# Hiệp hội Doanh nghiệp sit saong mbiah njauk gam patagok ilamu, angan je di Hiệp hội, hu mbaok tame rilo jang, siam mekre jang tame bruk phản biện xã hội, tame bruk padang ngak, patabiak văn bản quy phạm pháp luật hu pambuak tal bruk ngak di doanh nghiệp; saong gam tacei tabiak dom cuang kandah, tavak tavaiy di dom sarak, dom jalan ngak urak ini piah pok panuac likau pasiam, pabak veik ka nyu lagaih. Ini lac panuac di Chủ tịch Quốc hội Nguyễn Thị Kim Ngân di mbang taduan raok Hiệp hội Doanh nghiệp sit saong mbiah Việt Nam bahrau rah tabiak di biar harei 14/3. 

# Khan ka bruk peih ngak rija roya di taneh ia urak ini, amuk Đặng Thị Bích Liên, Thứ trưởng mintri ilimo, padhih saong Du lịch brei thau: tal tukvak ini, rilo rija roya dalam taneh ia peih ngak tame tani tanat, hu rilo libik siam saong tui njauk adat hukum di dom pakat ủy, karja, hatai sahneng di urang bhapbini hu paglaong jang. Meng di nan, rik daong patagok yaih khan danh lam thắng cảnh di dom puk palei tal tuai damuai dalam saong lingiu taneh ia.

# Biar harei 14/3, di nyom biai pataom iek veik bruk pacang caga tham nhũng, palai pajoa thun 2017 saong ba tabiak jalan ngak ka thun 2018 di Thành ủy ban raya HCM, Ủy viên Bộ Chính trị, Bí thư Thành ủy Nguyễn Thiện Nhân hu tacei tabiak rilo kadha oh ka lagaih di bruk ni njauk pasiam veik chip. Bí thư Thành ủy Nguyễn Thiện Nhân lac: Kol drei njauk thau lac brei ngak ka nyu siam bruk pacang caga tham nhũng palai pajoa di ban raya HCM. Ngak jeng bruk tacei pato samu gauk meng thường vụ tal abih hệ thống chính trị saong pataom pren peih ngak dom kadha praong dalam dom mbang ngak. Meyah daok ngak yau tukvak tapa, ye tal puac nhiệm kỳjeng oh ngak hu bruk daok pamaong ngak.

# Bair harei 14/3, Sở pato megru Đắk Lắk peih bruk pataom iek veik saong tamat Hội khỏe phù đổng tỉnh Đắk Lắk mbang yaka 14, thun 2018. mBan peih ngak hu alin 151 bộ huy chương ka dom urang saong kapul nyaom hu thành tích glaong. Hu thau tamat mbang pakacah, sang bac THPT bangsa gam bac gam daok Nơ Trang Lơng dang akaok abih kapul gah THPT, Jabat pato megru ban Buôn Ma Thuột dang dang akaok abih kapul gah jabat pato megru.

# Dự án pato pakai hatai anit tasik pulao tapa bruk ngak tabiak truyện tranh “Gạc Ma saong dom urang anh hùng” di nai saong anek saih sang bac THCS Nguyễn Trãi, ban sit Đông Hà, tỉnh Quảng Trị bahrau mek hu giải Nhì bruk pakacah Khoa học kỹ thuật pakat Negar. Ini lac kadha biak hu makna piah alin ka dom anh hùng, liệt sỹ ndih trun khik caga pulao Gạc Ma harei 14/3/1988.

Khaw tin dunya

# Harei 14/3, mintri Công thương Ai Cập hu peih pakak nyaom darak pablei salih pakat dunya Cai-rô (Cairo) mbang yaka 51 di ban Na-xờ (Nars), dalam ban ine Cairo. Nyaom darak thun ini pachreih hu jaik 40 taneh ia saong labaih 1 rabau doanh nghiệp di dunya. Dalam nan, njauk caik hatai lac hu rilo doanh nghiep mai meng dom taneh ia châu Phi ye Cameroon, Rwanda, Zambia, Kenya...

# Rajaei Ca-na-đa daok sahneng kuhria bruk kak je ngan saong dom tập đoàn internet praong yau Gu-gờ (Google), Phây-xbúc (Facebook) saong Nét-phờ-líchx (Netflix)… piah khik caga gah ilamu di taneh ia ini, hu maong lac “daok klak veik gah likuk dom kein laba di kinh tế số”.

# Rajaei Anh brei thau meda traok 23 urang ngoại giao Nga, tabhia di nan kareik pambang talei pambuak bruk dua gah hadei di bruk đầu độc urang dahlau dhaih ngak điệp viên Nga di taneh ia  Anh.