# Pak baoh sang Quốc hội, Akaok Quốc hội Nguyễn Thị Kim Ngân bahrau taduan raok Kapul Chủ tịch Liên minh Nghị sĩ Hữu nghị Nhật-Việt kayua ong Toshihiro Nikai (Tô-si-hi-rô Ni-cai,) Tổng Thư kí Đảng Dân chủ Tự do ba akaok. Amuk Nguyễn Thị Kim Ngân hu panuac salam uan ong  Tô-si-hi-rô Ni-cai, Akaok Liên minh Nghị sĩ hữu nghị Nhật - Việt saong Kapul Nghị sĩ Nhật tapa ngak bruk haong Quốc hội Việt Nam.

     # Viện Kiểm sát bhap bini huyện Đăk Min, tỉnh Đăk Nông bahrau brei adat khởi tố vụ án, khởi tố bị can angan Đinh Hồng Phong, daok ieu lac “Phong cướp” dok di xã Diễn Hạnh, huyện Diễn Châu, tỉnh Nghệ An piah điều tra ka bruk meblah mek drap ar. Di jabat công an, Đinh Hồng Phong taduan bruk ngak suan di drei, saong daok brei thau lac gam saong dom urang karei palai pajoa glai di khoảnh 8, tiểu khu 1122, di labik glai khik ramik di Công ty Lâm nghiệp Đức Hòa, huyện Đăk Song.

      # Tết Trung thu thun ini, tỉnh Đắc Lắc peih ngak ralo bruk ngak hu makna brei ka uranaih. Ban Tacei pato danak dak bruk ngak brei ka uranaih meda peih ngak danak dak Melam nyaom aia bulan bak baoh ka uranaih kathaot labik căn cứ cách mạng Krông Bông. Gam haong dom bruk bui sambai yau: tamia lân, daoh tamia, ma-in dom kadha ma-in bhap bani, tỉnh meda pok brei 30 pok jien bac , ysok pok yaom 500 ribau đồng saong 2.000 pok pandap, yaok pok yaom meng 200 ribau đồng ka uranaih kan kandah, uranaih jaoh jo dalam tỉnh.

      # UB bhap bini tỉnh Bình Dương song kadung jien dong uranaih tỉnh bahrau peih danak dak “ Harei hội trung thu song jao pok jien bac ka anek saih, SV yam tapa kan kandah, uranaih kan kandah tỉnh BD mbang ka 15 thun 2016” ka 1000 uranaih metui medar, jaoh jo sang kan kandah

      # Pak bal Đà Lạt, tỉnh Lâm Đồng, Kapul taom gaok Việt Nam bahrau peih bruk alin jien bac Vallet  brei ka anek saih, sinh viên kathaot yam tapa kan kandah bac da-a naih jioy bhum Tây Nguyên saong tỉnh Ninh Thuận, Khánh Hòa. Danak dak alin brei 144 paok pandap, yaom abih tih labaih 1,4 tỷ đồng. Dalam nan, yaok pok jien bac brei ka anek saih lac 9 triệu đồng, brei ka sinh viên 15 triệu đồng. 

      # Tòa án bhap bini tỉnh Đồng Nai bahrau peih mbang xét xử sơ thẩm song tuyên phạt bị cáo Lý Cảnh Dzếnh (ndih tapui thun 1972, dok di xã Phú Lợi, huyện Định Quán). 17 thun guk song Trương Thị Thùy Linh (ndih tapui 1963, daok di xã Thanh Sơn, huyện Định Quán) 16 thun guk kayua “pablei salih menuac ” song  “pablei salih uranaih”. 

       # Hadei di tuk lực sĩ cử tạ Lê Văn Công mek hu huy chương ameh akaok meti brei Kapul padhih urang jaoh jo Việt Nam hu mbaok tame  Paralympic 2016, Akaok Mentri Ilamo – Padhih saong rivang ma-in Nguyễn Ngọc Thiện hu payua harak tadhau ayuh. Akaok Mentri Nguyễn Ngọc Thiện pok meyaom bruk bo lực sĩ  Lê Văn Công mek hu tuk mbang akaok meti urang jaoh jo Việt Nam mek huy chương ameh, phá kỷ lục Paralympic saong dunya.

        Khaw tin dunya:

      # Yaok triệu urang Islam di dunya tuh mai palei Méc-ca (Mecca) di A-rập Xê-út piah ngak rukun haji, sa dalam dom bruk prong abih di urang Islam, jeng lac sa dalam 5 rukun di agama Islam. Karja  A-rập Xê-út dok peih prong dom sang megik, jalan mbak di Méc-ca piah pabak ka tuai damuai. Dahlau di nan, sang megrik AL Ha-ram hu peih prong meng 300 ribau mét vuông  tagok jeng 1,5 triệu mét vuông.

     # Liên minh châu Âu (EU) bahrau brei thau ka danak dak daong ngak pahla hu angan Mạng lưới An sinh Xã hội Khẩn cấp (Emergency Social Safety Net) piah daong ka urang tị nạn  pak Thổ Nhĩ Kỳ. Tui Cao ủy ka bruk daong ngak pahla Liên minh châu Âu Xti-li-an-i-đét (Christos Stylianides), danak dak ngak pahla hu yaom 348 triệu ơ-rô ini piah daong ka dom urang tị nạn mbuan si tổn thương abih pak Thổ Nhì Kỳ.

      # Mintri Y tế song Jabat Môi trường negar (NEA) Singapore brei thau dalam harei 8/9 hu 9 urang njom vi rút Zika kayua njom mbak dalam negar. Dalam sa harak khan, 2 jabat nan brei thau, dom urang njom zika di negar ni tagok tal 292 urang kuhria, meng di tuk duah mboh  urang camereip njom ruak di harei 27/8 meng bloh./.