Khaw tin 10h30 saong 14h30 harei 17/6

# Pahadar 92 thun Harei Báo chí Cách mạng Việt Nam (21/6/1925 – 21/6/2017), meng blaoh, rayo sap ndom Việt Nam daok di bal raya Hồ Chí Minh pambuak haong dom jabat báo chí Trung ương daok pak bal raya Hồ Chí Minh peih danak dak daoh tamia hu angan “Daoh ka taneh aia palei negar” mbang ka 4 thun 2017. Ong Lê Huy Nam, urang pan akaok rayo sap ndom  Việt Nam daok di bal raya Hồ Chí Minh khan lac:  “tapa 4 mbang peih ngak danak dak daoh tamia “Daoh ka taneh aia palei negar” nan lac tukvak piah ka urang jakar, urang vak di jabat báo chí Trung ương pak bal raya angan Wa pataom mbaok gauk, pahadar ilamu meng kan mai di urang ngak báo. Sap daoh, panuac take di dom urang abih hatai haong bruk ngak di drei harei ini meda daok miat miat, patui veik meng dom mbang taom gaok, bac megru ilamu, peih tabiak jalan pambuak bruk catang jang di urang pal akaok, urang vak, urang jakar di dom jabat."

#Mintri Công Thương daok ngak saong ba tagok rajaei nghị định barau salih ka Nghị định 109/2010/NĐ-CP ka pablei salih padai brah tabiak taneh ia langiu, tui kuhria hu ba tabiak ngak meng harei 1/1/2018, meda ba mai lang talaih ka dom doanh nghiep pablei brah tabiak taneh ia langiu, abih di nyu nan lac doanh nghiep gap saong sit. 

# Hải Dương daok pataom taong abih pren khang piah padang ngak palei pala bahrau. Tui kuhria, taong abih phun jien padang ngak palei pala bahrau dalam thun 2017 nan lac labaih 3.177 tỷ đồng. Tal abih thun 2017, Hải Dương kham merat  dalam tỉnh mek hu  17 tiêu chí yaok xã.

# Liên đoàn Lao động saong Sở ilimo padhih ban Đà Nẵng barau mbaoh tangin tame danakdak dak padang raidiuk ilimo di cong nhan, urang jakar, urang ngak tukvak  2017- 2022. Dua libik njauk hatai pambuak bruk jhul khang bruk pathau khan, pato pakai; patagok saong peih ngak dom thiet che ilimo, padhih saong dak apdang bruk daok dang ilimo, hadah hadai di cong nhan urang ngak.

# urak ini, tỉnh Đắk Lắk tok bahrau hu 2.078 ha ca cao; dalam nan hu 1.469 ha brei thu hoạch, năng suất asal thu mek hu labaih 12,7 tạ/ha, sản lượng tui kuhria hu 1.867 tấn asal thu tagok men. Hu 14/15 huyện, bal sit saong bal Buôn Ma Thuột pala phun ca cao; dalam nan hu dom huyện Ea Kar, Krông Ana, Ea H’leo, Krông Pắk nan lac dom puk palei hu mblang taneh pala phun ca cao ralo di abih.

# Hu buh tame labaih 3,1 tỷ đồng, ngak blaoh labaih 5 thun min dom ging cuh hareik thải y tế rắn di sang iek ruak Đa khoa tỉnh Kon Tum oh ngak bruk hu kayua oh khik caga dom yếu tố ka khí thải. Sang iek ruak hu rilo mbang payua công văn pandar gah brei ramik psiam, min rilo mbang ramik pasiam, cụm lò ini oh ngak hu bruk, ngak palai pajoa praong.

 # Bác sĩ Nguyễn Đình Thanh Liêm, Phaok akaok Pasak Y tế dự phòng tỉnh Sóc Trăng brei thau: Kayua hu dom jalan ngak pacang cakak jit ruak, abih di nyu lac pak dom labik pandiak nan ye dalam 6 bilan akaok thun 2017, dalam tỉnh tok hu  labaih 800 urang njauk ruak pandiak tabiak darah, trun 15% dut haong tukvak ini thun dahlau. Urak ini, ruak pandiak tabiak darah oh ka hu vắc xin pacang cakak saong oh ka hu jru điều trị đặc hiệu, kayua yau nan ye bruk pacang caga ruak hu mong yau bruk ngak samar drah saong njauk ngak dahlau. 

Khaw tin dunya

# Rajaei Brazil barau tah klak dom panuac lac di Liên minh châu Âu (EU) ka dom dấu hiệu bất thường di bruk pasang iek saong kiểm định di taneh ia hadei mbang  bê bối pablei ralo nerak tabiak taneh ia langiu di rilo sang mac đông lạnh di Brazil hu urang ba tabiak brei thau. 

# Harei 15/6, Gilang pariak patagok Liên Mỹ saong raja-ei 3 negar Trung Mỹ nan lac El Salvador, Guatemala saong Honduras hu ba tabiak sa sáng kiến jhul patagok bruk đầu tư tame dom dự án patagok hạ tầng pak khu vực ini dalam thun anak tal, ngan haong yaom phun jien abih tih  2,5 tỷ USD. 

# Mintri Khoa học, Thông tin - truyền thông saong Kế hoạch tương lai Hàn Quốc brei thau, kapul roh duah kayua ông Lee Chang-hwan (Li Chang Hoang) di Đại học Ulsan dang akaok barau patagok sa chất barau hu chiết xuất meng janih phun hu angan rehmannia (Địa hoàng), meda ngak lihik hu dom tế bào ung thư. Langiu nan, chất ini daok mbang tame tế bào ung thư não. Jalan ngak ini hu brei thau lac meda pandar di iek ruak rilo janih ruak ye iek ruak ung thư saong patagok vaccine (vắc-xin).