# Harei ini (13/3) , dalam harei ngak bruk akaok meti di mbang nyaom 22, Ủy ban thường vụ Quốc hội  brei panuac ka dom asal kadha di dự thảo Nghị định ka menuac saong jalan daong jien pandar dịch vụ công ích thủy lợi, brei panuac ka dom bruk daok hu hatai sahneng karei di gauk di hukum đo đạc saong bản đồ, dự án hukum pasiam, pabak dom paka di Hukum pato megru. Chủ tịch Quốc hội Nguyễn Thị Kim Ngân pan akaok mbang nyaom

  # Di huyện Quản Bạ, Tỉnh Hà Giang, kapul ngak bruk di Ủy ban ka dom bruk xã hội di Quốc hội gam saong dom doanh nghiệp lingiu tỉnh barau alin limo binai ka dom sang kathaot. Tui nan kapul ngak bruk di  Ủy ban ka dom bruk xã hội di Quốc hội hu alin 10 drei limo binai yaom abih tih lac 150 triệu đồng ka 10 sang kathaot di xã Tả Ván, meng hatai caong khin dom sang hu anek raong, yam tagok cakrok kinh te. 

 # Biar harei 12/3, di ban Đà Lạt (Lâm Đồng) hu rah tabiak mbang nyaom brei thau bruk peih pakacah roh duah ilamu, kỹ thuật pakat negar ka anek saih trung học cơ sở saong trung học phổ thông thun bac 2017-2018 bhum gah meraong. Hu abih tih 239 dự án di  20 gah hu mbaok tame, rilo jang 22 dự án dut saong mbang pakacah thun bac dahlau, rilo meng lac dom dự án di pakat trung học phổ thông.

# Amuk Phạm Thị Ánh Hoa, Chánh văn phòng UB bhapbini tỉnh Bình Phước brei thau, tỉnh ini hu tabiak bruk patagok libik du lịch ilimo tâm linh Bà Rá, huyện Phước Long jeng libik du lịch ilimo tâm linh praong abih dalam taneh ia, tui kuhria pachreih hu jaik 3 triệu mbang tuai damuai mai Bình Phước di tukvak tal. Urak ini, cáp treo Bà Rá hu ngak blaoh saong ba tame pandar.

# Tui kuhria mboh,  huyện Phước Long lac labik raong baya dang akaok tỉnh Bạc Liêu ngan saong labaih 1.000 sang raong labaih 190.000 drei baya. Tukvak ini baya hu urang blei yaom meng 110 tal 135 ngàn đồng/kg, tagok jang jaik dua mbang duk saong thun bloh. Tui yaom ini, urang raong baya laba hu meng 20 ribau tal jaik 40 ribau đồng/kg.

Khaw tin dunya

# Klau đảng Dân chủ cơ đốc giáo (CDU), Xã hội cơ đốc giáo (CSU) saong Dân chủ xã hội (SPD) CHLB  Đức harei 12/3 hu mbaoh tangin tame harak thoả thuận padang rajaei liên minh saong meda drah samal tabiak rai rajaei barau di dom harei tal. 

# Harei 12/3, urang dang akaok gah tình báo negar di Hàn Quốc, ông Xu Hun (Suh Hoon) hu taom gaok Ngoại trưởng Nhật Bản Ta-rô Cô-nô (Taro Kono) di ban ine Tô-ki-ô. Brei panuac haong gah báo giới hadei di tuk taom gaok, Ngoại trưởng Nhật Bản Ta-rô Cô-nô (Taro Kono) brei thau, taneh ia ini saong Hàn Quốc njauk gauk brei khik bruk ngak catang mbiah tal tuk Triều Tiên hu jalan ngak cambaih laih piah pamaong tal bruk langyah dom danak dak tên lửa saong vũ khí hạt nhân:

# Tổng thống Mỹ Đô-nan Trăm harei ini (13/3) khan brei thau, akaok mintri Thương mại taneh ia Uyn-bơ Rốt (Wilbur Ross) meda ginum biai saong dom lambaok di Liên minh châu Âu (EU) ka bruk trun takik kak je dom pandap panda Mỹ. Panuac ndom di Tổng thống Mỹ hu ba tabiak hadei di tuk dom mbang ginum biai di gah pablei salih di châu Âu saong Mỹ di Brúc-xen (Brussels), Bỉ oh siam, pambuak tal bruk langyah dom srau kadau ka tanut kak je nhập khẩu barau di Mỹ pamaong tame dom janih thép saong nhôm.