# Biar harei 4/1, Mentri Công Thương Trần Tuấn Anh hu mbaoh tangin tame quyết định klaak Quy hoạch urang ngak mbang saong pablei salih brah tabiak negar langiu - quy định daok hu panuac lac ngak kan kandah tal doanh nghiệp. Quy định patabiak số lượng ralo abih 150 đầu mối pablei brah tabiak negar langiu; tacei tabiak cambaih bruk padang ngak kho padang piah, labik chai padai piah pabak  bruk pablei brah tabiak negar langiu di 20 tỉnh, bal dalam Trung ương; brei thau ka tiêu chí thành tích pablei brah tabiak negar langiu.

# Dua mintri Công Thương saong jien padai hu khan brei thau ka bruk tabiak yaom pablei lẻ xăng menyek meng 4 tuk bair harei 04/1. Tui quyết định di dua mintri, dom tanut neh tabiak padang quỹ khik tanat yaom xăng khoáng, xăng E5 di tanut 0 đồng/sa lít saong khik tamo dom janih menyek. Dua mintri jeng brei phép trun tanut chi pandar quỹ tanat ka dom janih xăng, meneyk. Tui nan, tanut klah rabha pandar xăng khoáng saong xăng sinh học E5 trun meng  600 đồng/sa lít trun daok 229 đồng, ngan saong meneyk diesel saong menyek gom khik tamo meng 250 đồng/sa lít saong 450 đồng/sa lít. Menyek mazut klah rabha di tanut 500 đồng/kg.

# Ủy ban bhap bani bal Đà Nẵng bahrau tabiak quyết định daong 5 triệu đồng ka yaok baoh sang hu urang metai dalam mbang njauk bala tuk yah klaak labik 42 - Trần Phú piah duh ka bruk ngak jalan hầm tapa gah pai tatua kraong Hàn, canah pak jalan Trần Phú, Lê Duẩn, quận Hải Châu. Anak meta, urang dang akaok bal Đà Nẵng daong ka yaok baoh sang hu urang metai 5 triệu đồng, njauk rambuis 2 triệu đồng; po đầu tư jeng daong ka yaok baoh sang urang metai  5 triệu đồng, urang njauk rambuis 2 triệu đồng; Công ty cổ phần Chiến Dũng daong brei ka yaok baoh sang urang metai 50 triệu đồng. Ong Nguyễn Văn An, Phaok Akaok Sở Lao động Thương binh saong Xã hội bal Đà Nẵng brei thau: Bala ini langiu hatai caong. Hu taom gaok dom baoh sang nan paje. Ta-eng urang njauk rambuis ye nao tal sang iek ruak. Sa-ai Thêm njauk rambuis trak daok ndih khoa Cấp cứu ye khaol dahlak hu nao rivang saong alin brei pandap daong di bal ka sa-ai  Thêm.

# Tỉnh Kon Tum urak ini hu 234 ging mbang tập thể, dalam nan rilo meng lac ging mbang di dom sang bac . Tapa pasang  iek di gah chức năng mboh daok rilo ging mbang oh ka siam dalam mbang menyum. Ông Hoàng Chí Trung, akaok Chi cục an toàn hacih saat pandap mbang menyum tỉnh Kon Tum brei thau: “Gam saong dom bruk tavak taviay nan, dom ging mbang tập thể dalam tỉnh gaok kan kandah di bruk dut iek asal di nyu, asal pandap mbang menyum ba tame ngak ka nguy cơ rah tabiak dom mbang ngộ độc biak glaong. Dom sang bac bhum atah bayah tok lac blei veik di dom urang kajeng thồ yau nan ye nguy cơ nyaom vi sinh vật saong ba tal ngộ độc pandap mbang menyum lac biak glaong. Dhlak jeng maong mboh hu nguy cơ rah tabiak ngộ độc pandap mbang menyum di dom ging mbang tập thể”.  

# Peih ngak jalan tacei pato di Ban Bí thư Trung ương Đảng ka bruk mbang Tết patak pataom, Ủy ban bhap bani tỉnh Gia Lai bahrau tabiak văn bản, pandar dom jabat Karja dalam tỉnh oh nao tadhau ayuh Tết, oh alin brei pandap ka urang pal akaok tui dom hình thức. Salih tame nan, tỉnh caong khin pandar siam mekre jang ka tukvak, jien padai piah sangka Tết ka urang kathaot, dom baoh sang saong dom đối tượng sarak karja, bhap bani labik njauk bala meng langik tasik.

# Tỉnh Ninh Thuận  hu kaoh tabiak meng kadung jien karja tỉnh labaih 13 tỷ đồng alin pandap saong daong jien ka labaih 56.680 urang dalam sarak karja, lac dom thương binh, sang liệt sỹ, sang kathaot, bhapbini bangsa kan kandah, urang bảo trợ xã hội lac urang taha umo 80 thun tagok; uranaih metui saong urang taha daok raong ba di dom libik tập trung.  Ủy ban bhapbini tỉnh Nnh Thuận hu parabha dom urang di uy mban bhapbini tỉnh saong dom sở, mban ngành dak apdang dom kapul ngak bruk nao ravang alin pandap dom puk palei gaok kanyah jhak di lingik tasik.

# Meng ini tal dahlau Tết Nguyên đán Đinh Dậu 2017, Sở Pajeng ba bal raya Hồ Chi Minh pambuak haong dom lgah karei tabiak jalan ngak tabung glaong nao pasang iek dom labik raok palao tuai dalam bal raya. Tapa nan meda cập nhật 85 labik raok, palao tuai dalam bal raya saong ba tabiak jalan ngak pasiam gilac trật tự an toàn giao thông di dom labik oh ka siam. 

Khaw tin dunya

# Đại sứ Nga di Philíppin A-na-tô-li-ê-vích Khô-va-ép (Anatolyevich Khovaev) harei 04/01 sanya Nga halan hatian jeng sa gah pambuak bruk barau biak tin cậy di Philíppin, ngan saong talei pambuak bruk  quân sự oh hu dom ràng buộc chính trị nao gam tui.

# Melam 4/1, Raja-ei bahrau di Đảng Dân chủ Xã hội Rumani (PSD) hu tabiak mbaok  tuyên thệ hu peih ngak pak bal ine Bu-ca-rét (Bucharest) hadei di tuk yam tapa mbang buh phiếu tín nhiệm pak Quốc hội dom tuk dahlau di nan. Raja-ei bahrau hu 26 urang, ralo jang raja-ei klak 5 urang. 

# Harei 04/01, Pháp tabaik lệnh cuh klak biak rilo menuk ada di 3 libik gaok kan kandah trak di jit kum menuk ada  piah pacang virut daok njom mbak samal. Mintri ngak nong Pháp brei thau, meng ini tal harei  20 bilan 1, meda cuh klak abih tih tapol ada, lakhen di libik gah tây nam taneh ia ini hu dom tỉnh Gơ (Gers), Lăng đơ (Landes) saong Ôn-téc Pi-ren-nê (Hautes-Pyrenees). Tui nan, jaik 800 rabau menek ada dalam abih tih tapol lac 18 triệu drei di libik tây nam meda cuh klak saong số lượng cuh klak meda paglaong meyah virút kum oh ka hu dut iek./.