Khaw tin 10h30 saong 14h30 harei 17/7

 # Mbang ribuk ka dua bahrau tuh tame Nghệ An dalam melam 16 saong page mesup harei 17/7. Angin khang abih di mbang ribuk gaok tuk tagok tal angaok pakat 12, ngak ka phun kayau, hệ thống biển quảng cáo jaoh jaleih. Ribuk khang abih dalam tukvak meng 2h – 2h45’ page mesup harei 17/7. Pren angin khang ngak ka phun kayau jaoh jaleih, talei điện klaoh, ralo baoh kajang quán njauk tapeih tabung, khut khat. Ralo labik di Nghệ An saong bal Vinh njauk lahik điện. Angin ribuk jeng ngak ka ralo phun kayau, gang điện jaleih angaok jalan ngak cakak dom labik angaok jalan 1A saong canah jalan plaih Vinh. Lực lượng Cảnh sát giao thông hu mbaok piah parabha jalan nao, kaoh phun ngak brei ka jalan laneng lanoi. Kuhria  tal tuk vak ini, yaom lac ribuk ka dua hu nao tapa blaoh, min hajan khang jeng daok pak  Nghệ An ngak ka bruk daong duah, pasiam veik dom khut khat mai meng hajan ribuk gaok biak ralo kan kanah.

# Tui panuac khan meng Thường trực Ban chỉ huy pacang caga ribuk ia xua , duah daong urang njauk bala tỉnh Bà Rịa – Vũng Tàu, kayua ribuk ka 2, bhum tasik Bà Rịa – Vũng Tàu daok hu angin pakat 6 tal pakat 8, jabat ini hu panuac khan brei ka dom kapal ikan daok taong cap di tasik caga plaih. Ông Nguyễn Ngọc Lộc, Chánh Văn phòng Ban chỉ huy pacang caga ribuk ia xua, duah daong urang njauk bala tỉnh Bà Rịa – Vũng Tàu brei thau, kayua gaok hoàn lưu di ribuk ka 2 daok tuh tame baoh taneh, urak ini bhum tasik Bà Rịa – Vũng Tàu riyak tasik glaong 2 – 3 mét, cấp độ rủi ro meng pakat 1 tal pakat 2. Meng angin khang yau nan, urak ini dom kapal pajeng tuai pakauk oh brei tabiak tasik. 

 # Kayua langik tasik oh siam laghaih, hajan mboh avan saong dui atah dalam tukvak tapa ngak ka ralo phun kayau mbang baoh di Ninh Thuận khat lahik trak. Pak huyện Ninh Sơn - tỉnh Ninh Thuận, puk palei hu jaik 400 ha phun mbang baih, ba brei baoh kayau ka tỉnh saong dom labik jaik taphia, ralo urang ngak bein brei thau mbuan si lahik abih. Kayua lac dalam tukvak tapa, kayua pambak di langik tasik, hajan avan, ralo janih phun mbang baoh bruk akaok, juh baoh, taphia di nan daok mboh jit ruak halak halin yau: halak đục thân, ruai kanjik ngak khut khat tal baoh karaoh. Ngan haong tình hình ini, thun ini sản lượng baoh kayua di huyện Ninh Sơn oh tal piah ba pablei baoh tabiak darak pasar. 

# Dom harei tapa, darak pasal pabui ralo saong pabui pajaih di tỉnh Tiền Giang daok chreih chrai veik hadei sa tukvak laik yaom. Urak ini, urang raong pablei pabui ralo  meng yaom  3,1 triệu đồng tal 3,2 triệu đồng/tạ, tagok jaik 1 triệu đồng/sa tạ duk saong adit dahlau. Daok pabui pajaih meng 20 rabau đồng/sa ký, urak ini tagok labaih 30 rabau đồng/ sa ký, hu tuk urang raong veik oh blei hu pabui pajaih. Makna yaom pabui glaong veik lac kayua pabui urak ini hu takik 

 # Tal tukvak ini, Dự án labik ngak nong pandar Công nghệ glaong di bal Cần Thơ daok peih ngak dom bruk ngak hu mboh di anak meta, piah samar ba tame pandar. Tui nan, Khu ngak nong pandar công nghệ glaong di bal Cần Thơ hu peih ngak pak pasak phun kayua anek athur raong, kaya ikan dalam aia ngan haong quy mô 40ha; dalam nan hu 03 mô hình, Mô hình sang lưới, pala bingu; pala phun traong nde, amariak Hàn Quốc; pala dưa lưới Nhật Bản; Raong pala kaya ikan dalam aia, raong hadang ginraong hijao, ikan tra saong mô hình pala bimao pon dom janih…

# Tỉnh Đồng Tháp daok patagok khang dom kein lagaih di bhum Đồng Tháp Mười ngan saong klau janih du lịch praong: du lịch sinh thái, du lịch ravang mein inem mek sajarah saong du lịch cộng đồng. Phó Giám đốc Sở ilimo, padhih saong Du lịch tỉnh  Đồng Tháp - Ngô Quang Tuyên brei thau, gah  Du lịch tỉnh daok hu jalan patagok, jien mek tame dak tagok yaok thun, jeng gah ngak mbang kinh te praong di tỉnh. 6 bilan akaok thun, abih tih tuai mai labaih 1, 6 triệu mbang, dalam nan hu labaih 40 rabau tui di dunya, jien mek tame meng du lich abih tih labaih 300 tỷ đồng, tagok 39,14 % duk saong dom bilan ini thun 2016. 

# Ralo thun jaik di ini, dom duh hatai di anek saih njauk bac ca klau di dom sang bac saong dom urang ngak amaik ame dalam bal Biên Hòa (Đồng Nai) tuk halei jeng mboh. Yau nan min, dalam thun bac anak tal (2017-2018) gam haong dom kham merat di dom pakat karja dalam tỉnh ka bruk buh jien tame padang ngak sang bac bahrau pasiam veik bruk bac ca klau, abih di nyu lac pakat tiểu học. 

Khaw tin dunya

 # Daok dom harei tra,, Tổng thống Mỹ Đô-năn Trăm hu ginup 6 bilan par akaok sa taneh ia hu nền kinh te ka sa di dunya. Tal tukvak ini, tok hu 36% dom urang Mỹ hu tanyi lac ông Trăm hu ngak siam bruk di drei. Ini lac tỷ lệ tín nhiệm di Tổng thống bair abih dalam 70 thun tapa di Mỹ, brei mboh rajaei di Đô nan Trăm daok hu rilo jalan trun”.

 # Urang jakar tỉnh Cát Lâm (Jilin), gah Đông Bắc Trung Quốc hu samar peih ngak dom jalan ngak pacang cakak jit ruak daok tamuh khang di huyện Vĩnh Cát (Yongji) hadei di mbang ribuk kỷ lục meng blaoh. Karja huyện Vĩnh Cát hu brei 400 nhân viên tiến peih ngak bruk khử trùng do dom labik quan trọng dalam bhum. Dom nhân viên hu proi 240 tấn cur tapung saong 1 ribau 400 thùng jru tẩy vệ sinh angaok dom canah jalan phố, dom canah jalan sit  saong dalam sang bhap bani.

# Hàn Quốc harei 17/7 hu panuac ieu peih ginum biai quân sự liên Triều dalam adit ini piah trun takik bruk căng thẳng tui jalan tapeng negar. Tui panuac meng mintri Quốc phòng Hàn Quốc gah Seoul caong khin peih mbang gaok ini di harei 21/7 di Tongilgak (Tôn-gin-gác), sa tòa sang di Triều Tiên dalam palei đình chiến Panmunjom (Pan Mun Chơm) piah padheih abih bruk thù địch” jaik jalan quân sự parabha dua bhum.