# Melam 2/1, pak bal sit Đồng Xoài, Thủ tướng Nguyễn Xuân Phúc hu mbaok tuk peih bruk pahadar 20 thun harei padang veik tỉnh Bình Phước (01/01/1997 - 01/01/2017). Thủ tướng caong khin Bình Phước kham merat mek hu bruk lac tỉnh khá di bhum kinh tế trọng điểm gah meraong, yam tal tự chủ hu kadung jien karja saong hu ralo rik daong ka  Trung ương. Thủ tướng ndom lac: Kasa lac patagok bruk ngak nong đa dạng, thông minh, lac hình mẫu di negar dalam bruk peih ngak hu brukpatruh eik, patrun kathaot, yam tagok ngak meda ka mikva urang nong, abih di nyu lac bhap bani bangsa takik. Dua tra nan lac dak padang sa nền công nghiệp oh hu ô nhiễm, abih di nyu lac công nghiệp duh ka bruk patagok ngak nông công nghệ glaong di Bình Phước, Nam Bộ saong dalam negar... 

# Ông Đinh Hài, Giám đốc Sở ilimo – padhih saong Du lịch tỉnh Quảng Nam brei thau, meng akaok thun 2017, tỉnh Quảng Nam taduan raok hu yaok rabau mbang tuai du lịch dalam saong langiu taneh ia. Bruk daok pamoang ngak di gah Du lịch tỉnh Quảng Nam lac dalam thun 2017 meda pachreih hu labaih 5 triệu mbang tuai dalam taneh ia saong dunya . 

# Tui Thường trực Ban Chỉ đạo Tây Nguyên, dom tỉnh Tây Nguyên hu labaih 100 xã saong 1 huyện mek hu chuẩn palei pala bahrau; dalam nan, tỉnh Lâm Đồng hu 45 xã saong huyện Đơn Dương mek hu chuẩn palei pala bahrau, lac puk palei akaok meti di Tây Nguyên hu huyện mek hu chuẩn. Patui di nan lac tỉnh Gia Lai hu 50 xã mek hu chuẩn palei pala bahrau.

# Harei 2/1 lac harei padhieh puac di mbang padheih Tết Dương lịch. Tui pasang iek di ban raya Hồ Chí Minh, bruk nao mai di bến radaih, bến phà di melam  2/1 jeng tani tanat, laneng lahei, bhapbini oh njauk glaih glan saong meblah gauk nao mai. Dom canah jalan pabak tame, tabiak di ban ye Xa lộ Hà Nội (canah 4 jalan Thủ Đức), jalan roya 22, jalan roya 1A (canah 4 jalan Tư Ga, An Sương) biak laneng, oh rah tabiak bruk gar radaih yau dom thun dahlau.

# Tui pathau khan di Ban Khik iek dom labik rivang ma-in bal Vũng Tàu, dalam 3 harei padeih Tết Dương lịch 2017, tuai damuai mai ma-in di bal hu jaik 90.000 mbang urang. Kayua tuai damuai mai ma-in biak ralo nan ye jaik abih khách sạn dalam bal bak abih, ralo meng lac urang đặt phòng meng dahlau. 

# Tỉnh Bạc Liêu barau ba tame ngak bruk sang iek ruak Đa khoa Thanh Vũ Medic II di phường 7, ban sit Bạc Liêu. Sang iek ruak Đa khoa Thanh Vũ Medic II lac sa dalam dom sang iek ruak đa khoa tư nhân praong urak ini di bhum taneran kraong Cửu Long. Tui urang dang akaok Công ty Trách nhiệm hữu hạn sang iek ruak đa khoa Thanh Vũ Medic, di tukvak I ini, Công ty hu buh tame 500 tỷ đồng piah dak apdang sang iek ruak di labaih 5.000 mét vuông, taneh sàn pandar jaik 25 ngàn mét vuông ngan saong quy mô 200 laneng ndih ruak.

# Urang pala kruac bung pak Bhum taneran kraong Cửu Long daok bui sambai tuk urak ini janih baoh kayau ini daok hu yaom biak glaong saong pablei nduac. Ong Lê Thành Phương, sang bein daok pak bal sit Cù Lao Dung, huyện Cù Lao Dung, tỉnh Sóc Trăng hu jaik 200 phun kruac bung Năm roi saong kruac bung kalik hijao pablei tết; tui kuhria dahlau sản lượng hu 5 tấn kruac bung, tết ini sang ong mek tame jaik 200 triệu đồng. Thun halei jeng yau nan, jaik si tết yaom tagok, oh thau nyu tagok tal  halei tra. Thun blaoh,  yaok harei kruac bung yaom 30.000 đồng/kg, tết tagok tal 60.000 đồng/kg, nan lac tukvak di thun dahlau, daok thun ini oh ka thau yau habar. Min tui yaom yau nan ye dut haong yaok harei thun blaoh yaom nyu jeng glaong paje.

Khaw tin dunya

# Harei 2/1, Jabat Điều phối dom bruk nhân đạo di Liên hợp quốc (OCHA) brei thau, urak ini Kapul nhân đạo ini daok jak ba bhapbini dunya saong dom urang tài trợ dunya paglaong viện trợ nhân đạo piah daong chip ka labaih 3,9 triệu urang bhapbini Somalia daok kurang padai brah trak kayua gaok trak di biến đổi khí hậu,bruk tua riya dui atah, dom mbang srau kadau di phaoi ndao, abih di nyu nan lac dom mbang mesruh khủng bố kayua gah cực đoan Al Shabaab peih ngak.

# Sở Bảo vệ Môi trường bal Bắc Kinh harei 2/1, brei thau meda dui atah jang 3 harei cảnh báo di tanut cam ka bruk ô nhiễm không khí trak kayua aia kakuan tapal daok tuh trun bal ine di Trung Quốc. 

# Urang jakar ngak praong Hàn Quốc harei ini brei thau , taneh ia ini hu panuac caong karja Đan Mạch ba anek kumeidi amuk  Choi Sun-sin ( Choi Soon Sil) nhân vật chính di mbang srau kadau lạm quyền tham nhũng daok xét xử dalm atneh ia. Bruk caong nan hu karja Hàn Quốc ba tabiak hadei di tuk Viện công tố saong Cảnh sát Hàn Quốc brei thau anai Chung Y-u-ra ( Chung Yu Ra)  20 thun anek kumei di amuk Choi gaok cảnh sát Đan Mạch mek khik di bair harei kabroi layua daok suan hukum./.