#  Phaok Thủ tướng Trương Hòa Bình pandar dom Mentri Jien padai, Công Thương, Quốc phòng samar pasang veik, ngak pasaim quy định saong peih bruk salih labik urang jakar pal akaok pakat Cục, pakat Chi cục. Tui nan, Phó Thủ tướng pandar dom mentri, ngành, puk palei paglaong bruk di urang dang akaok. Meyah angaok tỉnh, bal, gah halei caik rah tabiak dom labik pandiak khang ka tội phạm, buôn lậu, bleik saleik dalam bruk pablei salih, pandap ja dui atah atau hu urang jakar di drei oh siam, tham nhũng ye njauk kiểm điểm dom urang dang akaok, pasang iek, salih labik ngak, brei bruk ngak karei. Bruk salih labik ngak nan meda pataom tame  dom tỉnh, bal trọng điểm yau tỉnh Lạng Sơn, Quảng Ninh, Hải Phòng, Hà Nội, TP HCM, Long An, An Giang, Bà Rịa-Vũng Tàu.

   # Bahrau ini, di Giảng đường Nội ô Tòa thánh Tây Ninh, UB.MTTQVN tỉnh Tây Ninh peih nyaom biai pathau khan, brei thau ka Sarak Trung ương 7 (khóa XII) di Đảng ka labaih 200 chức sắc Hội thánh Cao Đài Tòa thánh Tây Ninh saong Ban đại diện Cao Đài Tây Ninh dom tỉnh, ban. Ông Nguyễn Văn Nhiếm- Phó Chủ tịch UB.MTTQVN tỉnh brei thau cambaih ka makna di Sarak 26 ka bruk pataom tame padang kapul urang jakar dom pakat, abih di nyu nan lac pakat praong, ginup pren yava, ilamu saong angan je, samu haong bruk ngak. Ini hu maong lac sa dalam dom sarak praong piah padang kapul urang jakar, abih di nyu nan lac urang jakar pan akaok, khik ramik dom pakat pabak hu bruk công nghiệp hóa, hiện đại hóa taneh ia.

 # Kapul urang njauk jru mek kalik kruac Dioxin huyện Định Quán, tỉnh Đồng Nai pambuak haong UBND xã Túc Trưng alin brei 50 pok pandap ka dom urang njauk jru mek kalik kruac di puk palei ngan haong yaom jien abih tih 25 triệu đồng. Tapa nan, Kapul urang njauk jru mek kalik kruac Dioxin huyện Định Quán daok pok brei 6 pok jien bac, yaok pok yaom 300 ribau đồng ka anek saih kan kathaot, bac da-a naih jioy. 

 # Di tỉnh Vĩnh Long, Gilang pariak dunya pambuak bruk haong UBND tỉnh Vĩnh Long peih nyaom biai “Peih bruk saong pato pakai dự án pasiam đô thị Việt Nam” brei ka dom urang dang akaok 7 tỉnh bhum taneran kraong Cửu Long (ĐBSCL) ngan saong yaom phun jien ODA saong phun jien mesraiy ưu đãi abih tih lac 240 triệu USD kayua Gilang pariak dunya daong. Dự án hu ngak pasiam 64 km jalan hẻm, 64 km jalan nding tathuak ia, hu 4.125 sang hu tame ia hacih, ngak pasiam saong padang ngak bahrau 52 km jalan pakat 1 saong 2, caik 10 ha piah padang hạ tầng khu tái định cư ka dom sang njauk panduan nao, ngak 85 km jalan điện truac hadah. Tuk dự án ngak bloh hu daong pasiam dom hạ tầng cơ sở di dom bhum njauk ngak dahlau saong paglaong raidiuk bhap bini daok dalam dom labik hu jien mek tame takik di 7 đô thị di bhum taneran kraong Cửu Long

  #  Chi cục Khik iek darak pasar tỉnh Lâm Đồng hu pambuak bruk haong dom gah chức năng peih bruk am cuh klaak labaih 4 tấn pandap nhập lậu, pandap pakauk saong oh thau asal di nyu. Ini lac dom janih pandap oh thau cambaih asal di nyu hu blei meng Trung Quốc tame tỉnh Lâm Đồng hu jabat chức năng duah mboh saong cap khik, dalam nan hu ralo janih yau pakao hala, mỹ phẩm, jru cavao chức năng, khak drak, mứt dom janih, akaok cà rốt saong baoh tỏi… Tui Chi cục khik iek darak pasar  tỉnh Lâm Đồng, dom pandap mbang bhian harei, kaya nong hu asal mai meng Trung Quốc hu dom urang pablei salih nhập tame Lâm Đồng dak harei dak ralo. Kayua yau nan ye, bruk patagok pasang iek, duah mboh saong xử lý dom bruk ngak suan, beik saleik dalam bruk pablei salih daok hu dom gah chức năng kham merat peih ngak.

      Khaw tin dunya 

# 12 uranaih di kapul caoh mbanh dit blong uraniah Thái-Lan mek angan Pabui glai daok mai bac veik. Sa adat meng kan likau patuah jamo bahrau hu peih ngak di sa sang bac pakat 2 di tỉnh Chiang Rai, labik dom uraniah ini daok bac. Adat hu ong Somboon Sirivej, Phó Tỉnh trưởng tỉnh Chiang Rai dang akaok. Sa urang jakar ngak praong di Bộ Giáo dục Thái-lan brei thau, karja taneh ia ini biak sangka tal bruk bac da-a di dom uraniah dalam kapul Pabui Glai. Kayua yau nan ye, sang bac labik dom uraniah nan daok tui bac, hu pato pabak ka dom adei. Bruk daong hu ka dom adei nyu ngak drut drui rilo menuac di dunya. Bruk di kapul Pabui Gilai nyu pachreih rilo hãng phim padang ngak phim, dalam nan hu dom angan je praong meng Hollywood.

  # Thủ tướng Campuchia Samdech Hun Sen tabiak panuac brei thau tukvak padang raja-ei bahrau tal akaok bilan 9 tal, avan jang tukvak ong ba tabiak dahlau nan  lac 20/9. Brei panuac anak yaok ribau urang ngak di tỉnh Com-pung Xpư, gah kreh negar Campuchia, Thủ tướng Hun Sen brei thau,  harei 5/9 tal Quốc hội meda buh phiếu padang Raja-ei bahrau. Tui kuhria, harei 6/9, raja-ei bahrau meda padang tagok saong bruk tuyên thệ nhậm chức di dom urang dalam Raja-ei bahrau meda rah tabiak dalam biar harei nan. 

# Dalam mbang xét xử meng bloh, Thủ tướng dahlau daih di Malaysia lac N.Razak njauk Tòa án Kuala Lumpur truy tố gac 3 dus bahrau ka rao jien, gam saong 3 dus gah lạm dụng tín nhiệm saong sa dus ka lạm dụng quyền lực pambuak tal bruk bê bối yaok tỷ USD di kadung jien đầu tư karja 1Malaysia (1MDB). Min urang ngak Thủ tướng dahlau daih di Malaysia daok tah klaak dom cáo buộc ini. Thẩm phán tòa án jeng daok brei ong N.Razak hu daok di sang hadei di tuk nộp sa yaom jien bảo lãnh bahrau pambuak tal dom dus nan./..