Khaw tin 10h30 saong 14h30, harei 17/10

# Mentri Công Thương brei thau, hadei di tuk hu kết quả pasang iek chất lượng an toàn vệ sinh pandap mbang menyum ngan haong labaih 490 tấn ikan daok pambuk dalam kho pak tỉnh Thừa Thiên - Huế, Mentri meda hu pambuak haong dom doanh nghiệp parabha, pablei salih sit grauk labik dalam negar dalam bruk blei pandar kaya ikan dalam aia. Urak ini hu 4 doanh nghiệp blei tame kaya ikan di tỉnh Thừa Thiên Huế daok pambuk dalam kho labaih 490 tấn ikan tasik hu taong mek pak bhum tasik atah labaih 60 hải lý.

#Anak dom khat lihik kayua hajan xua di Hà Tĩnh, Quảng Bình, harei  16/10, Ban Thường trực Uỷ ban Trung ương Mặt trận negar Việt Nam tabiak bruk doang 2 tỉnh Hà Tĩnh, Quảng Bình 1 tỷ đồng. Tui nan, daong 10 triệu đồng yaok sang hu urang metai, 5 triệu đồng yaok urang bị thương, taphia nan, daong tapak ka dom sang glut jaleih, tayah tayaik sang danaok.

 # Page 16/10, Trung ương Hội Chữ thập đỏ Việt Nam jeng hu quyết định daong chip mbang akaok mereip jien saong pandap panda yaom  1,97 tỷ đồng ka 4 tỉnh: Nghệ An, Hà Tĩnh, Quảng Bình saong Quảng Trị piah samar daong ka bhap bani yam tapa kan kandah akaok mereip, grap tanat rai diuk. Mbang daong ini hu: 1 tỷ đồng jien mbaok, 900 thùng pandap, 300 bộ pandap panda pasiam veik sang daok, 70 ribau asar jru halang aia Aquatabs, 200 bình halang aia saong 100 thùng menyek rapao akaok.

# mbang hajan xua birau blaoh ngak ka labaih 70% sang bac dalam tỉnh Quảng Bình dauk ia, abih di nyu nan lac dom sang bac tapeng kraong Gianh gaok ia dauk dalam tal 3 mét, dom sang bac di xã Vân Hóa, huyện Tuyên Hóa dauk tal tabung sang. Tui ông Đinh Quý Nhân, Giám đốc Sở pato megru  tỉnh Quảng Bình, anak bruk ini, harei ini 17/10 labaih meteh sang bac dalam tỉnh jeng oh peih pato hu: Tacei pato lac oh caik ka anek saih mblung ia dalam hajan xua. Tuk nao bac, anek saih sit thun njauk hu menuac urang ba. Anak meta brei padheih bac saong hadei nan bac bù oh kayua danakdak bo caik ka dom adei nao bac rah tabiak dom bruk pandik harao, dom sang bac halei oh ka bac hu jeng daok brei padheih bac.

# Ong Đỗ Quang Văn, Akaok dhar pajeng ba Jalan pasei Sài Gòn, melam 16/10 brei thau, hadei di pasiam veik dom khut khat ngak klaih klaoh bruk nao mai kayua hajan ribuk, tui kuhria 18g biar harei ini (17/10), jalan pasei Bắc – Nam meda pagam veik. Meng harei ini, dom mbang radaih pui nduac yau bhian harei nan lac SE8, SE6, TN2, SE2, SE4 (nao tapak Hà Nội), SE22 nao Vinh. Dom mbang radaih pui nao Qui Nhơn, Nha Trang, Phan Thiết jeng nduac yau dahlau diah...

# Harei kabroi 16/10, mbang hajan praong ngak dauk dom canah jalan, labik di tỉnh Kiên Giang. Bruk njauk ndom nan lac, yaok rabau hô sơ tut angan quyền pandar  taneh jeng gaok ia dauk. Ông Nguyễn Hồng Phong, Chánh Văn phòng Sở Tài Nguyên saong Môi Trường Kiên Giang brei thau : "Kol dahlak  kuhria nboh jaik 4 rabau hồ sơ  pasah, yaok pluh bộ máy vi tính, máy đo đạc khut tayah. Anak meta kol dahlak dui atah tukvak ba dom hồ sơ tagok glaong, taphia nan ba dom thiêt bị điện tử nao pasang iek ramik pasiam, brei tathuak ia meng duk tut angan tabiak langiu "

# Tui taong yaom di gah ngak nong tỉnh Sóc Trăng, dalam 9 bilan akaok thun ini, bruk raong pala kaya ikan dalam aia dalam tỉnh mek hu ralo siam mekre, abih di nyu lac raong hadang aia lợ, patagok gam mblang taneh saong sản lượng, yaom hadang nguyên liệu tani tanat, daong ka urang raong hu kein laba glaong. Kuhria tal urak ini, hu labaih 50% mblang taneh hu thu hoạch, tui nan, năng suất hadang thẻ takai mbong mek hu 3,5 tấn/ha saong hadang sú nan lac 1 tấn/ha.

Khaw tin dunya

# Tổng thư kí Liên hợp quốc Ban Ki Mun harei 16/10 ieu bhapbini dunya brei daong pabak viện trợ ka Haiti, taneh ia gaok tayah tayac kayua ribuk khang tuh tame di akaok bilan 10. Liên hợp quốc kuhria mboh lac, hu 1,4 triệu urang di Haiti daok caong hu daong khẩn cấp saong jit tả daok mbuan mek nao rilo menuac urang. Tal urak ini, Liên hợp quốc brei thau, bahrau taduan mek hu 10% dalam abih tih 120 triệu đôla njauk daong piah blei brah, ia menyum, pandap mbang saong padam jit tả dalam 3 bilan tal.

 # Page ini (17/10), ribuk Sa-ri-ka  tuh tame  gah Barak Phi-lip-pin ngan haong pren angin 130 km sa tuk ba tal ralo khat lahik. Takik abih hu dua urang metai saong 3 urang lahik. Ribuk Sa-ri-ka ngak aia dauk saong glut jaleih taneh trak di tỉnh Ca-tan-đua-an-nê (Catanduanes). Yaok rituh mbang par njauk brei padeih ngak ka yaok ribau tuai damuai jeng daok gar veik angaok pulao Lu-dông (Luzon). Urak ini hu jaik 12 ribau urang jeng daok veik pak dom labik siam mekre kayua raja-ei Phi-lip-pin padang tagok.

# Jeng dalam pagaiy harei 17/10 , dua phi hành gia Trung Quốc hu ba tagok lingik meng kapal Thần châu 11 dalam sứ mệnh không gian hu menuac  điều khiển atah abih meng kan mai ini di taneh ia. Rayo papar binguk Trung Quốc CCTV khan brei thau, kapal Thần Châu 11 par meng pasak palao kapal vũ trụ Cửu Tuyền di labik tự trị Nội Mông jaik  7 tuk 30 pagaiy ini (tukvak puk palei) kapal hu palao meng tên lửa đẩy Trường Chinh 2F./.