# Thun ini, ban Đà Nẵng kham merat raok hu jaik 7,5 triệu mbang tuai saong jien mek tame lac 22,5 nghìn tỷ đồng meng bruk du lịch. Piah ngak hu yau nan, Đà Nẵng daok peih ngak rilo bruk praong pakat dunya, dui pachreih tui damuai. Tui nan, Đà nẵng brei peih bruk pakacah cuh phao bingu pakat dunya ngan saong kadha “Dalikan meng dom baoh tatua” dui atah dalam 2 bilan; harei pataom Nghệ thuật biểu diễn dunya mbang ka 1 thun 2018. Tui kuhria pachreih hu 20 kapul nghệ thuật mai meng dom taneh ia di Hiệp hội Sân khấu Quốc tế.

# Di UB bhapbini xã Phước Thiện, huyện Bù Đốp, tỉnh Bình Phước,  Hợp tác xã pablei salih - dịch vụ Phước Thiện barau hu  apdang tagok. Hợp tác xã pablei salih - dịch vụ Phước Thiện hu 16 urang. Ông Nguyễn Viết Vị, akaok Hội đồng quản trị gam ngak Giám đốc hợp tác xã. Urak ini abih tih jien điều lệ di hợp tác xã lac 2 tỷ đồng, saong dalam huyện Bù Đốp urak ini hu 9 hợp tác xã daok ngak bruk, dalam nan 7 hợp tác xã ngak mbang – pablei salih gah ngak nong – pablei salih saong dịch vụ.  

  # Urak ini, di Đồng Nai yaom patei membong pablei tabiak taneh ia lingiu daok tagok yaom tui yaok harei, meng 10 ngàn đồng/kg tagok 14-15 ngàn đồng/kg. Oh ka mboh vụ patei halei urang blei ba gak mai tal bein yar jien blei dahlau tuk patei daok meda yau thun ini. Makna ba tal bruk nan, lac kayua darak pasar Trung Quốc blei khang. Meng akaok vụ, darak pasar pablei patei tabiak negar lingiu nyu pandiak tagok tapa yaok harei min jeng mbuan gaok rilo rủi ro.

# Ủy Ban bhapbini ban Cần Thơ pambuak bruk saong Sở ilino, padheih saong Du lịch ban peih tabiak bruk bhapbini jum pataom dak apdang raidiuk ilimo thun 2018. Tui nan, ban Cần Thơ kham merat tal puac thun 2018 hu takik abih 95% dom sang mek hu angan “ sang ilimo, pachreih hu labaih 33% dom urang bhapbini pataom tame dom bruk ilimo, padhih gam gam; jak ba meng 5% urang bhapbini tagok mek hu angan “ menuac siam, bruk siam”.

     # Di Khu dân cư Golden City, phường Mỹ Hòa, tban sit Long Xuyên, tỉnh An Giang, Hội Doanh nghiệp pandap Việt Nam chất lượng glaong pambuak bruk haong pasak xúc tiến thương mại saong đầu tư tỉnh An Giang peih nyaom darak pandap Việt Nam chất lượng glaong thun 2018 ngan saong kadha “Pnadap Việt ba drei tame saong yam tagok”. Nyaom darak hu peih tabiak meng 6 tal 11/3/2018.

Khaw tin dunya

# Ngoại trưởng Trung Quốc Vương Nghị brei thau, Trung Quốc meda pambuak bruk saong dom taneh ia trung ASEAN patagok talei pambuak bruk pamaong tal paglaong talei pambuak bruk di dua gah. Panuac ini hu ông Vương Nghị ba tabiak tuk javap calei tabhia mbang nyaom yaka sa Quốc hội Trung Quốc mbang 13. Ông Vương Nghị ndom lac, Trung Quốc daok jhul khang talei pambuak bruk saong ASEAN di abih gah, gam klah rabha dom kein laba di harei hadei.

# Cảnh sát Ru-ma-ni (Romania) pambuak bruk haong gah cảnh sát Đức taong tayah sa jalan pakat dunya bhian pajeng ba menuac di cư meng Thổ Nhĩ Kỳ tame Đức dalam sa bruk pagui mek rah tabiak di harei 8/3. Tui cảnh sát Romania, ini lac sa jalan bhian ba menuac di cư meng Thổ Nhĩ Kỳ tapa Bulgaria, Serbia, Romania, Hungary tal Áo saong Đức. Piah yam takai tal Tây Âu,yaok urang di cư bayar ka kol pablei salih menuac yaom jien meng 4.000 tal 5.000 ơ-rô.

# Pathau khan di Hệ thống roh duah biến đổi khí hậu di Đại học Cô-lôm-bi-a, Mỹ brei thau, dalam 10 thun tal, meda hu jaik 13 ban di dunya nhiệt độ tagok jang 02 độ C. Ông Wi-li-an Xô-lếc-ki (Willian Solecki), Akaok kapul roh duah brei thau, asal kadha ini lac sa thông điệp biak duh hatai. Dalam dom thun 2020, jaik abih dom ban di dunya jeng hu nhiệt độ glaong, dom ban hu ndih tame angan nhiệt độ tagok glaong hu Giơ-ne-vơ, Thụy Sĩ tagok 2,5 độ C, Thâm Quyến, Trung Quốc tagok 2,3 độ C, Tsukuba, Nhật Bản tagok 2,2 độ C./.