Khaw tin 10h30 saong 14h30 harei 15-11
                                                                                    (Thúy Linh -VOV TPHCM )

# Harei ni (15/11), Quốc hội  caik sa harei ngak bruk di hội trường, njauk hatai brei tapa hukum khik ramik song patagok glai (pasiam veik); ginum biai dự án hukum meriak gauk (pasiam veik) song  hukum  pasiam , pabak dom paka di hukum  thể dục thể thao.  Dahlau nan harei kabroi (14/11), Quốc hội peih bruk ginum biai  ka dự thảo  jalan ngak, sarak patagok ban ray Hồ Chí Minh.

# Bair harei 14/11, Thủ tướng rajaei Nguyễn Xuân Phúc ba akaok kapul urang jakar Việt Nam pataom tame nyaom biai pakat glaong Đông Á mbang yaka 12 (saong 8 taneh ia pambuak bruk la Trung Quốc, Nhật Bản, Hàn Quốc, Ấn Độ, Australia, New Zealand, Hoa Kỳ saong Nga). Di nyaom biai, dom taneh ia jeng hu panuac brei thau ini lac diễn đàn dang akaok dom urang dang akaok ginum biai dom bruk ka chinh tri an ninh saong patagok kinh te di bhum.

# Beir harei 14/11, Ủy ban Kiểm tra Trung ương hu tabiak panuac brei thau ka mbang nyaom 19 di  Ủy ban yau ni 

-Pandar Ban Thường vụ Tỉnh ủy Vĩnh Phúc peih bruk kiểm điểm, xử lý trách nhiệm Ban cán sự đảng Ubbhap bini tỉnh

- Tabiak  kỷ luật cảnh cáo Thiếu tướng Hoàng Công Hàm, Đảng ủy viên, Phó Tư lệnh Quân khu 1, Mintri  Quốc phòng ;   cảnh cáo ong  Phạm Thế Dũng, dahlau deih ngak Phó Bí thư Tỉnh ủy, Bí thư Ban cán sự đảng, urang dahlau deih ngak Chủ tịch Ubbhap bini tỉnh Gia Lai;  khiển trách  ong Nguyễn Văn Thử, dahlau deih Phó Bí thư Thường trực Tỉnh ủy Đắk Nông.

# Di Hà Nội, mintri pato megru peih bruk pataom iek veik saong alin giai brukk pakacah vak ka greih camin urang gru pato Việt Nam' thun 2017. Hadei di 5 bilan peih tabiak, tapa Vòng Sơ khảo di dom tỉnh, ban dom sang bac đại học saong cơ sở pato megru , mban peih bruk hu pilih hu 325 kadha vak gheih tame Vòng Chung khảo pakat negar. Mban peih bruk hu alin 2 giải Đặc biệt, 2 giải Nhất; 4 giải Nhì, 8 giải klau, 24 giải pak.

# Pathau khan yaok thun Open Doors di Viện pato megru dunya  (IIE) bahrau brei thau, du học sinh Việt Nam di Hoa Kỳ tagok thun ka 16  gam gam. Tui pathau khan, dalam thun bac 2016 – 2017, Việt Nam hu dang ka 6 dalam angan dom negar dang akaok ka  sinh viên du học di  Hoa Kỳ, hu  22.438 sinh viên, tagok jang sa ribau sinh viên dut song thun bac  2015 – 2016.

# Bair harei 14/11, hajan praong pagam saong tamnyak ngak jaleih baok sang pakat 4 daok jaik darak Mai, xã Phú Thượng, huyện Phú Vang ngak ka 3 urang njauk rambuac. Dom urang gaok bala hadei nan hu ba tame sang iek ruak drak samal. Hadei bruk rah tabiak karja xã Phú Thượng drak samal tanyi ravang, pachreih ba sang urang gaok bala.

# Gah  chức năng ban  Biên Hòa, tỉnh Đồng Nai brei thau hu srong tagok  2 baoh đạn pháo trak jiak 200kg di ala takai tatua An Hảo nao tapa krong Đồng Nai.  Dahlau nan, melam  13/11, dom urang tong ikan di labik tapen krong Đồng Nai duah mboh ala takai tatua An Hảo vật lạ ala krong blo tagok, medhi lac  bom mìn, nan ye hu khan ka gah chức năng. Taduan hu panuac khan , gah chức năng ban Biên Hòa hu trun jip piah pasang iek, peih bruk srong 2 baoh đạn pháo  tagok song hu ba nao xử lý siam mekre.

Khaw tin dunya

# Gah chức trách Iran daok darak samal daong yaok rabau urang lihik sang danaok hadei mbang megaiy taneh ngak ka 530 urang metai, 8 rabau urang njauk rambuac. Tui kuhria, 15 rabau 500 baok sang tayah saong labaih 15 ribau sang karei gaok khut. 7 thị trấn saong jaik 2 rabau palei tayah tayaic kayua mbang megaiy taneh, dalam nan sa palei lam lihik abih.

# Liên hợp quốc hu panuac khan, Xyri bahrau hu mbaok tame Hiệp định Khí hậu Pari ka bruk pacang caga  biến đổi khí hậu, caik Mỹ jeng sa negar cagar veik  hiệp định ni. Dahlau di nan, Xyri (negar dok mesuh metak) song Ni-ca-ra-goa lac 2 negar dang di gah langiu  Hiệp định Khí hậu Pari hu 195 negar  mbaoh tangin tame harak di thun 2015. Rajaei cánh tả Ni-ca-ra-goa cemereip hu panuac cagar veik hiệp định lac biak  yếu, jeng hu mbaoh tangin tame harak di  bilan dahlau.

# Urang iek bruk cứu trợ di Liên hợp quốc ieu liên quân kayua Arập Xêut dang akaok peih chip taong abih  dom cảng tasik di Yemen kayua thar vak di yaok trieu urang gaok jhak. Urak ini hu 21 triệu urang di Yemen daok caong daong saong 7 triệu urang dalam dom urang ini dang anak bruk metai eik saong pambak tame pandap mbang daong brei.