Khaw tin 10h30 saong 14h30 harei 10/6

# Ban Tôn giáo rajaei pambuak bruk saong Sở Nội vụ tỉnh Đắk Nông peih nyaom biai brei thau adat hukum ka labaih 200 chức sắc saong mikva urang tui dom agama di Đăk Nông. Dalam dua harei 9 saong 10/6, dom urang jakar hu pato dom kadha pambuak tal agama ye : sarak hukum di karja ka agama; Pháp lệnh tín ngưỡng, agama; Jalan peih ngak Pháp lệnh agama; dom Thông tư tacei pato jalan ndom puac daok dang văn minh di dom labik agama.

/ Tỉnh đoàn Phú Yên pambuak bruk hong Sở Lao động ,Thương binh saong  Xã hội tỉnh barau peih bruk pathau khan, pacang cakak mblung a saong pato calui ia ka 80 uranaih, anek saih dom sang bac tiểu học dalam xã. Di labik ini, dom adei hu pato calui, jalan pacang cakak mblung ia, sơ cấp cứu tuk hu urang mblung ia… ini lac bruk ngak piah paglaong akaok saneng pacang cakak mblung ia ka anek saih, uranaih, taphia di nan kakei dom amaik ame, sang bac brei sangka jang gac dalam bruk khik caga, iek glang uranaih, abih di nyu nan lac pacang cakak mblung ia bhian rah tabiak dalam bilan hè.  

#Ủy ban bhapbini tỉnh Quảng Nam barau tabiak Quyết định brei 700 tỷ đồng padang ngak hạ tầng thủy lợi. Tui nan, meng ini tal thun 2020, tỉnh parabha 500 tỷ đồng piah ngak pakhang pasiam takik abih 500 km ribaong. Kuhria rah tapa yaok thun buh tabiak 100 tỷ đồng, dalam nan kadung jien karja tỉnh daong 70 tỷ đồng saong 30 tỷ đồng meng kadung jien karja palei, rik daong di dom hợp tác xã, bhapbini piah pakhang, pasiam 100 km ribaong.

/ Harei pataom baoh kayau Nam bộ 2016 barau pablei hu 215 tấn dom janih. Harei pataom baoh kayau Nam bộ jeng bruk ilamu, du lịch di ban raya HCM dalam Suối Tiên, rik daong yaih khan ilamu, DL di ban raya ngan saong ralo bruk ngak chreih chrai, gheih mekre. Kadha njauk ndom tal di harei pataom baoh kayau thun ini nan lac hu mbaok rilo baoh kayau lạ, hiếm, praong, hu dom janih barau yau: lộc vừng, sâm haluk , gán par, bala lamen, thiên điểu, baoh dak praong trak labaih 50 kg, baoh ploi mỹ trak 70kg, baoh bei kayau trak 35kg...

# Ông Đoàn Tấn Triều, Phó Giám đốc Sở ngak nong saong patagok palei pala tỉnh Trà Vinh brei thau, tỉnh daok peih ngak Dự án ramik pasiam dom ar tasik dalam tỉnh meng thun 2016- 2020, ngan saong yaom jien abih tih 350 tỷ đồng. Dự án ini piah khik caga an toàn tính mạng, drap ar di bhapbini, ngak jeng jalan khik caga an ninh quốc phòng khang kajap, pambuak pagam saong jalan nao mai saiam lagaih duh ka bruk patagok kinh tế- xã hội bhum tasik .

/ Meng thun 2015 tal ini, UBMT negar VN dom pakat tỉnh Hậu Giang hu padang, patagok saong pambak praong 57 bruk ngak siam ka sản xuất saong rai diuk di labik dân cư. Ralo bruk hu rik daong patrun kathaot khang kajap yau bruk “palahik abih baoh sang kan kathaot”, “padang ngak jalan kiểu mẫu”. “tổ bhap bini tự quản kiểu mẫu”, “jak ba bhap bini Khmer oh ngak sung hukum”. 

# Sang iek ruak Chợ Rẫy, ban raya Hồ Chí Minh, daok iek ruak ka sa urang ruak likei di tỉnh An Giang gaok liên cầu khuẩn pabui mbang tame hệ thần kinh trung ương. Hadei di 8 harei iek ruak, urang ruak hu tapa nguy kịch, tỉnh táo saong daok siam veik . 

Patui di ini dom khau tin dunya:

/ Gah chức năng Nga kham merat padam dom mbang khuah glai daok pambak praong di I-kút-xkơ , bhum Xi-bê-ri-a diNga.Tui gah chức năng Nga, tal urak ini jaik 600 ha glai saong jaik 90 bhum taneh pala di labik njauk pui mbang abih. Gah chức năng Nga hu pandar kapal haok oh hu menuac peih piah daong padam pui. Langik pandiak ngak ka bruk padam pui gaok oh takik kan kandah.

# sa mbang megaiy baoh taneh khang 6,2 độ rích-te  rah tabiak gah langiu pulao du lịch Bali, gah kreh negar In-đô-nê-xi-a. Gah khí tượng saong địa vật lý In-đô-nê-xi-a brei thau, mbang megaiy taneh rah tabiak ngan saong tâm chấn dalam 10km ala tasik, daok di ban sit Klung-cung (Klungkung) jaik  308km nao gah đông nam. Dom tatuan megei kayua mbang megaiy taneh hu mboh cambaih di pulao Bali. Mbang megaiy taneh ini oh hu menuac metai lihik.

/ Gilang pariak TƯ HQ brei patrun jien laba di tanut biar di abih 1,25% avar jang duk saong bruk ba tabiak. Bruk nan hu ba tabiak dalam tuk rajaei HQ peih bruk rami ramik veik gah ngak kapal saong pajeng ba takik, ba tal bruk brei padeih ralo công nhân. Ini lac mbang cakak trun akaok meti meng tuk gilang priak TƯ HQ patrun jien laba di bilan 6 thun bloh./.