Khaw tin 10h30 saong 14h30 harei 15-6

# Di Hà Nội, Ủy viên mintri Chính trị, akaok Ban Dân vận Trung ương Trương Thị Mai hu var ngak bruk saong Trung ương kapul urang nong  Việt Nam. Amuk Trương Thị Mai pandar dom pakat kapul urang nong njauk patagok labik dang di drei lac lambaok ka quyền lợi chính đáng di urang nong, sangka tal dom jalan ngak, dom sarak di Đảng, langyah sumu gauk klau bruk: ngak nong – urang nong – palei pala di darak pasal urak ini.

/ Di HN, Ủy viên mintri chính trị, phaok thủ tướng rajaei Vương Đình Huệ hu taduan kapul urang dahlau daih daok guc ranam taneh ia tỉnh Quảng Nam. Dalam dom mbang mesruh metak daong taneh ia, Quảng Nam lac labik njauk kol khamang palai pajoa khang. Tỉnh ini jeng lac labik hu menuac ngak bruk cách mạng njauk kol khamang cap caik guc rilo, ngan saong 28.000 urang tapa dom samar. Phaok thủ tướng Vương Đình Huệ taong yaom glaong bruk var klak rup drei  brei ka taneh ia di bhap bini saong urang lin Quảng Nam jeng yau dalam taneh ia kayua độc lập bangsa, tự do di taneh ia. Đảng, karja tuk halei jeng ek glang ka rai diuk, pato bruk ngak, ba bruk ngak ka urang hu buh pren yava ka cách mạng.

# Yau rayo sap ndom VN hu khan brei thau ka bruk dom gah chức năng daok kham merat duah 2 phi công saong sruh kapal tiêm kích SU30MK gaok bala di tasik Nghệ, tal pagaiy harei ini 15/6, sa sruh kapal urang ngak ikan hu duah mboh sa phi công di sruh kapal ahaok, nan lac thiếu tá Nguyễn Hữu Cường, 39 tthun  Phó Phi đội trưởng Phi đội par Su-30. Tuk kapal ahaok gaok bala, thiếu tá Cường hu palao dù saong laik tame tasik. Kapal ikan di urang ngak ikan Phạm Văn Lệ (palei Hà Tĩnh) duah mboh saong ba phi công tagok kapal. Dom kapul duah daok khoanh vùng duah sruh kapal ahaok jeng ye phi công daok veik lac Thượng tá Trần Quang Khải, 43 thun,  Phó Trung đoàn trưởng, Tham mưu trưởng Trung đoàn không quân 923 di Sư đoàn không quân 371.

/ Bộ tư lệnh bhum I hải quân saong mintri thông tin - truyền thông barau peih parang iek “Hoàng Sa, Trường Sa di VN – dom kadha meng sajarah saong adat hukum”. Parang iek yaih khan tal bhap bini dom rup binguk brei mboh chủ quyền di VN ngan saong dua pulao Hoàng Sa, Trường Sa. Parang iek hu dom asal yau: harak gar kayua samar patao VN patabiak meng abhap XVII tal akaok abhap XX, brei mboh chủ quyền VN ngan saong 2 pulao Hoàng Sa, Trường Sa, dom bản đồ, tư liệu, rup binguk hu 6 quyền pambuak tal bruk chủ quyền tasik di VN ngan saong 2 pulao Hoàng Sa, Trường Sa.

# Di Hà Nội, Học viện An ninh nhân dân saong Tập đoàn công nghệ Bkav mbaoh tangin tame pambuak bruk gah pato pakai, roh duah an ninh mạng. Tui  nan, dua gah hu pambuak bruk dak padang, patabiak dom danakdak pato pakai an ninh mạng … piah pato hu menuac iek gah an ninh mạng chất lượng glaong. Abih di nyu nan lac, Học viện An ninh nhân dân jeng hu mbaok tame khik ramik diễn đàn an ninh mạng WhiteHat.vn. Bkav pataom tame kalup kapul An ninh mạng NSC500 kayua Học viện padang tabiak . Di harei mbaoh tangin, Tập đoàn công nghệ Bkav alin 9 paok jien bac An ninh mạng BCSE WhiteHat ka dom sinh viên naih gheih abih di Học viện An ninh nhân dân.

/ Di Quảng Trị, dalam dom harei ini, urang taong cap ikan di 12 xã, ban sit di 4 huyện njauk khat lahik kayua gaok kan kandah ka bruk ikan metai rilo hu dom urang jakar gilang pariak sarak karja dhar Quảng trị brei mesraiy phun jien. Tui nan, phun jien mesraiy njauk ảnh hưởng labaih 53 tỷ đồng ngan saong labaih 2.200 urang ngak di tasik gaok kan kandah; 700 baoh sang ngak ikan saong 54 baoh sang ngak mbang dịch vụ tapen tasik.          

# Tỉnh Bến Tre baru peih nyaom biai jak bak bhapbini caik piah ia hajan, ia taba piah pandar saong piah pala drak dalam thun 2016 saong dom thun tal. Tui nan, dom labik, doanh nghiep, urang hảo tâm dalam saong langiu  tỉnh hu daong 5,6 tỉ đồng piah daong sang kathaot dalam tỉnh Bến Tre blei pandap padang ia. Mbang tua, mbak meng blaoh ngak ka tỉnh Ben Tre khat lihik labaih 1.400 tỉ đồng. Tua, mbak ngak ka 20 rabau ha padai dalam tỉnh lihik abih mbong. Dalam tỉnh  urak ini hu labaih 44.000 sang kathaot kurang ia pandar kayua oh ginup pandap caik piah ia hajan, ia taba. 

 Patui di ini dom khau tin dunya:

/ meng harei 16 tal harei 18/6, TL hu dang tabiak peih diễn đàn CPC, Lào, Malaysia, Việt Nam saongThái Lan 2016, hu mbaok di dom urang ngak praong rajaei saong dom thành viên di labik tư nhân meng 5 taneh ia ini. Diễn đàn CPC, Lào, Malaysia, Việt Nam saong Thái Lan hu peih tabiak ngan saong kadha “Pambuak bruk, klah rabha, tani tanat saong khang kajap” kayua mintri pablei salih, mintri DL saong TT saong mintri công nghiệp TL gam peih tabiak. Diễn đàn nan lac jalan peih tabiak ka dom thương nhân, dom gah điều hành doanh nghiệp, dom gah đầu tư, dom doanh nghiệp barau, dom urang ngak praong rajaei, saong dom học giả hu angan mai meng dom taneh ia thành viên klah rabha ilamu jeng yau ba tabiak dom thỏa thuận saong duah labik pambuak bruk ngak mbang pablei salih.

# Chất lượng không khí di 338 ban di Trung Quốc hu siam veik dalam bilan 4 saong bilan 5 meng blaoh. Chỉ số trung bình PM2.5 (chỉ số athar dhur hu đường kính sit labaih 2,5 mi-crô-mét) kuhria tui thun di 338 ban ini hu trun dalam dua bilan tapa. Dalam nan, dom ban Hải Khẩu, tỉnh Hải Nam saong Huệ Châu, tỉnh Quảng Đông dang akaok dalam angan 74 ban praong hacih saat abih di Trung Quốc. Dalam tuk nan,  tỉnh Hà Bắc hu rilo ban ndih dalam top 10 labik nerak abih di Trung Quốc dalam dua bilan tapa.

/ Tổng thống Thổ Nhĩ Kỳ Tay-íp Éc-đô-gan hu ndom veik hatai caong khin pasiam veik talei pambuak saong Nga dalam harak tadhau yuh Tổng thống Putin pahadar harei taneh ia Nga – 12-6 meng bloh. Nga saong TNK laik tame bruk đối đầu catang abih dalam dom thun tapa hadei bruk sruh kapal haok su-24 di Nga njauk TNK cuh laik bilan 11 thun bloh di labik jaik taphia negar saong Xyri. Bruk nan ngak ka Nga padeih abih tour DL tal TNK, jeng yau padeih blei taong abih dom pandap kaya nông meng TNK piah trả đũa./.