#Harei 10-7, di jabat Trung ương Đảng, Ban Bí thư hu ginum biai ala bruk pan akaok di ong Tổng Bí thư Nguyễn Phú Trọng. Maong mboh dom bruk ngak suan di mBan cán sự  đảng Bộ Thông tin- Truyền thông dalam dự án MobiFone blei 95% cổ phần AVG lac biak khang, ngak lahik biak praong drap ar di Karja, ngak kan kandah praong tal bruk ngak saong bruk cổ phần hoá di Tổng Công ty MobiFone, ngak jhak tal angan je di tổ chức đảng saong Mintri Thông tin- Truyền thông, ngak duh hatai bhap bini, mBan Bí thư tabiak bruk kỷ luật  cảnh cáo Ban cán sự đảng Bộ Thông tin- Truyền thông  nhiệm kỳ 2011 - 2016.

# Page harei ini (11/7), Sở pato megru ban raya HCM brei thau điểm pakacah Trung học phổ thông pakat negar thun 2018 tui njauk quy định di mintri pato megru. Tui nan, dalam ban raya tok hu 1 thí sinh mek hu  điểm 10 môn Toán, dom thí sinh mek hu điểm angaok trung bình lac  69,47%; dom thí sinh meng 8 điểm tagok lac 1,27%. Môn Văn oh hu thí sinh halei mek hu điểm tuyệt đối, tok hu 5 thí sinh mek hu 9 điểm. Dom  thí sinh mek hu điểm angaok trung bình di môn ini biak glaong, meblah 71,44%.   Môn Ngoại ngữ dalam ban raya tok hu 20 thí sinh mek hu  điểm 10. Di môn pakacah ini dalam ban raya hu jaik 50% thí sinh mek hu điểm angaok trung bình saong 7,87% thí sinh meng 8 điểm tagok. Ngan saong bài pakacah tổ hợp Khoa học tự nhiên, môn Vật lý saong môn Sinh học oh hu thí sinh halei mek hu điểm 10. Tỷ lệ thí sinh mek hu điểm angaok trung bình di 3 môn Vật lý, Hóa học saong Sinh học lac  53,48%, 49,2% saong 37.85%. 

# Công an huyện Xuân Lộc, tỉnh Đồng Nai bahrau mboh sa labik tram jru tame baoh durian biak rilo dahlau di tuk ba tabiak darak pasar piah pablei. Dahlau di nan, Công an huyện Xuân Lộc pambuak bruk haong Quản lý thị trường tỉnh Đồng Nai nao pasang iek labik ngak, labik blei baoh kayau Hùng Thuận daok di palei Bảo Định, xã Xuân Định, huyện Xuân Lộc kayua ong Nguyễn Thành Tâm (34 thun) ngak po. Tapa nan, gah chức năng mboh dom urang ngak daok luk tapung sambo kanjik katam tame kadak durian, njuk tame thung ia jru. Pasang iek, công an mboh lac pak cơ sở di ong Tâm hu labaih 800 thùng durian trak abih tih jaik 14 tấn hu njuk ia jru sambo kanjik katam.

# Rajaei barau brei adat padang Hãng kapal ahaok Bamboo Airways,  tui caong khin di mintri Kế hoạch saong Đầu tư saong bruk njauk hatai di dom mintri nganh pambuak tal. Dahlau nan, Tập đoàn FLC saong Bamboo Airways hu mbuah tangin tame thỏa thuận blei 24 sruh kapal ahaok A321NEO saong Airbus di Pháp saong blei 20 srauh kapal ahaok Boeing B787-9 Dreamliner saong Boeing di Mỹ piah padang đội par, tabhia bruk pah di lingiu, kuhria caga ka bruk par di puac thun ini. Hãng kapal Bamboo Airways hu định vị lac hãng kapal ahaok oh lai ghép di dua janih kapal ahaok mengkan saong kapal ahaok lap jien, piah pamaong tal sa dịch vụ pabak hu rilo caong khin karei di gauk di tuai damuai.

# Miuyim sajarah negar pambuak haong Sở VH-TT-DL Quảng Ngãi  bahrau peih bruk kuac rok khảo cổ học kapal klak kram di bhum tasik Dung Quất (xã Bình Thuận, H.Bình Sơn). Ini lac baoh kapal klak kram ka 7 hu duah mboh saong khai quật di bhum tasik VN. Ngan saong baoh kapal ka 7 ini, rajaei halan hatian buh jien tabiak piah khik veik taong abih drap ar ilamu duah hu tui quyết định di Bộ VH-TT-DL, bruk khai quật kapal klak Dung Quất rah tabiak dalam bán kính 100 m meng labik kapal kram, tui nan labik kuac raok praong 800 m2 . Tukvak kuac raok dui atah tal harei 15.9. Tui TS Nguyễn Văn Cường, Giám đốc Bảo tàng Lịch sử quốc gia, lingiu dom thợ lặn daok hu dom chuyên gia dang akaok gah inem krung ilamu di VN hu mbaok tame khai quật kapal klak di Dung Quất.

Khaw tin dunya

# Đại sứ quán Việt Nam di Campuchia gam saong Tổng hội urang  Campuchia asal Việt saong dom doanh nghiệp Việt Nam di Campuchia hu tanyi ravang, daong 69 sang urang asal Việt saong urang Khmer njauk pui mbang khuah di pagaiy harei 10-7. Mbang khuah palai pajoa abih sang danaok, drap ar di rilo sang di quận Russey Keo, Phnom Penh. Kapul hu payua jien daong chip di dom doanh nghiệp Việt Nam di Campuchia, gam saong paok jien daong meng kadung jien Sứ quán saong kadung jien di Tổng hội ka dom sang. Bruk dak padang veik meng dom khat lihik di mbang khuah meda daok rilo kan kandah, abih di nyu nan lac dom sang di ini jeng lac kathaot. 

# Bruk daong kapul dit blong uraniah Thái Lan hu salah bloh di harei kabroi dalam jak jeng siam mekre, ba tabiak hu taong abih 13 urang. Tui urang jakar y tế Thái lan, hadei di tuk pasang iek pren yava, kapul 8 urang di kapul dit blong hu ba tbaiak dahlau nan hu siam mekre, khang kajap, hu ndom biai haong amaik ame gauk gar tapa pabah mbang camin.

# Rajaei Anh daok kuhria tagok jang dua mbang dom binh sỹ di taneh ia ini di Áp-ga-ni-xtan hadei mbang caong khin di Tổng thống Mỹ Đô-nan Trăm (Donald Trump) piah langyah bruk an ninh srau kadau di Áp-ga-ni-xtan.Thủ tướng Anh Thê-rê-xa Mây (Theresa May) ndom lac, rajaei meda payua veik 440 binh sĩ, patagok abih tih binh sỹ Anh di  Áp-ga-ni-xtan tagok jaik 1.100 urang piah daong bol bala Áp-ga-ni-xtan mesruh veik kol brok tagok di Taliban.Tổng thống Mỹ Đô-nan Trăm dahlau nan hu pandar Anh saong dom taneh ia NATO karei payua rilo lin daong ka Áp-ga-ni-xtan./.