# Beir harei 15/5, di  trụ sở rajaei, Thủ tướng Nguyễn Xuân Phúc dang akaok mbang ginum biai ka bruk khiếu nại, tố cáo di bhap bini  ka  dự án Khu đô thị bahrau Thủ Thiêm. Brei panuac tamat var ngak bruk, Thủ tướng ndom lac:jalan langyah lac  njauk  hukun, khik caga quyền song kein laba di bhap bini, khik ramik siam mekre di karja, po đầu tư song bhap bini. Njauk mong tapak  tame bruk biak, bruk hagait njauk brei langyah, bruk hagait suan khang hatai pasiam veik, tong abih kayua bruk patagok di ban, kayua rai duik di bhap bini.

# Di Phủ Chủ tịch, page 15/5, akaok taneh ia Trần Đại Quang taduan raok Trung tướng Konhthong Phongvichit, Thứ trưởng mintri An ninh Lào daok hu mbang ravang saong ngak bruk di Việt Nam. Akaok taneh ia caong khin dua mintri njauk paglaong pambuak bruk dalam bruk pato pakai, sangka paglaong chất lượng, trình độ, asal kadha bruk patopakai jaik tabhia saong raidiuk tuk halei jeng salih barau saong patagok drah samal urak ini.

# Ubbhap bini  tỉnh Lâm Đồng song  Công ty cổ phần hàng không Vietjet bahrau peih nyaom biai patagok jalan par dunya  Bangkok – Đà Lạt song Đà Lạt - Bangkok. Ubbhap bini  tỉnh Lâm Đồng ndom lac : langiu di bruk pataogk ngak mbang, yaih khan thaot binguk du lịch Đà Lạt – Lâm Đồng song  Thái Lan, karja di labik ni daok palagaih dalam bruk peih ngak sarak dong ka tuai du lịch, dalam nan hu peih ngak bruk  du lịch piah pachreih rilo tuai dunya mai rivang main: “Sarak patrun yaom dom dịch vụ dok veik lac  meng  40-50%, trun yaom di dom  khu, labik du lịch meng  15-20%, meyah pambuak bruk mbang huak song  dịch vụ rivang main hu trun tal 30%...

# Thành đoàn ban raya HCM harei kabroi (15/5) hu nao viếng tang hiệp sỹ metai saong ranyi ravang dom hiệp sỹ njauk rambuac dalam mbang mek nyaom klaik mehlaoh melam 13/5 di jalan Cách mạng tháng Tám, Quận 3. Yaok hiệp sỹ njauk rambuac hu Thành đoàn daong paok jien 30 triệu đồng. Trung ương Đoàn TNCS Hồ Chí Minh meda peih bruk truy tặng harak meyaom saong huy hiệu "Tuổi trẻ dũng cảm" ka hiệp sỹ Nguyễn Văn Thôi di Bình Định.  

# Chi Cục Patagok palei pala di Sở ngak nong song patagok palei  tỉnh Bến Tre brei thau, dom mbang hajan akaok bilan jiak di ni, ngak khat lihik  labaih 3.100 tấn sara di urang ngak sara  di dok  2 huyện Ba Tri song  Bình Đại; dalam nan hu, huyện Ba Tri khat  lahik 1.500 tấn song Bình Đại khat labaih  1.600 tấn sara. Makna ba tal khat lihik lac rilo urang ngak sara  tỉnh Bến Tre  ngak sara tui jalan meng kan , yau nan ye tuk hajan khang , mblang sara dauk ia , khat lihik abih. 

Khaw tin dunya

 # Hadei di rilo mbang taong khủng bố barau rah tabiak di ban Surabayra, mBan peih ngak Đại hội Thể thao châu Á Indonesia mbang yaka 18 (INASGOC) saong karja Jakarta hu sanya paglaong an ninh ka ASIAD 18, bruk thể thao praong abih dalam bhum meda rah tabiak di bilan 8 tal di taneh ia ini.

# Triều Tiên mesup harei (16/5) brei thau lac klak bruk ginum biai pakat glong  song  Hàn Quốc tui kuhria hu  rah tabiak dalam hare, kayua dom mbang pasram dok rah tabiak di   Hàn Quốc song Mỹ. Hãng thông tấn trung ương Triều Tiên (KCNA) khan lac  mbang pasram  Thần Sấm (Max Thunder) di không quân Hàn Quốc song Mỹ lac bruk pasram  piah xâm lược Triều Tiên song lac bruk ngak oh njauk  tuk  gây talei rohim dua gha Triều Tiên dok siam tagok.

# Melam 15/5 tui tukvak Pháp, pachreih tui panuac ieu di dom jabat daong urang bhapbini Pa-lét-xtin (Palestine), labaih 1000 urang Pháp pataom gauk di rilo ban yau ye ban ine Paris, Li-ông (Lyon), Boóc-đô (Bordeaux), Mác-xây (Marseille), Ru-ăng (Rouen), Coong (Caen), Xtha-buốc (Strasbourg) atau Moóc-le (Morlaix) piah brei thau hatai daong urang bhapbini Palestine hadei di mbang mesruh gauk bak darah harei 14/5 di bol bala Israel di dải Gaza saong libik Bờ Tây.