Khaw tin 10h30 saong 14h30 harei 10-11-2016

# patui veik danak dak ngak bruk, page ini 10-11, Quốc hội biểu quyết brei tapa SARAK ka bruk đầu tư công trung hạn vaktu 2016-2020 saong ginum biai pak hội trường ka dự án Hukum daong pháp lý (pasiam veik). Dahlau di nan, dalam harei ngak bruk kabroi, ginum biai ka dự án Hukum daong doanh nghiệp mbiah haong sit, dom urang QH njauk gauk ka bruk patagok Hukum saong ndom lac, negar drei daok pamaong tal bruk Karja dak padang, Karja ba mbuan lagaih bruk ngak mbang ka dom thành phần kinh tế patagok.

# Bair harei 9-11, akoak taneh ia Trần Đại Quang taduan raok ông Trương Đức Giang, Ủy viên Thường vụ mintri Chính trị, Ủy viên trưởng Ủy ban Thường vụ Quốc hội Trung Quốc daok hu mbang ravang hữu nghị dalam taneh ia drei. Akaok taneh ia ndom lac, Việt Nam biak iek praong bruk patagok talei pambuak bruk tani tanat, siam mekre saong kajap di Trung Quốc. Di bruk biển Đông, akaok taneh ia Trần Đại Quang ndom lac, bruk praong prang di dua gah pok je lợi ích chính đáng di gauk njauk saong Công ước Liên Hợp quốc ka hukum tasik thun 1982, gam khik tani tanat di tasik saong alam môi trường hòa bình piah paatagok .

# Akaok Mentri ngak nong saong patagok palei pala bahrau hu harak pandar Ủy ban bhap bani dom tỉnh, bal tacei pato dom jalan ngak pacang cakak eik la-ar ka anek athur raong dalam bilan Đông – Xuân 2016-2017. Tui nan, dom tỉnh, bal padang dom kapul nyaom urang jakar nao tacei pato tapak, pasang iek, abih di nyu nan lac di bhum glaong – labik hu anek athur raong njauk pambak ralo di abih. Dom puk palei njauk pandar kadung jien karja piah caga brei ka bruk pacang cakak eik, la-ar ka anek athur raong, hu pandap panda, jien padai daong ka dom baoh sang kathaot, baoh sang sarak karja saong bhap bani bangsa takik piah pasiam veik, pacang metham veik van ro saong blei pandap mbang pabak.

#  Ủy ban bhapbini tỉnh Sơn La barau peih nyaom biai pathau khan ka tiềm năng, jalan ngak, sarak patagok kinh tế - xã hội bhum lòng hồ dom thủy điện dalam tỉnh tukvak 2016-2020. Bruk ngak di tỉnh Sơn La ba kinh te bhum lòng hồ dom thủy điện Sơn La, Hòa Bình saong Nậm Chiến 1 tagok samal, khang, ba brei bruk ngak, paglaong jien mek tame, trun kathaot kajap ka  bhapbini.

# Piah daong ka dom amaik ame tui iek lịch klauk vắc xin saong ba anek naih nao klauk jru ginup abih, njauk lịch, Mentri Y tế pambuak haong mạng xã hội Zalo peih phần mềm Hồ sơ klauk jru vắc-cin angaok mạng Zalo meng harei 5/11 meng blaoh. Dahlau di nan, dom urang ngak amaik ngak ame bhian tui iek lịch klauk jru vắc-xin di anek bhik drei tapa sổ Tiêm chủng meng harak. Kadha ini meda ba tal dom bruk oh siam yau: mbuan lahik sổ klauk jru vác-xin saong amek ame mbuan van lịch klauk jru di anek ranaih. Bruk peih ngak Hồ sơ klauk jru vắc-xin angaok Zalo meda pasiam veik dom kadha oh siam bahrau ndom angaok nan, daong ka dom urang ngak amaik ame mbuan tui iek bruk klauk jru di anek naih saong taduan mek hu  tin nhắn tuk si tal harei klauk vắc xin.

# Gah Y tế tỉnh Bình Dương bahrau hu urang ka 2 dalam tỉnh ruak kayua virut Zika. Urang ruak nan lac urang kumei umo 19 thun daok di ban sit Dĩ An, mboh pandiak tabiak mban, payua mẫu darah dut iek brei mboh dương tính saong virus Zika, urak ini pren yava urang ruak siam. Phường Đông Hòa, ban sit Dĩ An lac puk palei ka dua di tỉnh Bình Dương brei thau ruak kayua vi-rút Zika.

# Dalam tukvak peih nyaom darak pablei salih rivang ma-in tapen negar Trung – Việt biar harei 9/11, pak canah kraong Bến Tây Thiết Môn, kraong Bắc Luân hu peih danak danak daoh tamia  di dam dara dua puk palei Đông Hưng (Trung Quốc) saong Móng Cái (Việt Nam) thun 2016. Ngan haong kadha pok meyaom hatai ranam taneh aia, dam dara meyut meyau saong hatai caong khin sron mbon di dam dara ranaih, pok meyaom talei rohim di dua negar Việt - Trung, dom kadha daoh tamia ndung bak ilamu bhap bani meng kan pambuak haong alat raham jaman bahrau hu dam dara dua puk palei di dua taneh aia peih ngak biak mek meta. 

Khaw tin dunya

Trăm (Donald Trump) harei kabroi (9/11) brei thau, ông Trăm oh ka hu mbang ginum biai halei pambuak tal bruk tacei ssa  công tố viên truy tố dom bruk pandar thư điện tử cá nhân di tukvak ngak Ngoại trưởng Mỹ di amuk Hi-la-ri Clin-tơn (Hillary Clinton) yau ông bhian lac dalam tukvak  tranh cử. Dahlau nan, dalam harak ndom puac brei thau jayah di drei, ông Trăm jeng hu ndom, ini lac tukvak piah taneh ia Mỹ pasiam bruk neh rabha gauk .

# Raja-ei Mê-xi-cô brei thau meda oh bayar jien padang ngak daning paga di tapen negar ini haong Mỹ bo Tổng thống bahrau tagok rai di Mỹ, ong Đô-nan Trăm (Donald Trump) hu ndom lac meda padang ngak.  Ngoại trưởng Mê-xi-cô Clo-đi-a Rui Ma-si-ơ (Claudia Ruiz Massieu) ndom lac, padang ngaj daning paga oh ka daok dalam jalan ngak di negar ini. Raja-ei Mê-xi-cô jeng hu ginum biai kadha ini haong ong Trăm tuk ong hu mbang rivang Mê-xi-cô dalam puac bilan 8 meng blaoh.

# Urang jakar Áo harei 9-11 brei thau, virút kum menuk ada hu duah mboh di dom drei ada lingik metai jaik libik tapeng negar Áo pagam saong Đức, Thụy Sỹ. Mintri Y tế Áo khan lac meda peih veik dom bruk hadei tuk pasang iek mức độ ngak tabiak ruak di virút, min ndom lac oh ka hu bằng chứng virút ini meda pambak tapa anek menuac. Dom thun jaik ini, cim glai mai daok bhian pambak virút kum ka tapol menuk ada, kaya raong.