Khaw tin 10h30 saong 14h30 harei 16/8

# Biar harei 15/8, Kapul urang pasang iek Hội đồng bangsa di Quốc hội kayua ong Giàng A Chu, Phaok akaok Hội đồng Bangsa pal akaok kapul hu van ngak bruk haong Ủy ban bhap bani tỉnh Đăk Nông ka sarak jao brei taneh, jao glai ka bhap bani saong baoh sang bhum urang bangsa takik, bhum ceik. Piah hu siam mekre yau nan, Đăk Nông khin parabha phun jien ka nyu laghaih jeng yau  padang dom phun jien daong ka dom baoh sang, po glai. Ong Giàng A Chu, Phaok akaok Hội đồng Bangsa Quốc hội, lac:  “Parabha phun jien piah pabak ka dom puk pali hu glai patagok jang piah  hu jien mek tame, ngak habar ka dom sarak mai tal bhap bani piah  mek hu siam mekre dalam bruk pacang khik glai”. 

# Tổng công Điện lực miền Nam (EVN SPC) brei thau, tui Quy hoạch patagok raong hadang tal thun 2020, pamaong tal thun 2030 di mintri ngak nong saong patagok palei pala, EVN SPC hu pasang iek phun jien đầu tư piah ramik pasiam saong patagok lưới điện trung hạ thế duh ka raong pala kaya ikan dalam ia di dom tỉnh tapeng tasik dalam libik Tổng công ty khik ramik tal thun 2020 lac jaik 5 rabau tỷ đồng. 

# Melam 15/8, pak bal sit Gia Nghĩa, Ủy ban bhap bani tỉnh Đăk Nông peih harei pataom daoh tamia bhap bani mbang ka 6 ngan haong kadha “Hadah mbaok Palei negar Việt Nam” piah salam uan pahadar 72 thun Cách mạng bilan 8 saong Quốc khánh negar Cộng hòa Xã hội Chủ nghĩa Việt Nam. 18 kapul nyaom daoh tamia bhap bani di dom sở, ban ngành, kapul nyaom, bol lin pal phao kraong di tỉnh Đăk Nông hu ba tal Harei pataom yaok pluh kadha daoh tamia saong diễn tấu nhạc cụ…Dom kadha jeng hu ndom tal bhummi palei negar, anek manuac Việt Nam; pok meyaom Đảng, Wa Hồ, hatai ranam pulao kaoh dalam bruk dak padang saong khik iek palei negar.

# di ban sit Nha Trang, tỉnh Khánh Hòa, Hội đồng đội Trung ương peih pakak melam pataom doah tamia uranaih Việt Nam- Lào thun 2017. Dalam tukvak daok di tỉnh Khánh Hòa, dom adei thiếu nhi hu nao ravang dom libik inem mek, libik du lịch sinh thái, taom gaok thiếu nhi tỉnh Khánh Hòa. Saai Nguyễn Thái An, Phó akaok mban ngak bruk dam dara, Trung ương Đoàn brei thau: Tuk mai tal ban tasik Nha Trang, dom ayut biak chreih bui kayua maong mboh tasik, mein biak rilo kadha kheih. Tapa ini, dom ayut uraniah Việt Nam saong Lào randap gauk biak samal, biak anit ranam gauk. Kol dahlak caong khin kak kajap jang talei jum pataom di dom adei uraniah dua taneh ia.

# Peih ngak đề án paglaong pren khang meriak gauk dom janih pandap công nghiệp dalam bhum piah ba drei tame kinh tế ASEAN (AEC), tỉnh Đồng Nai brei ngak dahlau patagok dom gah công nghiệp chủ lực, dom janih pandap hu  vị trí chi phối saong pambak tal bruk cakrok patagok di taong abih gah công nghiệp. Nyaom dom gah công nghiệp chủ lực nan lac: gah ngak pandap panda kaya nong; công nghiệp cơ khí; điện tử - công nghệ thông tin; công nghiệp hóa chất saong jhik pet – takhaol kalik. 

# Dalam mbang nao pasang iek tapak bruk glut jaleih tapeng tasik Tây, ông Dương Thanh Bình, Bí thư Tỉnh ủy Cà Mau tacei pato gah chức năng tỉnh tuk halei jeng caga piah langyah dom libik glut jaleih trak tapeng tasik, oh caik rah tabiak patuh ar . Tui gah chức năng Cà Mau, tuk vak barau blaoh, kayua hajan xua, angin mùa Tây Nam pagam saong ia tagok glaong hu riyak praong ngak ka rilo labik ar tasik Tây dalam huyện U Minh saong Trần Văn Thời glut jaleih trak. 

# Bilan padai Thu Đông thun ini, langik tasik kan kandah, ribuk mai avar mbaok aia glaong jang dom thun dahlau; ruak vàng lùn- lùn balik hala, jit rầy nâu hu mboh veik hadei di 10 thun. Ini lac dom kadha oh siam pambak tal bruk pala drak bilan Thu Đông. Piah hu bilan Thu Đông siam mekre, gah ngak nong An Giang hu peih ngak ralo jalan ngak ka bilan pala ini. 

Khaw tin dunya

# Parang iek “Thương hiệu dang akaok Thái Lan 2017 di Hà Nội” meda rah tabiak meng harei 17-20/8 di pasak parang iek dunya Hà Nội, Cung văn hóa hữu nghị Hà Nội, 91 Trần Hưng Đạo Hoàn Kiếm, Hà Nội, Việt Nam. Dalam dua harei akaok mereip meda hu 113 công ty saong hiệp hội doanh nghiệp mai meng Thái Lan taom gaok tapak dom công ty, dom gah blei pandap tame di Việt Nam piah duah labik pambuak bruk saong dalam pablei salih. 

# Dom urang jakar tình báo Mỹ harei kabroi brei thau, Triều Tiên meda ngak hu động cơ tên lửa saong dom khaw tin tình báo brei thau lac Triều Tiên oh cang pambak tame bruk blei động cơ meng negar lingiu.

# Trại hè Thanh niên-sinh viên Việt Nam di châu Âu mbang yaka 3 (Vietheart Summer Camp 2017) meda hu peih ngak di Công hòa Séc meng harei  17-20/8. Tui mban peih ngak, meda hu rilo bruk ngak siam lagaih rah tabiak luac klau harei Festival piah ngak jeng sa mblang mein siam lagaih ka dam dara, sinh vien rik daong paglaong bruk jum pataom di bhapbini urang Việt daok di châu Âu.