Khaw tin 10h30 saong 14h30 harei 1/8

       #/ Cục Xuất Nhập khẩu (mintri Công Thương) brei thau, KT dunya meng akaok thun tal ni JENG DAOK SIAM (hu pasiam) veik dalam suai damuai song oh khang kajap, rilo nền KT prong di dunya jeng daok gaok kan kandah. Min, kim ngạch xuất nhập khẩu di VN dalam 7 bilan tapa DAOK hu siam tagok dom janih pandap chủ lực hu kim ngạch tagok dut song tuk vak ni thun dahlau. Tui mkuhria di Cục ni brei mboh,  abih tih kim ngạch XK dalam bilan 7, hu 14,7 tỷ USD, dok nhập khẩu hu 14,6 tỷ USD. Nan ye, dalam bilan 7, dalam negar xuất siêu labaih 100 triệu USD

      # Meng harei ini (1/8), Nghị định 46 di rajaei ka xử phạt dom lỗi angaok jalan nao mai saong saong paglaong bruk xử phạt hu ba tabiak ngak tui. Rilo bruk barau hu peih ngak, yaom phạt gah nồng độ cồn, oh ngak tui tín hiệu giao thông, nduac samar jang tốc độ…atau bruk xử phạt oh meom ndon bảo hiểm di gah cảnh sát cơ động. Tui nan, meng harei 1/8, gah cảnh sát cơ động meda pataom tame pasang iek meng 6 tuk meteh tal 24 tuk, xử phạt urang nduac, urang daok di mô tô, radaih patuh, radaih juak điện, radaih juak patuh oh tuak ndon bảo hiểm tuk nao mai di jalan. Hadei 24 tuk melam tal 5 tuk pagaiy harei hadei, cảnh sát cơ động jeng pataom tame bruk pacang caga tội phạm yau bruk daok ngak .

       #/ Harei kabroi 31/7 Sang uranaih tỉnh Sơn La peih bruk tamat dom tal năng khiếu song jiak 1000 uranaih dom bangsa dok dalam tỉnh mai hu mbaok. Hadei di 2 bilan bac megru, dom adei hu pasram, bac megru song gauk, dong ka dom adei patagok dom ilamu di drei, patagok tang abih gah, rik dong XH dalam bruk iek glang, pato pakai rai rah harei hadei, pabak ka bruk padang ngak song khik ramik palei negar. Adei Trịnh Trung Hiếu, tal  Võ cổ truyền sang uranaih tỉnh Sơn La brei thau : Adei mboh biak sambai, kayua adei hu taom gaok ndom nyai song rilo ayhut bahrau, jeng mboh hadei di tal bac ni adei biak khang kajap song tame thun bahrau siam jang song pren yava khang kajap 

        # Ủy ban bhapbini tỉnh Quảng Bình barau brei adat peih ngak Dự án ngak iek pandar radaih ô tô điện pajeng tuai du lịch di dom canah jalan dalam ban sit  Đồng Hới meng bilan 8/2016 - 8/2019.Tui nan, Ủy ban bhapbini tỉnh Quảng Bình pilih ruah 24 canah jalan dalam ban sit piah ngak iek pandar radaih ô tô điện pajeng tuai du lịch. 

       #/ Tỉnh Phú Yên urak ni hu 18 bến đò ngang di dom huyện Tây Hoà, Phú Hoà, Sơn Hoà, Đồng Xuân ngan song labaih 30 phương tiện hu mbaok pajeng ba tuia damuia. Dom ghe gilai pajeng tuai rilo meng lac sit sot, thô sơ, oh hu aow phao cứu sinh, oh an toàn tuk pajeng tuai, mbuan si gaok bala kram đò abih di nyu nan lac tuk tame bilan ia ndik iasua. Ong Võ Ngọc Kha, Phó Giám đốc Sở Giao thông Vận tải tỉnh Phú Yên brei thau, Sơ ni hu panuac ieu dom puk palei pedeih bruk pajeng ba tuai di dom bến suan adat. Di Phú Yên,jalan krong ribong tok ngak di bilan hajan. Sở jeng hu pambuak bruk song Công An tỉnh, dom puk palei peih bruk tui iek krong ribong. Dom bến đò, dom ghe gilai oh hu adat ye pandar puk palei brei padeih chip, khik caga siam mekre jalan krong ribong, abih di nyu nan lac ka menuac urang.

     # Dalam 6 bilan akaok thun 2016, du lịch Bình Thuận raok labaih 2 triệu tuai, rilo jang jaik 8% duk saong dom bilan ini thun 2015 (tuai dunya jaik 252.000 mbang, rilo jang jaik 11% duk saong dom bilan ini thun dahlau. Jien mek tame meng du lịch hu 4.420 tỷ đồng, rilo jang 19% duk saong thun 2015.

        # Tui kuhira mboh di Công ty ty điện lực Tây Ninh, tal puac bilan 7, tỉnh TN hu jiak 2.600 điện kế tut angan tame min padeih pandar, dalam nan hu labaih 700 điện kế padeih pandar labaih 1 thun song jiak 1.900 điện KẾ padeih pandar labaih 6 bilan, mbuan si  chập điện ba tal bruk khuak patuk song palai pajoa gah điện. 

          Khaw tin dunya

        # Harei kabroi (31/7) labaih 30 urang di kapul dam dara mintri Công an Việt Nam kayua Trung tướng Nguyễn Xuân Mười – Phó Tổng Cục trưởng Tổng cục Chính trị Công an bhapbini dang akaok kapul hu danak dak iek ruak, brei jru saoh ka bhap bini saong urang jakar, urang lin di gah an ninh Lào di tỉnh Viêng Chăn.  Danakdak lac sa dalam dom bruk ngak di kapul pak Lào meng harei 28/7 tal 5/8. Hu labaih 500 mbang urang ruak hu iek ruak dalam harei; hu brei jaik 1.000 cơ số jru ka bhapbini tỉnh Viêng Chăn.

      # Melam 31/7 Nhật bản hu brei thau ka bruk palih ruah Thị trưởng Tokyo,  tui nan urang dahlau deih ngak akaok mintri Quốc phòng Yuriko Koike (Y-u-ri-cô Cô-i-kê), umo 64 thun, mek hu jayah, jeng urang kamei thị trưởng akaok meti di Tokyo. Muk Yuriko Koike lac sa Hạ nghị sĩ  di đảng Dân chủ tự do (LDP) cầm quyền, min oh (jeng) lac ứng cử viên hu LDP pachreih tui kayua hu mbaok tame tranh cử oh tapa nội bộ đảng

      # Dom urang dang akaok gah Y tế Bra-xin harei kabroi (31/7) brei thau,  bruk njaom mbak vi-rút Zika di mbang Thế vận hội jaik tal lac bair saong jit ruak ini daok pasang iek hu. Tui kuhria mboh dahlau, hu jaik meteh triệu menuac urang meda mai  tal Bra-xin dalam bruk thể thao praong ini./.