# Harei kabroi 13/9, pak bal Cần Thơ, Ủy ban Mặt trận Negar Việt Nam peih"Ginum biai patagok bruk ngak di urang hu angan je dom bangsa bhum Tây Nam Bộ dalam bruk ieu pataom, dak padang talei gul pataom taong abih bangsa". Ủy viên Bộ Chính trị, Akaok Ủy ban Mặt trận Negar Việt Nam Việt Nguyễn Thiện Nhân gam haong 40 urang lambaok hu angan je dalam 13 tỉnh gah Tây Nam bộ, lambaok ka labaih 4.000 urang naih gheih hu angan je mai pataom mbaok. Brei panuac di var ginum biai, ong Nguyễn Thiện Nhân ndom lac dom urang hu angan je, urang bangsa hu mikva dalam palei iek prong kayua lac dom urang nan saong gauk gar dalam sang ba akaok nao dahlau, dom urang meda ndom ka mikva ka harei hadei.

      # “Mintri ngak nong song patagok palei pala  njauk patom pren tame ngak ka nyu salah Bộ tiêu chí palei pala bahrau”. Ủy viên mintri Chính trị, Phó Thủ tướng Vương Đình Huệ, Akaok mban tacei jalan danak dak pakat negar padang ngak palei pala bahrau hu ndom lac yau nan di nyaom biai di Mban tacei jalan brei panuac ka Bộ tiêu chí palei pala bahrau tuk vak 2016- 2020 hu rah tabiak mesup harei ni di Jabat rajaei . Phó Thủ tướng Vương Đình Huệ  caong lac Bộ tiêu chí negar palei pala bahrau brei langyah hu 5 kadha pamong tal palei pala bahrau song langyah hu 3 kadha mblo tabiak hadei di 5 thun peih ngak Bộ iêu chí klak

      # Tổng Công ty Hàng không Việt Nam (Vietnam Airlines) brei thau kayua ribuk Meranti mai tal Đài Loan, piah khik caga siam mekre, meda ramik veik tukvak 04 mbang par (VN580/581 saong VN586/587) nao – mai, meng mblang kapal haok Cao Hùng (Đài Loan) dalam biar harei 13/09 saong page harei 14/09/2016 tapa biar harei saong melam harei 14/09/2016.

     # Di Quảng Bình kayua ribukka 4, hangin khang ngak khat lihik menuac urang song drap ar. Beir harei 13/9 hajan khang pagam song hangin ribuk rah tabiak di angaok ban sit Ba Đồn, xã Nam Trạch, huyện Bố Trạch, tỉnh Quảng Bình ngak par tabung 330 boh sang, dalam nan hu jiak 80 boh sang khut trak, 3 urang njauk rambuac. Hajan khang palai pajoa tal rilo taneh phun pala song njam patam. Biak patuah lac ngin ribuk khang min oh hu urang halei metai.

      # Kayua ngin hadei di ribuk ka 4, page harei 13.9, ralo puk palei di tỉnh Quảng Trị njauk angin ribuk ngak tapeih tabung  130 baoh sang bhap bani, 5 urang njauk rambuis, 4.000 ha padai oh ka yuak kuak gaok angin khang hajan prong njauk laleih abih. 

      # Meng akaok bilan 9 tal ni, di sang iek ruak Nhi TƯ hu jiak 30.000 mbang uranaih mai iek ruak, tui nan, yaok harei sang iek ruak taduan labaih 7000 mbang uranaih ruak. Oh lac uranaih ruak rilo jang dut song dahlau di tuk salih bilan bo dok hu rilo jang dut song tuk vak ni thun dahlau, rilo meng lac rilo njauk dom janih ruak jalan suak yava, jalan tung,  pandiak virus song pandiak tabiak drah …Piah pacang ruak, dom amaik ame brei klauk ginup ka uranaih, khik hacih sa-at ka uraniah.

      # Biar harei sup 13/9, binek krong Bung 2 pak huyện Nam Giang, tỉnh Quảng Nam nyu talah, aia tuh trun gah hạ du. Tui tin bahrau abih, hu  2 urang lahik kayua aia ba tatheik. Jeng dalam melam nan, lambaok dom gah chức năng hu mbaok chip di labik nan. Meng pasak huyện Nam Giang, tỉnh Quảng Nam tagok công trình thủy điện kraong Bung 2 labaih 80 mbaik cây số jalan glai.

       Patui di ni dom khau tin dunya:

      # Đại sứ quán Việt Nam di Hoa Kỳ hu peih bruk pahadar 71 thun harei Quốc khánh negar Cộng hoà Xã hội Chủ nghĩa Việt Nam,g hu mbaok di rilo urang ngak prong , urang quốc hội, học giả, doanh nghiệp, báo chí pak nan, lambaok dom đại sứ quán negar langiu di ban ine Washington DC, song rilo mik va VN dok duik rai song ngak bruk di Hoa Kỳ Đại sứ Phạm Quang Vinh tong yaom glong bruk patagok di talei pambuak bruk Việt Nam - Hoa Kỳ, meng bruk padang talei pambuak bruk tong abih gah thun 2013 song palei salih 2 gah mek hu labaih 50 tỷ USD.   

     # Raja-ei Ô-x-trây-li-a bahrau njauk hatai gauk haong đảng Lao động (LP) đối lập brei tapa bruk cakak trun jien cai pandar 6,3 tỷ đôla Ô-x-trây-li-a (samu 4,8 tỷ đôla Mỹ) pak Thượng viện. Akaok Mentri Jien padai X-cót Mô-ri-sơn (Scott Morrison) harei 13-9 brei thau, dự luật cakak trun jien cai pandar di Raja-ei ka dom baoh sang saong dom urang mbang lương hưu meda hu ba tagok Quốc hội adit hadei.

      # Di nyaom darak pasa Trung Quốc ASEAN mbang ka 13 di ban Nam Ninh,Trung Quốc bahrau rah tabiak jiak di ni, Phó Thủ tướng Thái Lan Prạ-jin Jun-tông (Prajin Juntong)  brei thau jalan pasei meng ban ine Băng-cốc (Bangkok) song tỉnh Na-khon Rát-cha-sỉ-ma (Nakhon Ratchasima) meda hu peih ngak di puac thun 2016 atau akaok thun 2017 meyah ginum biai rah tabiak dalam mbuan lagaih. Jalan pasei pambuak meng Băng-cốc - Na-khon Rát-cha-sỉ-ma meda pandar kapan song công nghệ di Trung Quốc./.

Jasi