Khaw tin 10h30 saong 14h30 harei 17/1

# Biar harei kabroi (16/1) pak jabat raja-ei, Ủy viên Bộ Chính trị, Phó Thủ tướng Vương Đình Huệ, Akaok kapul ngak bruk di Thủ tướng Raja-ei ka bruk  padang Uỷ ban khik iek phun jien karja di doanh nghiệp dang tabiak peih mbang nyaom akaok meti hadei di tuk kapul daong bruk hu Thủ tướng raja-ei tabiak Quyết định ka 66  padang tabgok di harei 15/1 (iew katut lac kapul ngak bruk 66). Phaok Thủ tướng caong khin: Dalam Quý I/2018 njauk padang ka pahu Uỷ ban Khik iek phun jien karja di doanh nghiệp piah brei mboh địa vị pháp lý di jabat ini.

# Di Đà Nẵng, Bair harei 16/1, Sở Giao thông Vận tải ban Đà Nẵng saong Công ty Seoul Metro Hàn Quốc mbaoh tangin tame harak hadar kanal padang talei pambuak bruk dalam bruk daong patagok saong khik ramik dom jalan mbak saong jalan radaih pui đô thị di ban Đà Nẵng. Di harei ngak bruk, dua gah njauk hatai gauk brei padang talei pambuak bruk di gah jalan mbak dalam dua thun tal. 

         # Piah pajeng ba hu pandap panda tagok bhum glaong saong nao mai di bhap bani, dom harei tapa, gah Pajeng ba tỉnh Phú Yên hu pataom ba mac moc, manuac urang pataom tame pasiam veik dom jalan khut dahlau di Tết Nguyên đán Mậu Tuất. taong abih phun jien buh tabiak pasiam veik jalan hadei di ribuk aia sua labaih 47 tỉ đồng, tui kuhria meda ngak blaoh dahlau di harei 20 bilan Mat. Ong Nguyễn Thành Trí, Akaok Sở Pajeng ba tỉnh Phú Yên brei thau: Khaol dahlak daok pasiam veik saong urak ini daok pambuak haong dom phun jien: jien bảo trì, jien pasiam veik hadei ribuk aia sua di Trung ương daong brei saong jien pasiam veik yaok thun daok pataom tame pasiam veik labaih 300 mbaik cây số jalan tỉnh saong jaik 300 mbaik cây số jalan roya 25, 29 saong 19C kayua Tổng Cục jalan mbak brei dang tabiak ngak. 

# Tui kuhria mboh dahlau di Công an tỉnh Quảng Ngãi, jaik si tal tết Nguyên đán lac tukvak bruk an ninh trật tự jhak, abih di nyu nan lac dom tội phạm pambuak tal  mein bạc. Kayua yau nan ye, gah công an peih tabung glaong pagui duah cap mek tội phạm. Đại tá Võ Văn Dương, Phó Giám đốc Công an tỉnh Quảng Ngãi lac : Maong ye lac quy luật, bhian puac thun lac bruk ngak dak catang lac kol dahlak langiu bruk pasang iek dom libik, băng nhóm ngak bruk livik mai. Khik caga dom urang hu tiền án, tiền sự pambuak tal cờ bạc meda patagok bruk tangi sua, răn đe, pandar sanya. Nan lac bruk khik ramik di ala cơ sở.

# Tui Văn phòng Điều phối danak dak pakat negar padang ngak palei pala bahrau tỉnh An Giang, thun 2017, tỉnh An Giang hu  12 xã mek hu chuẩn palei pala bahrau tui bộ tiêu chí bahrau, patagok taong abih xã mek hu chuẩn palei pala bahrau di tỉnh lac 33/119 xã; taphia di nan, tỉnh hu pasang iek blaoh, daok ngak harak ba-ar cang mentri ngak nong saong patagok palei pala mong iek, công nhận bal Châu Đốc ngak salah blaoh danak dak pakat negar padang ngak palei pala bahrau.

# Hãng thông tấn CNN barau yaih khan ka tuai damuai 3 libik du lịch tasik pulao kheih, mekre di Việt Nam hu Nha Trang, Phú Quốc saong Côn Đảo. Di  Nha Trang, CNN yaih khan biak rilo libik hu tasik Nha Trang, Whale Island Resort, Vinpearl Land Nha Trang, Six Senses Ninh Vân Bay…Abih di nyu nann lac CNN ndom khang tal bruk salih barau, patagok drak samal di ban tasik Nha Trang, jeng sa libik du lịch sang trọng, ndung bak pakat dunya.

Khaw tin dunya

# Gah Y tế dunya ( WHO) harei 16/1 brei thau, bang Sau Pau-lô (Sao Paulo), dalam nan hu bal prong abih Sau Pau-lô di Braxin daok hu mboh ruak pandiak kanjik katam kalik, pachreih urang negar langiu mai pak ini njauk klauk  vắc-xin pacang caga. Yau nan min, panuac pachreih ini jeng oh ngak ka urang jakar gah y tế negar ini salih kadha ba tabiak dahlau di nan lac tok hu dom tuai damuai nao tal dom bhum palei pala bahrau meng njauk klauk vắc-xin.

# Mintri Ngoại giao Mỹ  brei thau taneh ia ini meda pabak ka jabat Liên hợp quốc daong nhân đạo urang tị nạn Palestin 60 triệu đôla Mỹ saong khik veik 65 triệu đôla Mỹ dalam kadung jien piah ngak bruk ini.

# Cộng hòa Síp, Hi Lạp saong Giooc-đa-ni harei 16/1 hu panuac ieu bruk daong brei dom taneh aia daok gah angaok di bruk khủng hoảng tị nạn Trung Đông. Kuhria meng di tuk yaok triệu urang nduac tabiak truh Xyri kayua mesruh gauk, Giooc-đa-ni, Li-băng saong Thổ Nhĩ Kỳ hu taduan raok yaok rituh ribau urang tị nạn, dalam tuk Hi Lạp hu mong yau sa labik panduan ba manuac urang di cư duah jalan nao tal dom negar châu Âu karei.