Khaw tin 10h30 saong 14h30 harei 16/9

         # Melam kabroi (15/9), Tổng cục Chính trị bol bala bhapbini Việt Nam peih bế mạc harei pataom papar binguk toàn quân mbang yaka XI, di ban sit Nha Trang, tỉnh Khánh Hòa. 59 dalam 316 tác phẩm pakacah hu alin Huy chương ameh. Thiếu tướng Nguyễn Hoài Nam, Giám đốc pasak papar sap papar binguk bol bala, akaok Ban peih harei pataom papar binguk toàn quân mbang yaka 11 brei thau :dom tác phẩm hu taong yaom glaong nan lac dom tác phẩm sangka tal dom đề tài pambak pagam saong urang chiến sỹ, bhapbini saong dom bruk pandiak hu xã hội sangka. Hu biak rilo  tác phẩm hu asal kadha pathau khan biak siam, mban peih ngak meda biên tập veik tui chủ đề piah phát hành dalam toàn quân, pato pakai chính trị- tư tưởng ka urang jakar, urang lin…

           / Di tỉnh Bình Thuận melam 15/9, lễ hội trung thu ban sit Phan Thiết 2016 hu rah tabiak praong prang, ngak chreih chrai ka dom adei uranaih, bhap bini saong tuai damuai dalam melam ia bulan bak baoh. Lễ hội thun ini hu 33 đơn vị sang bac saong cụm sang bac hu mbaok tame ngan saong 33 lồng đèn praong saong labaih 3.000 lồng đèn sit. Adei Nguyễn Thanh Quý hu mbaok tame raok gom dalam melam hội brei thau: “Adei biak bui sambai saong hadah mbaok kayua hu gam saong dom ayut hu mbaok raok gom. Adei mboh biak ralo lồng đèn siam saong hu makna. Adei caong bilan trung thu thun hadei adei daok hu mbaok tame lễ hội kayua ban sit peih tabiak”.

          # jeng dalam melam kabroi 15/9 di sang ilimo huyện Đắk Song, Ủy ban bhapbini tinh Đắk Nông peih danakdak daoh tamia “ Bui sambai harei roya ia bilan bak baok” saong alin dom paok pandap ka dom anek saih di harei trung thu. Yaok ratuh paok pandap saong 60 paok jien bac ( yaok paok 1 trieu dong hu tỉnh alin ka dom adei hu mai pataom mbaok melam roya saong dom adei thieu nhi sang kan kandah min thau yam tagok dalam bac da-a.

          / Ban sit Đà Nẵng hu kintri công an palih ruah lac sa dalam dom puk palei trọng điểm ka patagok bruk pasangiek nồng độ dồn ngan saong urangpeih radaih angaok jalan mbak saong taong phạt catangtui quy định. Harei 15/9, lambaok co6ngty Grab taxi Việt Nam alin cảnh sát giao thông công an ban sit Đà Nẵng 10 mac duk nồng độ cồn.   

  # Bair harei kabroi 15/9, đội 5, Phòng Cảnh sát caga tội phạm ka alam môi trường ban raya Hồ Chí Minh hu peih bruk pasang iek 2 cơ sở ngak rabung kayua dua adei saai ông Lê Thế Huấn saong Lê Thế Luyến ngak po di tổ 3 ấp 4, xã Đông Thạnh, huyện Hóc Môn hu mboh po cơ sở daok brei ka nhân viên srau  hóa chất piah tram rabung mesam, rabung lồ ô. Ông Huấn hu brei thau bruk tram tẩm rabung tame chất tẩy saradang mbong, hóa chất nyaom khan bai piah ngak ka rabung nyu that saong hu sanmbo màu kanyik gheih.

     / Tỉnh Bạc Liêu harei 15/9 peih bruk tamat lễ hội “Dạ cổ hoài lang” Bạc Liêu thun 2016. Tui nan, dalam 4 harei rah tabiak lễ hội meng 12/9 tal 15/9, ralo nghệ nhân, tuai damuai meng grap labik hu mai tal Bạc Liêu hu mbaok tame dom bruk dalam lễ hội yau: lễ am cuh gilau di labik lưu niệm nghệ thuật Đờn ca tài tử Nam Bộ saong nhạc sĩ Cao Văn Lầu, lễ giỗ tổ sân khấu cải lương, harei pataom đờn ca tài tử 3 tỉnh  Bạc Liêu - Sóc Trăng - Cà Mau peih praong.

# Harei ini Thanh tra Sở ngak nong saong patagok palei pala tỉnh Tiền Giang brei tabiak mẫu kiểm nghiệm brei mboh taneh padai gaok khat lihik nan oh lac kayua khak drak di doanh nghiệp ini. Tapa dut iek, khak LiOThái hu chất lượng tui quy định.

         Patui di ini dom khau tin dunya:

       /  Urang dang akaok 27 taneh ia di Liên minh châu Âu EU hu peih mbang ginum meyai di ban ine Bratislava di Slôvakia harei 16/9 piah ba tabiak jalan harei hadei di EU hadei di tuk Anh tabiak truh EU.. Nyaom ginum meyai pakat glaong oh chính thức mbang ini hu caong lac bruk peih akaok di tukvak padang sa EU jum pataom jang, khang kajap jang piah yam tapa dom tavak tavaiy urak ini.

          # Akaok mintri Quốc phòng Nhật Bản Tô-mô-mi I-na-đa (Tomomi Inada) harei 15/9 hu mbang ravang akaok mereip tal Mỹ kuhria meng tuk amuk taduan mek bruk di bilan dahlau. Brei panuac di Vien roh duah dom bruk chiến lược dunya di Oa-sinh-tơn, amuk I-na-đa brei thau,  Nhật Bản meda paglaong dom bruk ngak dalam bhum – labik Nhật Bản saong Mỹ klah rabha bruk  ka dom tuyên bố chủ quyền di Trung Quốc, dalam  nan hu bruk dak apdang năng lực ka dom taneh ia tapeng tasik .

         / Hãng thông tấn Trung Đông (MENA) di Ai Cập brei thau, harei 15/9 hải quân taneh iaini hu taduan sruh kapal sân bay trực thăng ka 2 blei di Prang. Tui nan, tư lệnh hải quân Ai Cập Ô-sa-ma Ra-bi-a pan akaok sa kapul quân sự pakat glaong di Ai Cập hu nao tal Prang piah kuhria caga ka lễ hạ thủy kapal di mblang  Xanh Na-zai-ơ di gah pai taneh ia Prang. Chiến hạm barau hu angan An-oa Sa-đát Tổng thống ka 2 di Ai Cập./.