu kết quả meda brei thau cambaih .

/ Di Bình Định, urak ini hu labaih 100 kapal gaiy gilai ba tuai damuai du lịch rivang iek angaok tasik. Dalam nan hu ralo kapal gaiy gilai oh ka đăng kiểm, tut angan atau abih tukvak kiểm định bo jeng daok pajeng ba tuai damuai. Langiu di nan, dom mblang kapal thủy nội địa urak ini tamuh tabiak eng nan ye bruk khik iek gaok ralo kan kandah.

#urang dang akaok ban sit Đà Nẵng barau njauk hatai daong urang ngak ikan tuk taong cap saong pablei kaya ikan gaok kan kandah meng bruk ikan tasik metai di gah kreh negar di bilan 5 meng blaoh. Tui nan, ban sit Đà Nẵng meda kaoh tabiak meng kadung jien karja daong 825 urang ngak ikan hu kapal ikan hu công suất ala  20 CV lac 1 triệu đồng yaok kapal;  dua trieu dong yaok kapal ka labaih 450 urang ngak ikan hu kapal ikan hu công suất meng 20CV tal 90 CV.

Patui di ini dom khau tin dunya:

/ Đại sứ Phi-di Pê-tơ Thôm-xơn harei kabroi 13/6 hu caneh, jeng akaok đại hội đồng LHQ ngan saong 94 phiếu buh brei. Ong Thôm-xơn brei thau, bruk biến đổi khí hậu hu jeng bruk ngak dahlau di ong dalam tukvak tại nhiệm,  langiu di nan, ong jeng hu nhiệm vụ patui peih bruk ruah duah tổng thư ký barau di LHQ, urang salih ka tổng thư ký Ban Ki Mun,  abih tukvak di thun 2016.   

#      Tổng thống Hàn Quốc Pắc Cưn Hê (Park Geun-hye) barau brei thau veik jalan ngak di rajaei Hàn Quốc ka bruk gây sức ép tagok Triều Tiên ngak ka taneh ia  klak danakdak hạt nhân di drei. Rajaei Hàn Quốc meda pandar abih dom jalan ngoại giao piah khik caga lac dunya daok apdang sa mặt trận thống nhất piah langyah bruk hạt nhân di Triều Tiên.

/ Urang ngak praong Prang  brei thau dom jalan ngak an ninh pabak piah pacang cakak bruk srau kadau rah tabiak veik di dom cổ động viên caok mbanh, abih di nyu nan lac di ban Mác-xây hadei di mbang samu gauk di đội tuyển Anh saong Nga meng bloh. Mintri nội vụ Prang hu pandar dom ban rah tabiak dom mbang pakacah di vòng chung kết giải caoh mbanh vô địch châu Âu – ơ rô 2016 oh brei pablei alak dalm dom harei caok mbang./.