# Di mbang nyaom ka 25 di Ủy ban Thường vụ Quốc hội (UBTVQH) mesup11-7 UBTVQH hu brei pnuac ka dự án Luật Cảnh sát biển Việt Nam.  Ralo panuac lac, njauk ndom Cảnh sát biển lac tapon nyom bol pan phao kraong bhap bini, daok bruk daok dalam gah halei lac kayua bruk ngak ba brei.

# Hội đồng jien bilan negar barau nyaom biai mbang akaok meti piah ginum biai ba tabiak tanut jien bilan takik abih ka bhum ka thun 2019. Ông Mai Đức Chính, Phó akaok Tổng liên đoàn lao động Việt Nam brei thau, lạm phát thun ini jaik 4%, patagok GDP urak ini labaih 7% yau nan ye urang ngak jeng hu mbang tui kein laba ini. Tabhia nan libik karja hu tagok jien bilan jaik 7% yau nan ye khối doanh nghiệp jeng tagok ka sumu gauk. Yau nan ye Tổng liên đoàn lao động Việt Nam ba tabiak tanut jien bilan thun tal takik abih njauk 8%:

#  5 tuk page mesup harei ini (12/7), Cửa hàng pablei salih tanyiak Ngọc Châu daok di labik 306 jalan Hồng Lạc, phường 10, quận Tân Bình TPHCM khuah khang. Pui khuah khang gam saong sauk glaong yaok pluh met ngak ka labik nan njauk lahik điện abih. Huac khuah pambak praong, rilo sang jaik nan ba drap ar tabiak nao. Taduan hu panuac khan, yaok pluh radaih padam pui hu ba mai. Hadei di nan dom minit, pui hu padam, tal 6 tuk mesup ini, urang lin padam pui jeng daok hu mbaok pak nan piah pruh ia ngak brei la-an plaih pui khuah veik. Urak ini, oh ka thau hu menuac metai lihik halei oh, min mbang khuah ini nyu khauh ralo pandap panda daok gah dalam.

#Sa ca ngộ độc kayua mbang kabao lạ di tasik rah tabiak di huyện Hoài Nhơn, tỉnh Bình Định ngak ka saai Huỳnh Thị S, (26 thun), giáo viên sa sang bac tiểu học di Tam Quan Bắc, huyện Hoài Nhơn metai. Dahlau nan saai Huỳnh Thị S hu mbang dua baoh kabao tasik. Tuk mbang blaoh, jaik 4 tuk metah lac mboh taglon blaoh salih tapa tê pabah, tê tangin, khang takoi. Urang di sang saai S. hu drah samal ba saai nao sang iek ruak Đa khoa khu vực Bồng Sơn. Jaik 21 tuk page harei 10/7, sang iek ruak taduan raok urang ruak Huỳnh Thị S dalam rup tê abih tangin, takai, takoi. Kayua sang iek ruak Đa khoa khu vực Bồng Sơn oh hu haduk lọc darah, njauk ba tagok sang iek ruak Đa khoa tỉnh Bình Đinh min urang ruak salih nguy kịch biak drah samal, tuk tagok jalan nao cấp cứu. Dom bác sĩ kakei dom janih kabao hu chất biak độc yau nan ye bhapbini jhui mbang dom janih kabao lạ.

# Dom harei jaik ini, yaok yaok rabau menuac jak gauk nao mbang durian yaom 19.000 đồng/kg di Bến Tre – lac yaom biak lap dut saong darak pasar urak ini tagok tal 90.000 đồng/kg. Piah hu tame mbang lac biak mbuan, tuai mbang bloh bayar asar veik. Kayua po vựa blei durian mai piah mek asar ngak pajaih nan ye pablei lap ka urang mbang piah mek asar. Dua gah jeng hu kein yau gauk.

# Hadei labaih 15 tuk ndom biai catang, melam 11/7 dah page harei 12/7 (tui tukvak Praha) rajaei liên minh cầm quyền dua đảng thiểu số di Thủ tướng Séc An-đrây Ba-bít-x (Andrej Babis) barau tapa bruk buh phiếu tín nhiệm di Hạ viện ngan saong bruk daong di Đảng Cộng sản Séc – Mô-ra-va (Morava), padheih tukvak srau kadau chính trị dui atah labaih 8 bilan kuhria meng bruk tổng tuyển cử.

# Hadei di dom mbang caong patagok jien ka gah quốc phòng di Tổng thống Mỹ Đô-nan Trăm, harei kabroi (11/7) dom urang dang akaok NATO họp di Brúc-xen, Bỉ hu pataom tame ginum biai ka bruk padeih abih bruk mesruh metak dui atah di Apganixtan.Thủ tướng Anh Thê-rê-xa Mây lac meda rik daong gac 440 lin ka phái bộ huấn luyện di NATO daok di Apganixtan. Dalam tuk nan, Tổng thư ký NATO Giên Xtôn-ten-bớc (Jens Stoltenberg) caong khin dom thành viên njauk gauk rik daong jien padai piah patagok pren khang ka gah an ninh Apganixtan tal thun 2024. Yaok thun, NATO pabak ka gah an ninh Apganixtan 1 tỷ đôla saong Tổng thư ký NATO caong lac thun ini jeng pabak hu bruk ini.