#Biar harei 13/3, Phó Thủ tướng Vương Đình Huệ hu taduan raok Giáo sư Andreas Hauskrecht  di sang bac Kinh doanh Kelley, Đại học Indiana (Hoa Kỳ) daok hu mbang rivang saong ngak bruk di Việt Nam.  Salam uan Giáo sư Andreas Hauskrecht, Phó Thủ tướng Vương Đình Huệ hu panuac dhar phor Giáo sư hu pambuak bruk khang kajap haong dom jabat, dom kapul nyaom  di Việt Nam dalam bruk khan brei gauk thau, langyah, taong yaom bruk kinh tế dalam saong lingiu taneh ia, pok panuac ba tabiak dom sarak ka rajaei Việt nam. Dom urang dang akaok rajaei VN tuk halei jeng caik hatai tui pang, iek praong dom panuac rik daong di dom chuyên gia, học giả dalam bruk tacei jalan ngak kinh tế vĩ mô. 

# Di mbang nyaom yaka 22 di Ủy ban Thường vụ Quốc hội brei panuac ka Dự án hukum ramik pasiam, pabak dom paka di hukum pato megru đại học di pagaiy harei 13/03, rilo urang jakar jeng njauk hatai. Min, tui dom urang jakar, bruk ramik pasiam, pabak hukum njauk ngak tabiak jalan pháp lý ka pato megru đại học patagok, pamaong tal bruk praong lac pato pakai menuac urang hu chất lượng.

 # Pakauk oh brei ba menuac nao ngak bruk di dom labik nhiễm xạ, ini lac asal kadha dalam harak công văn bahrau hu Cục khik ramik urang ngak di negar lingiu (Mintri Lao động, Thương binh saong Xã hội) payua dom  công ty ba  thực tập sinh tapa Nhật anak bruk mehit lac thực tập sinh daok ngak bruk di bhum nhiễm phóng xạ. Lingiu di nan, pandar dom doanh nghiệp payua harak pathau khan pasang iek mai brei Cục thau dahlau di harei 15/3.

# UB bhapbini ban Đà Nẵng barau hu harak pandar dom jabat, libik peih bruk parabha, brei dom janih radaih sơ mi rơ móoc, radaih  kéo rơ móoc nduac di canah jalan Yết Kiêu - Ngô Quyền - Ngũ Hành Sơn di tukvak tabung glaong. Tui nan, pakauk dom janih ini nduac di canah jalan tame tabiak Đà Nẵng di tukvak meng 16 tuk 30 minit tal 18 tuk 30 minit yaok harei. UB bhapbini ban Đà Nẵng pandar Sở Giao thông Vận tải peih bruk padang biển brei thau pakauk, tacei parabha jalan meng atah tui adat, ngak blaoh dahlau harei 25/3 thun ini.

# Gah ngak nong tỉnh Cà Mau bahrau hu harak tacei dom puk palei bhum ia taba dalam tỉnh kakei bhap bini jhui trun pajaih njam patam, dalam nan rilo meng lac ratak naih (ratak aih tikuh) angaok taneh padai . Ong Nguyễn Văn Tranh, Phó Giám đốc Sở Ngah nong saong patagok palei pala tỉnh Cà Mau brei thau:  Sở hu harak tacei pato bloh, thun ini oh ngak padai  vụ 3, oh trun pajaih ratak naih angaok hamu padai tra kayua lingik  oh lagaih. Dalam bilan 3 ini meda hu hajan suan bialn, meda hu áp thấp nhiệt đới, nan ye khan brei thau dahlau.

 Khaw tin dunya

    # Tổng thống Mỹ Đô nan Trăm harei 13/03 brei thau barau brei padeih bruk Ngoại trưởng Rếch Ti-lơ-xơn (Rex Tillerson) saong pok brei Giám đốc jabat tình báo trung ương (CIA) Mai Pôm-Pê-ô (Mike Pompeo) salih ka ông nan. Bruk nan di ông Trăm hu maong lac sa jalan salih praong dalam dom urang jakar an ninh negar anak dom bruk praong jaik tal ye dom mbang ginum biai saong Triều Tiên. 

# Srau kadau gah chính trị di Slovakia meda dui atah hadei di bruk pametai sa phóng viên duah thau ka bruk tham nhũng di taneh ia ini 2 adit dahlau. Hadei di bruk ndok bầu cử Quốc hội aval di 1 đảng dalam liên minh cầm quyền saong akaok mintri Nội vụ likau padeih,, urak ini Thủ tướng Robert Fico daok dang anak 1 bruk bỏ phiếu tín nhiệm di akaok adit tal.

#Harei kabroi (13/3), dom urang chức trách Pháp brei thau, Hải quan taneh ia ini hu mek khik 9,2 tấn cô-ca-in dalam thun 2017. Akaok mintri Ngân sách Gerald Darmanin (Giê-ra Đác-ma-nanh) ndom lac, ini lac dom ma túy kỷ lục gaok mek khik kuhria tal urak ini, yaom drap ar tội phạm gaok mek jeng tagok kỷ lục, tal 477% duk saong thun 2016. 

Thúy Linh/VOV-TPHCM