Khaw tin 10h30 saong 14h30 harei 12/2

# Tiến sĩ Nguyễn Thanh Phong, Akaok Cục An toàn thực phẩm, Mintri Y tế brei thau, tuk Tết Nguyên đán 2018, tui kuhria mboh dahlau, dom janih pandap mbang hu blei rilo jang 10 mbang harei karei. Lingiu di nan, ong jeng hu kakei bhap bini jhui khik piah rilo pandap mbang dalam dom hareiTết,  kayua urak ini, dom janih pandap yau: ralo, ikan, njam patam, baoh kraoh..tuk halei jeng hu dom siêu thị, darak praong, sit pablei meng harei 1 bingun, 2 bingun tết piah pabak ka urang blei pandar.

# Tỉnh Hà Tĩnh barau hu var taom gaok urang Việt daok di negar lingiu mai palei mbang Tết. Hà Tĩnh hu jaik 52.000 urang daok ngak mbang, diukrai saong bac megru di taneh ia lingiu. Yaok thun, jien meng negar lingiu ba mai ka taneh ia di kiều bào Hà Tĩnh patagok hamiet. Lingiu di nan, yaok thun rilo kiều bào Hà Tĩnh daok hu dom danakdak daong urang kathoat, sang kan kandah saong dom danakdak an sinh xã hội daong karja, bhapbini Hà Tĩnh dak harei dak yam tapa kan kandah.  

# UBND ban sit Đà Nẵng bahrau jao 2 harak chứng nhận tut angan đầu tư ka lambaok Công ty TNHH Kỹ thuật Công nghệ Điện Tự động Biển Đông, po đầu tư 2 Dự án praong saong yaom phun jien buh tame ngak abih tih lac 62,2 triệu đô la Mỹ tame Khu công nghệ cao Đà Nẵng. Tui kuhria, dự án peih tabiak ngak mbang 1 di quý 1 thun ini saong peih tabiak ngak bruk di akaok thun 2021.

# Bộ Chỉ huy Bộ đội Biên phòng tỉnh Kiên Giang barau tabiak mbaok kapal padam khuah di jalan kraong BP 20.08.01. Kapal BP 20.08.01 hu dom pandap hàng hải, hệ thống padam khuah hu phao pruh ia biak khang, công suất 80CV ngan saong tốc độ 96m³ ia sa tuk, pabak ka bruk daong padam khuah saong daong pacang bala di kraong. Kapal hu blei meng kadung jien xã hội hóa saong jao ka Đồn Biên phòng Tây Yên khik, pandar. 

# Dom janih baoh kayau siam, hu asal cambaih laih, pahe bingi mai meng Úc, Hàn, Nhật, Canada…daok hu urang blei di ban raya HCM blei rilo tuk tết thun ini. Dalam tuk baoh kayau negar lingiu pachreih urang blei rilo ya baoh kayau dalam taneh ia takik hu menuac blei. Makna lac kayua yaom glaong, saong kayua urang sahneng lac jaik tal harei tết meng nao blei. Sa-ai Nguyễn Thanh Hường, po tiem baoh kayau Hường Sang, labik 9 Thủ Khoa Huân, Quận 1 brei thau: “Mesup mai tal urak ini oh ka pablei hu baoh halei. Thun ini pablei du halei mek mai du nan, oh blei khik piah yau dom thun dahlau. Dahlau daih, tut tết dahlak pablei yaok rituh baoh tammekai, urak ini dom pluh baoh pablei oh abih”.

Khaw tin dunya 

# Melam 11/2, Tổng lãnh sự quán Việt Nam hu pambuak bruk saong dom kapul nyaom urang Việt di ban Ekaterinburg (Ê-ca-tê-rin-bua), tỉnh Svetlop (Dơ-vét-lốp) Nga peih tất niên saong salam uan Xuân Mậu Tuất 2018. Harei pataom rah tabiak dalam bui sambai, chreih chrai meng dom ragam tamia, sap daoh di dom adei anek di mikva bhapbini gam saong rilo sinh viên Việt Nam daok bac megru di Ekaterinburg.

# Di  New Delhi, harei kabroi(11/2), Đại sứ quán Việt Nam di Ấn Độ hu peih bruk uan raok thun baru Xuân Mậu Tuất 2018 ka bhap bini urang Việt daok diukrai, ngak bruk saong bac da-a di Ấn Độ. Dalam chreih chrai bui sambai, bhap bini urang Việt di Ấn Độ saong dom ayut pak nan haong ayut dunya hu maong iek rilo kadha daoh tamia ndung bak ilamu Việt Nam saong Ấn Độ. 

# Meng bruk daong di Liên minh châu Âu, Quỹ Nhi đồng Liên hợp quốc, rajaei dom taneh ia Cameroon saong Niger barau ini hu ba tame ngak danakdak pato megaru tapa radio ka uranaih gaok bala di dom mbang srau kadau. Dom danakdak pato megru pataom tame dom môn puac, vak, toán học, saong dom thông điệp khik caga uranaih hu paparsap meng sap Pháp saong sap puk palei.