Khaw tin 10h30 saong 14h30 harei 16/11

VOV TPHCM -16/11

#Patui danak dak mbang nyaom ,  meng harei ni (16/11), Quốc hội hu caik 3 harei ngak bruk gam gam piah tangi sua dom urang dalam rajaei saong Chánh án Tòa án bhap bini tối cao. Tui danak dak, akaok mintri  jien padai Đinh Tiến Dũng hu javap jalei  dom urang Quốc hội ka bruk khik ramik thuế, langyah nợ đọng thuế; tui iek, duah thau,pacang thất thu thuế, khik ramik gah jien padai siam mekre khang kajap, khik ramik  nợ công. 

# Piah khik caga tani tanat kinh tế vĩ mô, Gilang pariak karja njauk hu sarak parabha jien padai siam gheih jang piah jhul khang patagok kinh tế meng ini tal puac thun, abih di nyu nan lac daong khang ka doanh nghiệp dalam patagok ngak mbang, pablei salih…nan lac caong khin di dom cử tri dahlau mbang tanyi sua Thống đốc gilang pariak karja Việt Nam di mbang nyaom ka 4, Quốc hội  mbang 14 di harei ini 16/11. 

# “Kinh tế Việt Nam dok patagok tong abih gah, min pren khang urak ni dok neh rabha. Bruk njauk duh hatai lac asar kadha prong abih di Việt Nam urak ni lac nyaih sa gah kinh tế 2 khu vực buh jien tabiak ngak mbang di negar langiu song khu vực dalam negar. Ni lac panuac di Ủy viên mintri Chính trị, Phó Thủ tướng Vương Đình Huệ di nyaom biai “Kinh tế Việt Nam pren khang patagok song jalan ngak jhul pakhang” kayua Viện Hàn Lâm Khoa học Xã hôi Việt Nam peih ngak harei kabroi (15/11), di Hà Nội. 

# Pagei harei 15/11, Tập đoàn TMS di Hà Nội hu alin 500 triệu đồng ka lambaok Ủy ban Mặt trận negar Việt Nam tỉnh Bình Định. Ini lac paok jien rik daong di urang jakar, nhan vien saong urang ngak di Tập đoàn daong bhapnini  tỉnh Bình Định gaok khat lihik trak di mbang ribuk 12 .

# Di bein rup patau An Hội, ban Hội An, tỉnh Quảng Nam melam 15/11 hu rah tabiak danak dak doh tamia “Harei ilamu Andong - Hàn Quốc” song dom kadha ndung mbak ilamu meng kan song urak ini di 2 ban . Tuai damuai song bhap bini mboh biak ấn tượng song dom kadha parang iek mặt nạ không lời, doh ragu bhap bini , tamia meng kan di dom nyaom  nghệ sĩ Hàn quốc.

# Dalam tuk pahadar 87 thun harei Mặt trận negar Việt Nam, bair harei 15/11, 107 sang bhapnini bangsa takik Giẻ- Triêng di palei Đăk Răng, xã biên giới Đăk Dục, huyện Ngọc Hồi, tỉnh Kon Tum peih harei jum pataom bangsa. Thun bloh, 107 sang bangsa takik Giẻ- Triêng pak ini  abih hatung hatian daong gauk padang ngak palei pala barau saong daong gauk patagok sản xuất. 

# Yaok rituh blah thaot song dom dalikan ka rai duik boh sang kayua dom urang kamei njauk bạo hành khan veik ka rai duik di drei hu brei mboh tapa parang iek “Bên kia mắt bão” peih tabiak harei 15/11, di muinyim  urang kamei Việt Nam. 

Khaw tin dunya

# Bair harei 15/11, Tổng thống Mỹ Đô-nan Trăm (Donald Trump) hu mbang họp báo di Nhà Trắng ka mbang nao rivang châu Á akaok meti dalam nhiệm kỳ di drei. Lingiu dom asal kadha di mbang ravang, Tổng thống Đô-nan Trăm daok brei thau dom jak jeng dalam sarak đối ngoại saong đối nội di Mỹ kuhria meng tuk tagok pan akaok.

# Brei panuac di nyaom biai  Liên hợp quốc mbang ka 23 ka bruk pacang caag biến đổi khí hậu (COP 23) rah tabiak di Bon (Bonn, Đức), Tổng Thư ký Liên hợp quốc An-tô-ni-ô Gu-tê-rết (Antonio Guterres) bahrau ndom lac, khí thải sang camin tagok mbang camereip dalam 3 thun tapa brei mboh bruk njauk ngak chip dalam bruk  thực thi thỏa thuận khí hậu Paris. Ông Gu-tê-rết hu panuac pachreih dom taneh ia di dunya  brei kham merat jang dalam 5 gah nan lac: khí thải, thích nghi, jien ndo, talei pambuak bruk song dom urang dang akaok .

# urang dahlau thiah ngak akaok Ủy ban Olympic negar Italia (CONI), Franco Carraro, brei panuac anak truyền thông lac: “Italia meda lihik meng 500-600 triệu euro kayua đội tuyển oh hu mbaok di World Cup 2018. Min, paok jien ini meda tagok tal labaih 1 tỷ euro meyah kuhria abih dom khat lihik tapak saong dom khat lihik pambak tui”.

Thúy Linh/VOV –TP HCM