# Urak ini, Tổng cục Dự trữ Karja daok peih bruk brei brah daong di raja-ei  ka 487.159 anek saih bhum bhian kan kandah di 47 tỉnh, bal dalam negar. Tui kuhria bruk brei brah daong ini meda ngak salah baloh dahlau di harei 30/4/2017.

# Tui panuac di mintri ngak nông saong patagok palei pala, jien mek tame meng bruk pablei tabiak negar lingiu dom kaya nông, kaya glai, kaya ikan bilan 3 tui  hu 2,9 tỷ USD, ba abih tih yaom xuất khẩu 3 bilan akaok thun lac 7,6 tỷ USD, ralo jang 7,6% duk saong thun 2016. Cambaih laih nan lac, yaom xuất khẩu kaya ikan tui kuhria mek hu 1,5 tỷ USD, ralo jang 3,6%; dom pandap kaya glai mek hu 1,8 tỷ USD, ralo jang 12,4% duk saong thun 2016. DALAM 3 bilan tapa, gah cao su saong cà phê hu tagok khang. 

# Biến đổi khí hậu daok ngak kan kandah saong pambak khang tal bruk pala  cà phê di Tây Nguyên ngan haong yaok pluh ribau ha njauk pambak, yaok ribau  ha lahik abih mbong yaok thun. Nan lac kadha daok hu ba tabaik di Diễn đàn “Ngak cà phê thích ứng haong biến đổi khí hậu” kayua Pasak Pachreih nong pakat negar bahrau peih tabiak di bal Pleiku, tỉnh Gia Lai ngan haong bruk hu mbaok di labaih 250 urang lambaok nan lac urang nong saong dom chuyên gia, doanh nghiệp dalam gah ngak nong. Pak diễn đàn, dom urang lambaok pataom tame dom jalan ngak samar drah pambuak pagam tal ilamu iek glang, buh khak, pruh aia, pacang caga halak halin. Ong Trần Văn Khởi, Quyền Giám đốc Pasak pachreih nong negar brei thau: “Tui dahlak, akaok meti nan jeng lac ngak habar tacei pato ka mikva urang nong pala ngak dalam quy hoạch. Kadua, njauk ngak tui quy trình tacei pato, pala, halok di mentri njauk laghaih haong yaok puk palei. Ka klau, tacei pato hệ thống pachreih nong nao trun piah tacei pato mikva urang nong  ứng phó samar drah haong dom hiện tượng bất bình”.

# Ong Điểu Bi Rút, Tổ trưởng cộng đồng taduan  khoán palei Bù Dốt, xã Bù Gia Mập, huyện Bù Gia Mập, tỉnh Bình Phước brei thau: tổ hu 25 urang bangsa S’tiêng khik caga labaih 1.800 ha glai di dom tiểu khu 21, 26 hu mbaok tame pacang cakak padam khuah di bein negar Bù Gia Mập. Tổ parabha jeng 3 ca, yaok ca hu 8 urang trực gam gam dalam 5 harei saong trực 24/24 tuk. Piah khik kajap an toàn, dom thun tapa tổ palei pambuak bruk saong kiểm lâm viên kuhria jah tak, am cuh, ramik hacih hành lang 2 gah jalan. Kayua yau nan ye taneh kayua tổ khik iek oh rah tabiak bruk khuah glai.

# Yaom lac daok dalam tabung glaong di bilan thu min dom urang njauk ruak pandiak tabiak darah di Trà Vinh daok hu mboh ralo saong hu blaoh dua urang metai. Kuhria tal ini, Trà Vinh hu labaih 200 ca njaom mbak ruak njauk tame sang iek ruak, tagok 19 ca dut haong tukvak ini thun dahlau. Makna ngak ka urang njauk ruak pandiak tabiak darah tagok khang nan kayua pambak di mbaak bhang nan ye mikva patgaok bruk pacang caga aia hajan piah pandar min takik caik hatai tal bruk pametai anek lăng quăng.

# Di ban Cao Lãnh, tỉnh Đồng Tháp hu peih tọa đàm “daong saong jhul khang bruk pablei pandap an toàn”, pachreih hu labaih 120 urang lac urang nông,, lambaok HTX, tổ pambuak bruk saong dom doanh nghiệp pablei kaya nông dalam ban. Tui nan, caong khin urang pala pambuak bruk saong doanh nghiệp blei pandap, paglaong bruk di kinh tế kapul nyaom dalam dak padang dom bhum pala drak saong pambuak bruk blei kaya nông an toàn, rik daong paglaong yaom kaya nông puk palei.

Tin thế giới:

# Campuchia saong Nga meda mboh tangin tame harak sanya ka bruk pandar năng lượng hạt nhân brei ka bruk hòa bình dalam tukvak anak tal pak bal ine Mát-xcơ-va (Moscow), Nga. Gah Campuchia pandar Nga daong pasiam veik sang iek ruak hữu nghị Khơ-me (Khmer) – Xô Viết saong daong pato tacei ilamu kỹ thuật ka urang jakar sang iek ruak. Ini lac biểu tượng di talei rohim pambuak bruk meng lavik mai di dua negar.

# Pê-ru brei thau barau  ieu Đại sứ taneh ia ini di Vê-nê-xuê-la mai veik taneh ia saong lên án quyết định jaik ini di  tòa án Tối cao Vê-nê-xuê-la (TSJ) meblah quyền lập pháp. Mỹ harei kabroi jeng lên án quyết định di tòa án tối cao lac sa jalan yam kadun likuk ngan saong dân chủ di Vê-nê-xuê-la, ngak tayah dom qui tắc hiến pháp, phủ nhận quyền di bhap bini Vê-nê-xuê-la  ba tabiak jalan harei hadei di taneh ia tapa dom lambaok hu palih ruah. Mỹ ieu rajaei Vê-nê-xuê-la brei adat Quốc hội, hu bầu tui jalan dân chủ, brei mboh dom chức năng hiến pháp di drei, peih bruk bầu cử avar saong peih lui chip dom urang guc chính trị./.

# Pak van taom gaok bhian mbang di Mentri Ngoại giao Trung Quốc, urang  tabiak panuac Lục Khảng brei thau, taduan panuac daa di Tổng thống Mỹ Đô-nan Trăm (Donald Trump), Chủ tịch Trung Quốc Tập Cận Bình meda nao rivang Mỹ meng harei 6-7/4. Tui kuhria, urang dang akaok dua negar meda hu mbang ginum biaia haong gauk pak khu padeih padei Ma-a-la-gô (Mar-a-Lago) ơpak bang Phờ-lo-ri-đa (Florida), Mỹ./.