Khaw tin 10h30 saong 14h30 harei 18/10/2016

            # Văn phòng Raja-ei bahrau payua harak samar tal dom Mentri, jabat samu mintri, jabat daok dalam raja-ei. Tui nan, Thủ tướng Nguyễn Xuân Phúc pandar dom Mentri, jabat samu mintri, jabat dalam Raja-ei peih bruk pachreih ba hatai  anit ranam, daong ba gauk, hala siam me-om hala tahak dalam urang jakar, urang ngak bruk Karja, urang ngak di dom jabat piah rik pataom jien padai daong ka dom puk palei haong bhap bani dom tỉnh labik njauk khat lahik samar yam tapa kan kandah, grap tanat rai diuk saong pasiam veik bruk ngak mbang pala drak.

        # Anak bruk lingik oh lagaih, bala rah tabiak rilo, abih di nyu nan lac ribuk ka 7 tuh tame biển Đông, mintri Quốc phòng pandar dom labik, jabat pasang iek catang jalan nao di ribuk ka 7, caga pacang cakak drak samal dom bruk meda rah tabiak; caga daong bhapbini yuka padai saong paik njam; kuhria caga dom bruk njauk ngak, caga menuac saong pandap piah daong bhap bini saong ramik pasiam dom khut khat meng ribuk ka 7.

      # Thủ tướng Raja-ei bahrau tabiak Bộ tiêu chí negar ka xã palei pala bahrau tukvak 2016-2020 hu 19 tiêu chí. Ngan haong yaok tiêu chí, Quyết định tacei tabiak cambaih laih chỉ tiêu chung jeng yau chỉ tiêu tui yaok bhum: Trung du bhum ceik gah Barak; Taneran kraong Hồng; Bắc Trung Bộ; Duyên hải Nam Trung Bộ; Tây Nguyên; Đông Nam Bộ; Taneran kraong Cửu Long. Quyết định ini hu peih ngak meng harei 1/12.

# Bair harei 17/10, di Long An, Thủ tướng Nguyễn Xuân Phúc saong kapul ngak bruk di rajaei hu ngak bruk saong urang dang akaok di tỉnh Long An. Thủ tướng tacei pato Long An njauk langyah samal bruk pablei salih lậu daok rah tabiak khang yau urak ini. Gam saong nan lac ba bruk ngak, daong  bhapbini salih bruk ngak.

       # Ong Nguyễn Thế Kỷ, Uỷ viên Trung ương Đảng, Akaok Rayo sap ndom  Việt Nam bahrau taduan raok kapul urang ngak báo Lào kayua Thứ trưởng Mentri Thông tin, Ilamo saong Rivang ma-in, Akaok Kapul Urang ngak báo Lào ong Sa-van-khôn Ra-mau-tri ba akaok kapul. Dua gah brei thau, daok patui  ngak dom danak dak daong ba, pambuak bruk piah ka urang jakar, urang vak, urang palih saong urang ilamu kỹ thuật paglaong bruk ngak di drei.

     # Ban jak ba kadung jien “ kayua urang kathaot” tỉnh Điện Biên barau peih  bruk ngak di bilan tabung glaong kayua urang kathaot, piah jak ba dom kapul nyaom menuac urang dalam tỉnh. DI harei tabiak bruk, hu 118 kapul nyaom saong menuac urang tut angan rik tame daong kadung jien ini jaik 3,6 tỷ đồng. Tỉnh Điện Biên daok labaih 57.200 sang kathaot, meblah tỷ lệ 48%, dalam nan hu tal 51 xã hu sang kathaot labaih 70%.

      # Pachreih tui bruk jak ba “Brei ka urang kathaot” dalam negar, Uỷ ban Mặt trận negar Việt Nam tỉnh Đắk Lắk jeng bahrau peih tabiak Bilan tabung glaong “Brei ka urang kathaot” thun 2016. Dalam thun 2015 saong 6 bilan akaok thun 2016, Mặt trận dom pakat di tỉnh hu padang ngak bahrau 318 sang gul pataom, pasiam veik 114 baoh sang ka urang kathaot saong peih ngak ralo danak dak daong ka urang kathaot dalam tỉnh.

           Khaw tin dunya

          # Mintri Quốc phòng Pháp brei thau, akaok mintri Quốc phòng dom taneh ia di liên quân dunya kayua Mỹ dang akaok pacang caga kol IS meda nyaom di Paris (Pháp) harei 25/10 tal. Tui hãng tin Pháp AFP, akoak mintri Quốc phòng 13 taneh ia hu mbaok tame mbang nyaom ini piah ginum biai dom bruk pacang caga kol IS di 17/10, bol bala Iraq hu peih bruk peih paha ban Mosul (Mô-xun) praong ka dua di taneh ia ini.

      # Karja In-đô-nê-xi-a bahrau brei thau, yaok pluh urang In-đô-nê-xi-a hu mbaok tame kol IS  pak Xyri  hu mai veik taneh ia saong lac mối đe dọa prong ngan haong negar ini. Tui hukum pacang cakak khủng bố di In-đô-nê-xi-a, cảnh sát hu quyền cap khik dom urang tình nghi piah sua tangi dalam 7 harei. Dalau di nan, Raja-ei hu đề xuất tạm mek kareik saong tước quyền công dân ngan haong dom urang In-đô-nê-xi-a hu mbaok tame dom kapul nyaom cực đoan pak negar langiu. Hu thau, đề xuất ini daok hu quốc hội mong iek.

       # Trung Quốc barau tagok sap phản đối Thủ tướng Nhật Bản Sin-dô A-bê saong dom urang jakar taneh ini payua pandap lễ tal đền thời Y-a-xư-cư-ni – labik thờ urang Nhật Bản metai di Thế chiến thứ 2. Dahlau nan, jeng harei nan Thủ tướng Nhật Bản Sin-dô A-bê  saong dom urang jakar pakat glaong taneh ia ini jeng payua pandap lễ viếng mai đền Y-a-xư-cư-ni dalam lễ hội mùa thu yaok thun. Merak gauk di ngoại giao bhian rah tabiak tuk dom urang dang akaok Nhật Bản mai ravang đền, kayua dom taneh ia taphia ye Hàn Quốc saong Trung Quốc maong bruk ini lac pahadar dom tội phạm mesruh metak./.