# Thống đốc Gilang pariak Karja bahrau tabiak công văn ka 10088/NHNN-VP ka bruk khik caga siam mekre bruk ngak di gilang pariak tukvak Tết Nguyên đán Đinh Dậu 2017. Tui nan, Thống đốc tacei dom jabat dalam Gilang pariak Karja, dom gah tín dụng, dhar Gilang pariak negar langiu peih ngak siam, bruk hu jao brei, dalam nan pataom tamekhik caga siam bruk ngak ATM, pabak ginup, samar jien ndo ka dom đơn vị, kapul nyaom, manuac urang. 

# Tal tukvak ini di ban sit Đà Nẵng hu labaih 430 doanh nghiệp brei thau yaom jien thưởng Tết ka urang ngak. Tui nan, yaom thưởng glaong abih lac 300 triệu đồng. Ini lac yaom thưởng caik ka urang khik ramik di doanh nghiệp hu cổ phần rik jien di karja. Yaom thưởng bair abih lac 558.000 đồng. Yaom thưởng glaong abih gah doanh nghiệp hu phun jien tapak di taneh ia lingiu lac labaih 100 triệu đồng/sa urang, bair abih lac 500 rabau đồng/sa urang…

# Amuk Nguyễn Thị Thanh Huyền, Akaok Tổng Công ty May 10 (May 10) brei thau, darak pasar jhik pet dunya daok gaok kan kandah bruk nan jeng brei thau lac Việt Nam meda njauk meriak gauk catang haong dom negar pablei tabiak negar langiu prong yau Trung Quốc, Ấn Độ, Myanmar, Bangladesh... Yaom lac, thun 2017 May 10 jeng kham merat ba tabiak mục tiêu mek doanh thu (oh ka kuhria VAT) nan lac 3.100 tỷ đồng; kein laba nan lac 62,5 tỷ đồng; jien mek tame kuhria rah tapa hu jaik 7,3 triệu đồng sa urang sa bilan. 

# Bruk bảo hiểm y tế dalam taneh ia hu jaik 82% menuac sia, rilo jang  2,7% duk saong bruk Thủ tướng jao brei. Bruk nan hu phó Tổng Giám đốc Bảo hiểm xã hội Việt Nam Nguyễn Minh Thảo brei thau di nyaom biai salih bahrau hành chính saong tabiak jalan ngak ka thun 2017, di harei 3/1. 

# Tapa 2 thun peih ngak Nghị định 67, tal ini Ủy ban bhap bani tỉnh Bình Thuận hu mboh tangin sanya ka 180 urang tut angan ngak bahrau, patagok gilai taong ikan. Gilang pariak hu peih phun jien ka 67 urang saong yaom jien labaih 407 tỷ đồng. Urak ini hu 58 sruh hu ngak bahrau saong salah blaoh, ba trun tasik saong nao taong mek ikan saong daok hu 3 sruh bahrau pasiam veik. Ong Phạm Văn Trịnh, Phaok Akaok Gilang pariak karja dhar Bình Thuận, Phaok Ban tacei pato peih ngak dom sarak patagok kaya ikan dalam aia tỉnh Bình Thuận brei thau:  Taong abih gilai taong ikan bahrau ngak tui nghị định 67 di Raja-ei tỉnh Bình Thuận dalam tukvak anak tal pataom tame dom ngành nghề hu karja pachreih. Nao taong mek ikan atah tasik, mek hu ralo baoh jeng siam mekre, nan ye urang taong ikan thei jeng bui sambai, jia tame jalan ba di Đảng, sarak hukum di karja.

# Di tukvak Tết Nguyên đán Đinh Dậu jaik tal, gah biên phòng Gia Lai daok peih ngak rilo bruk piah pasang iek pablei salih lậu, bleik saleik pablei salih di libik tapeng negar. Thượng tá Lê Thuần Chất, Bí thư Đảng ủy, Chính trị viên đồn Biên phòng pabak mbang negar Lệ Thanh brei thau: “Đảng ủy, Ban chỉ huy đồn hu pataom tame peih ngak dom bruk biên phòng, abih di nyu nan lac dom nghiệp vụ cơ bản saong pambuak bruk catang haong dom dom kapul glang khik di libik tapeng negar, pabak mbang negar piah pabak pren khang mesruh pacang pablei salih lậu, bleik saleik pablei salih saong pablei salih pandap ja tapa libik tapeng negar.

# Piah khik ramik vệ sinh môi trường pak Bal raya Hồ Chí Minh dalam tukvak Tết Nguyên đán Đinh Dậu 2017, Công ty trách nhiệm Hữu hạn sa thành viên Môi trường đô thị Bal raya Hồ Chí Minh hu caga abih pren yava, menuac saong randaih piah  puh ramik, pataom mek hareik Tết, abih di nyu lac di dom labik mbuan hu ralo hareik hareim yau pasak pablei salih, dom darak meng kan saong dom darak pablei bingu. Cambaih laih, công ty hu brei 2.000 sruh radaih pajeng ba hareik saong 7.000 urang ngak hu mbaok tame mbang tổng vệ sinh ini. 

Khaw tin dunya

# Mintri Quốc phòng Mỹ harei 03/01 hu tagok sap trấn an Hàn Quốc - đồng minh di Mỹ di bhum Đông Bắc Á, hadei di tuk  brei thau ka bruk patagok tên lửa xuyên lục địa di Triều Tiên. Brei panuac di var họp báo, urang brei panuac di mintri Quốc phòng Mỹ Pê-tơ Cúc (Peter Cook) jeng brei thau, Mỹ jia lac meda jhul kadun likuk dom tên lửa đạn đạo halei hu cuh nao meng gah Triều Tiên

# Pak bal ine Bắc Kinh, Trung Quốc dalam page harei 3/1, harei akaok meto nao ngak hadei di mbang padeih raok thun bahrau, kayua aia kakuan tapal ngak ka ralo khu vực angaok 6 canah jalan cao tốc njauk kareik pabah mbang. Jaik 180 mbang par njauk brei padeih par dalam labaih 2 harei tapa di dom tỉnh jaik taphia Hà Nam (Henan), ngan haong jalan mong iek patrun daok tok 10 mét dalam page harei 3/1.

# Hrei 3/1, Ủy ban Bầu cử negar Campuchia (NEC) hu khan brei thau dom angan cử tri akaok mereip. Di mbang tut angan ini, labaih 7,8 triệu cử tri Campuchia nao tut angan pilih ruah, meblah labaih 81% dom urang ginup umo thun nao pilih ruah dalam taneh ia. Bhap bini Campuchia umo meng 18 thun tagok jeng hu quyền tut angan pilih ruah./.