# Page harei 25/2 (lac harei 10 bingun bilan sa saka aia balan) non thiêng Yên Tử- Quảng Ninh peih hội. Ini lac lễ hội prong di negar tuk tame thun bahrau saong dui atah dalam 3 bilan gam. Lễ khai hội thun ini prong jang kayua ini lac mbang akaok meti hu peih ngak di Pasak Ilamo Trúc Lâm Yên Tử bahrau ngak, praong 17ha.

# Tỉnh Đoàn Thừa Thiên- Huế peih tabiak bilan dam dara  thu 2018pachreih hu labaih  700 urang đoàn dam dara mai hu mbaok ngan song rilo bruk ngak chreih chrai, siam lagaih yau peih dom mbang nyaom, ginum biai dom bruk,, dom diễn đàn “Dam dara song Đảng- Đảng song dam dara”;  peih bruk “Harei cer halan hatain”, “Harei adit hajao”.

# Thành Đoàn Đà Nẵng peih bruk jak ba “Tết pala phun 2018”, pachreih labaih 1.500 urang đoàn  dam dara hu mbaok tame. Hadei di lễ tabiak mbaok, dom ayut đoàn viên dam dara pala labaih 5.000 phun thông angin rah tui takai tasik Đà Nẵng angaok jalan Nguyễn Tất Thành. Tui bruk ba tabiak meng ini tal thun 2021, Thành Đoàn Đà Nẵng daok pala 30 ribau phun hijao  dalam bal.

# Thành Đoàn ban raya HCM tabiak  bruk bilan dam dara thun  2018 song peih ngak danak dak Trí thức ilamu khoa học urang ranaih halan hatain  mbang ka 9. 31 đội hình trí thức ranaih umo hu mbaoh tangin tame peih ngak 13 chuyên đề salih bahrau , langyah ilamu ngak nong , xã hội ka  thanh thiếu nhi song bhap bini di  5 huyện lingiu ban raya HCM. Tui kuhria hu labaih 600 boh sang hu tacei pato ilamu raong glang song pala drak 

# Tuk peih mbaok ngak bruk akaok thun, công ty THHH sản xuất-Thương mại dịch vụ Hoan Vinh di xã Tân Lý Tây, huyện Châu Thành, tỉnh Tiền Giang hu peih bruk taduan mek Huân chương Lao động pakat klau kayua akaok negar pok brei; taphia di nan  alin brei labaih 500 chi ameh 24K- 9999 ka dom urang ngak lavik thun saong hu rik daong dalam tukvak cakrok patagok di doanh nghiệp. lac doanh nghiệp ngak  áo đầm thời trang pakat glaong pablei tapa Mỹ, yaok thun, doanh nghiệp Hoan Vinh hu pablei tabiak labaih 1 triệu pandap.

Khaw tin dunya:

# Mesup harei ni 26-2, sa mbang megei boh taneh khang 7,5 độ rích-te rah tabiak di  tỉnh Nam Hai-len di Pa-pua Niu Ghi-nê (Southern Highlands). Pasak di mbang megei boh taneh atah di ban ine Pooc Mô-res-by (Port Moresby) 560 ki-lô-mét song dalam 35 ki-lô-mét. Oh hu panuac khan halei ka bruk urang njauk rambuac hadei di mbang megei boh taneh. Sa mbang megei boh taneh khang  5,5 độ rích-te harei kabroi jeng rah tabiak di Nhật Bản. Tui Jabat Pasang iek địa chất Mỹ, pasak mbang megei boh taneh  atah di  Hôn-su (Honshu) 78 dặm song dalam  6,2 dặm. Oh hu panuac khan ka bruk khat lihik hadei di mbang megei boh taneh.

# Harei 25/2, Campuchia peih bruk palih ruah Thượng viện mbang  4 (2018 – 2024). Hu mbaok tame bruk palih ruah mbang ini hu 4 đảng phái chính trị dalam nan hu Đảng Bhap bani Campuchia pal quyền, đảng Bảo Hoàng, đảng Thanh niên Campuchia saong đảng Khmer Hòa hợp bangsa. Thượng viện Campuchia mbang ini ini meda hu 62 kik, tagok 1 ghế dut haong mbang dahlau. Dalam nan 2 kik kayua Patao chỉ định, 2 kik kayua Quốc hội giới thiệu, daok veik nan kayua Đại cử tri palih ruah. Đại cử tri lac dom urang lambaok Quốc hội saong dom Ủy viên hội đồng xã, phường daok ngak bruk.

# Di pasak yaih khan pablei salih meh, pariak, patau  quý di  Tập đoàn meh pariak patau quý Trung Quốc atau di dom cửa hàng pablei pandap  trang sức, urang blei meh khin hu metuak jamo akaok thun bahrau oh rilo dalam harei "vía thần tài". Menuac pablei di labik ni brei thau, dalam dom harei ni, tuai mai blei takik jang bika rilo dut song dahlau Tết. Tui hatai sahaneng di bhap bini, urang  Trung Quốc mong harei  10/1 âm lịch lac harei "ndih tapui Yang patau ". Yau nan ye , harei ni bhap bini bhian oh padang ngak sang, pok haluk pajeng pandap patau atau mài rũa patau, oh jan palai ceik, peih jalan mek patau./.