Khaw tin 10h30 saong 14h30 harei 13/2 

# Dalam chreih chrai uan raok thun bahrau sak sau 2018, biar harei 12/2, akaok negar ong Trần Đại Quang hu mai rivang, tahdau ayuh tết dom trí thức tiêu biểu di Hà Nội.  Tadhau ayuh Tết Giáo sư, Tiến sĩ khoa học Nguyễn Khoa Sơn, ong Trần Đại Quang iek preaong, taong yaom glaong bruk rik daong di dom trí thức, dom urang ilamu khoa học brei ka bruk cakrok di taneh ia. Akaok negar ndom lac, meyah oh caga dahlau, oh pambuak tame dom ilamu khoa học công nghệ, ye taneh ia oh cakrok patagok hu

# Anak mblang bein Ngọ Môn, Đại Nội Huế melam kabroi(12/2), hu danak dak ngak iek bruk cuh pui phao thần công uan thun bahrau thak thau 2018.  Tui nan, dom gah thi công hu pagam 1.000 đèn led vil val Kỳ Đài piah truac hadah saong ngak brei gheih mekre jang tuk melam

# Di khu Tam giác - Bãi trước, ban sit Vũng Tàu melam 12/2 (lac melam27 bingun bilan mat, Hội Hoa Xuân saong jalan tapuk thun sak sau 2018 hu peih tabiak. Ngan saong kadha “Sắc xuân hội tụ”, Hội hoa xuân Mậu Tuất thun 2018 ban sitVũng Tàu caong lac labik taom gaok, caong sa thun bharau siam mekre, haneim phul tal taong abih yaok urang, yaok baoh sang.

# Dalam bui sambai di dom harei akaok thun bahrau, page 12/2, Tỉnh Sóc Trăng peih bruk taom mbaok dom halau janeng, dom urang pan bruk agama dalam  tỉnh. Jaik 100 urang mai pataom mbaok. Dom urang dang akaok tỉnh Sóc Trăng caong lac, dom halau janeng, dom urang pan bruk agama, dom urang tui agama patui jalan jum pataom gauk, khik ramik saong cak rok ilamu siam ka dunya, mekre ka agam, kham merat ngak siam bruk  xã hội từ thiện.

# Tết Thun sak sau 2018, tỉnh Hậu Giang hu rilo bruk ngak daong ka urang kathaot, sang sarak karja tui jalan lac oh caik ka sang kathaot halei oh hu mbang Tết”. Tapa nan, dalam  tỉnh hu jao 96 baoh sang anit ranam ka dom urang kathaot, gaok kan kandah ka sang daok, yaok baoh sang yaom 50 triệu đồng

Khaw tin dunya 

# Urang pan akaok Triều Tiên Kim Châng Un bahrau ini hu panuac lac, kadha praong lac jhul patagok bruk langyah saong ginum biai hadei di mbang gaok kapul pakat glaong Triều Tiên bahrau mai veik hadei di 3 harei hu mbaok di Thế vận hội mùa Đông Pi-âng Chang di Hàn Quốc.

# Melam 12/2, Đại sứ quán Việt Nam di Liên bang Nga peih payak đối ngoại uan thun bahrau sak sau di “Hồn Việt”-pasak ilamu pablei salih Hà Nội-Mátxcơva. Dalam chreih chrai bui sambai, bak hatai anit ranam gauk, jum pataom gauk, urang hu mbang dom pandap mbang meng kan di bangsa Việt, pang dom kadha daoh Việt- Nga kayua dom Việt Nam parang me-in.

# Khách sạn glaong abih di dunya harei 12/2 hu peih pabah mbang di ban Đu-bai, Dom Tiểu vương quốc Ả Rập thống nhất (UAE). Kayua Tập đoàn An Át-ta (Al Attar) padang ngak, khách sạn Giê-vô-ra (Gevora) glaong 356 mét, hu 528 phòng, 75 tầng saong di tabung nhà hàng ini meda maong hu abih ban Đu bai./..