Khaw tin 10h30 saong 14h30 harei 13/11/2017

# Beir harei  12/11, di Jabat Trung ương Đảng, Tổng Bí thư Nguyễn Phú Trọng hu ginum biai song Tổng Bí thư, Chủ tịch Trung Quốc Tập Cận Bình. Tổng Bí thư Nguyễn Phú Trọng tong yaom glong bruk hu mbaok song rik dong di  Trung Quốc tame bruk jak jeng di Nyaom baiai pakat glong APEC 2017. 

# Jeng dalam harei 12/11, Phó akaok taneh ia Đặng Thị Ngọc Thịnh hu mbaok dalam harei roya jum pataom bangsa di khu phố 3, phường 6, Quận 4, ban raya HCM. Brei panuac saong mikva di ini, phaok akaok taneh ia Đặng Thị Ngọc Thịnh pok meyaom dom bruk ngak hu di khu phố 3 saong bhaonini Quận 4 dalam dom thun tapa. Meng sa quan hu kinh te kan kandah,  an ninh trat tu srau kadau, bhapnini saong pakat uỷ, karja Quận 4 dak harei dak patagok pren khang bnagsa, dak apdang hệ thống chính trị khang kajap, sangka tal raidiuk di bhapnini. 

# Liên đoàn Lao động tỉnh Phú Yên bahrau taduan 1,1 tỷ đồng di dom  Liên đoàn lao động, kapul nyaom  công đoàn  dom tỉnh song dom menuac urang rik patom  piah dong ka urang ngak, bhap bini dalam  tỉnh njauk khat lihik trak dalam mbang ribuk ia sua meng bloh.

#Libik khik ramik thiên nhiên Tà Cú, huyện Hàm Thuận Nam, tỉnh Bình Thuận urak ini daok dang anak bruk jah tak glai meblah taneh pala thanh long. Tui panuac khan di urang bhapbini, dalam sa bilan tapa, glai Tà Cú gaok meblah hamiet. Dom urang daok cuh tak glai piah meblah taneh pala thanh long min gah chuc nang jeng oh ka duah tabiak menuac urang piah xử lý. 

# Parang iek taom gaok Mỹ thuật Việt - Hàn bahrau peih tabiak di muinyim  Mỹ thuật ban raya  Hồ Chí Minh.  Parang iek taom gaok Mỹ thuật Việt - Hàn  hu yaih khan labaih 120 tác phẩm gheih di dom  nghệ nhân, nghệ sĩ dang akaok Việt Nam song Hàn Quốc. Meng dom chất liệu sơn dầu, sơn mài, thổ cẩm, thủ công mỹ nghệ… dom nghệ nhân di 2 negar hu brei mboh rai duik, mbang ngui, dok dang, ilamu di bangsa drei. Ni jeng lac tuk piah ka urang mong iek  thau hu dalam jang ka talei rohim dong ba gauk di Việt Nam song  Hàn Quốc; saong jeng lac jalan peih tabiak ka dom nghệ sĩ taom gaok ndom nyai nao mai, klah rabha ilamu song jhul patagok nền công nghiệp ilamu.

# Piah rik daong pabak veik kaya ikan dalam ia daok jaik si abih, Chi cục Thủy sản tỉnh Bến Tre pambuak bruk saong kapul Phật giáo tỉnh Bến Tre hu palao pajaih ikan taba trun kraong Hàm Luông di Phường 7, ban sit Bến Tre. Dom drei ikan hu palao mbang ini trak labaih 2 tấn, hu dom janih ikan ia taba hu dut iek  bloh, lagaih saong  ia nduac di kraong Hàm Luông. 

# Di ban Bạc Liêu, Mintri ilamu, Thể thao song  Du lịch pambuak bruk song  Ubbhap bini  tỉnh Bạc Liêu bahrua peih họp báo brei thau ka bruk peih ngak  harei patom ilamu, thể thao song du lịch Bhap Bini Khmer Nam bộ mbang ka VII, di  Bạc Liêu. Ngan saong kadha “ Khik ramik song patagok ilamu bangsa Khmer Nam bộ pabak ka bruk patagok khang kajap di taneh ia”, Harei patom ilamu thể thao song du lịch Bhap bini  Khmer Nam bộ mbang ka VII, di tỉnh Bạc Liêu hu rah tabiak  meng harei  17-19/11/2017. Harei patom ilamu hu mbaok di labaih 2.000 nghệ nhân, nghệ sĩ, diễn viên, nhạc công, vận động viên bhap bini di   12 tỉnh, ban bhum Nam bộ hu bhap bini bangsa  Khmer. 

Khaw tin dunya \

#Di ban ine Cairo, Ai Cập, barau rah tabiak mbolang darak pahla dunya Ba-da thun 2017” pachreih hu rilo bhapnini pak nan saong thành viên Ngoại giao dom taneh ia châu Á di Ai Cập. Ini lac sa bruk ngak yaok thun hu makna nhân đạo piah dui pagam dom ilimo, kayua kapul urang diuk di dom Đại sứ quán Châu Á pambuak bruk saong Hiệp hội Từ thiện Ai Cập peih ngak.

# Tui khau tin bahrau di abih, urang njauk bala dalam mbang megei boh taneh di tỉnh Kê-man-xa (Kermanshah), Iran, jiak song jalan tapen negar  I-rắc dok tagok  khang. Rayo papar binguk  Iran brei thau, hu takik di abih 61….? metai song labaih  300 urang njauk rambuac. Dom urang gaok bala nan rilo meng dok di ban Xa-pôn ê Gia-háp (Sarpol-e Zahab), atah di jalan tapen negar  labaih 15 km.

# Takik di  abih 11 urang metai di sa mbang pablek kapal du lịch rah tabiak di bang An-đra Pra-đét, gah meraong Ấn Độ. Bala nan rah tabiak di kraong Krít-na, atah di ban Vi-day-ya-oa-đa 25 km. 20 urang dalam abih tih 35 urang hu mbaok di gilai hu daong tagok. Gah duah daong jeng daok duah dom urang lihik. Gah chức trách Ấn Độ jeng hu peih bruk duah thau makna di bala ini.