# Tukvak pahadar 30 thun Harei lahik di Tổng Bí thư Lê Duẩn (10/7/1986 - 10/7/2016), harei 10/7, Thủ tướng Nguyễn Xuân Phúc hu mai cuh gilau pahadar pak sang di Tổng Bí thư (jalan Hoàng Diệu, Hà Nội). Cuh gilau pahadar Tổng Bí thư Lê Duẩn, Thủ tướng Nguyễn Xuân Phúc ndua dhal phol dom rik daong prong glaong di ong Lê Duẩn ngan haong bruk peih paha bangsa, yasa taneh aia saong sanya pambuak haong Raja-ei buh pren yava, sa hatung hatai kham merat dak padang taneh aia Việt Nam xã hội chủ nghĩa kaya meda, khang kajap, dân chủ, công bằng, văn minh.

        # Harei kabroi (10/7), Ban tacei pato jak ba halan hatian brei darah ban raya HCM pambuak bruk saong mban ngak danakdak ngak bruk bhong peih harei roya brei darah “ tanjaoh barah bhong anit ranam – ban raya hu angan Wa”. Var brei darah pachreih rilo sinh viên saong urang bhapbini ban raya pataom tame brei darah. Tamat harei roya, mban peih ngak hu taduan mek 750 đơn vị darah, rik tame kadung darah caik piah piah duh ka bruk  iek ruak ka urang bhapbini. Patui labik padheih takai di ban raya Hồ Chí Minh, danakdak ngak bruk bhong daok ba 130 urang halan hatian saong tỉnh Bà Rịa - Vũng Tàu, Lâm Đồng saong dom tỉnh, ban gah kreh negar, gah Brak .

       # Rah tabiak meng harei 10/7 tal 14/8, Chiến dịch tình nguyện Mùa hè xanh mbang ka 23 thun 2016 di Bal raya Hồ Chí Minh hu peih tabiak, pachreih hu labaih 100.000 dam dara hu mbaok tame. Ngan haong kadha “Chiến sĩ tình nguyện Mùa hè xanh rik pren dak padang Bal raya Hồ Chí Minh hu rai diuk siam, văn minh, hiện đại, nghĩa tình”, labik peih ngak di chiến dịch thun ini lac 24 quận, huyện di bal raya; dalam nan pataom tame 5 huyện langiu bal. Taphia di nan, chiến dịch daok rah tabiak pak pak dom tỉnh Đông Nam bộ, Tây Nam bộ, Tây Nguyên, Nam Trung bộ; pulao Thổ Chu (tỉnh Kiên Giang) saong negar ayut Lào.

     # Harei 10/7, Liên đoàn Lao động ban raya Hồ Chí Minh peih danakdak “ nao gam jalan saong doanh nghiệp” – thun 2016, pok meyaom 34 doanh nghiệp hadah trah ngak tui siam hukum lao động saong pasang iek siam ka raidiuk urang ngak, công nhân. Ini lac danakdak praong di bilan urang ngak mbang yaka 8 di ban raya HCM. Tukvak tapa, dom urang jakar công đoàn cơ sở ban raya năng động, nhạy bén dalam bruk rik pren gam peih ngak rilo bruk pakacah, pachreih urang ngak paglaong hatai tinh thần trách nhiệm; gam neh rabha saong dom doanh nghiệp, gam njauk hatai gauk dak apdang saong patagok doanh nghiệp jeng lac khik caga bruk ngak saong jien mek tame tani tanat ka urang ngak.

       # Hadei di ralo thun ngak cầm chừng kayua ralo makna, tukvak jaik di ini bruk du lịch di tỉnh Phú Yên daok hadah hadai tagok, dak harei dak jeng gah kinh tế praong di tỉnh. Dalam 5 thun (2011-2015), yaok thun tuai damuai mai rivang tỉnh Phú Yên tagok 20%. Ta-eng dalam  6 bilan akaok thun 2016, labaih 580 tibau mbang tuai damuai mai Phú Yên, tagok 18,2% dut haong tukvak ini thun 2015. 

       # Barau blaoh, mban tacei pato Tây Nguyên pambuak bruk saong sang iek ruak Đa khoa Bình Dân Đà Nẵng, ban sit Đà Nẵng alin labaih 300 paok pandap, yaom  abih tih labaih 552 triệu đồng ka bhapbini dom bangsa takik, sang sarak di dom bhum atah bayah dom xã Băng Adrênh, Dur Kmăn (huyện Krông Ana, tỉnh Đắk Lắk). Ini lac mbang ka 3, sang iek ruak Đa khoa Bình Dân Đà Nẵng alin pandap ka bhapbini dom bangsa kathaot, sang sarak di Đắk Lắk, Gia Lai ngan saong yaom jien abih tih labaih 1,3 tỷ đồng. 

     # Meng blaoh, Kapul Dam dara Cộng sản Hồ Chí Minh, Sở Ilamo, padhih saong rivang ma-in, Sở Lao động, Thương binh saong Xã hội tỉnh Đồng Tháp pambuak gauk peih Hội trại padhih – ilamo ka uranaih hu rai diuk kan kandah tỉnh Đồng Tháp thun 2016. 260 adei hu rai diuk kan kandah dalam tỉnh, mai meng 12 huyện, thị, bal sit saong sang ranam hu mbaok tame hội trại. Ini lac tukvak piah ka dom adei sinh hoạt, bui sambai dalam hè saong jeng lac jalan peih tabiak ka ralo adei hu hòa nhập tame cộng đồng, patagok bình đẳng.

      Khaw tin dunya

     # Mintri Quốc phòng Nga brei thau, sa sruh trực thăng quân sự Mi-25 di Syria  njauk kol Is cuh laik harei 9/7 tuk daok par di bhum gah ban Palmyra di Syria ngak ka 2 phi công Nga hu mbaok angaok sruh kapar mesruh ini metai. Tui gah glang iek bruk ngak di mạng di dom gah khủng bố SITE, IS khan lac drei cuh laik kapal ahaok  nan. Bruk ini ngak ka lin Nga metai di mbang srau kadau di Syria tagok tal 12 urang.

    # Malaysia brei thau pakuac nhập cảnh ngan haong labaih 300 tín đồ di giáo sỹ Abu Bakar si hu Raja-ei Indonesia palao tự do dalam tukvak anak tal, kayua huac dom urang ini meda jeng mối đe dọa khủng bố meyah nhập cảnh tame Malaysia. Phaok thủ tướng gam lac Kaok Metri  Nội vụ Malaysia Zahid Hamidi brei thau Cục nhập cư Malaysia daok ngak bruk haong Indonesia piah thau cambaih laih dalam nan hu gam vân tay saong dom thông tin nhân trắc học di dom urang ini.

     # Urang pachreih tui Thủ tướng Đức Angela Merkel hu tagok veik saong hu tanut glaong abih kuhria meng bilan 9/2015, tukvak Berlin tabviak panuac lac peih praong bambang raok urang tị nạn di taneh ia ini. Tapa mbang duah thau mboh lac menuac pachreih tui Thủ tướng Merkel hu tagok veik, tagok 59% - tanut glaong di  abih dalam 10 bilan tapa. Yau nan, tỷ lệ ủng hộ amuk Merkel hu tagok 9 điểm duk saong bilan dahlau nan, tagok tanut glaong abih kuhria meng bilan 9/2015./.