# Mentri Jien padai bahrau patabiak Thông tư 105/2017/TT-BTC tacei pato jalan khik iek jien padai tui Quyết định ka 2085/QĐ-TTg di Thủ tướng raja-ei  brei tabiak sarak đặc thù daong patgaok kinh tế - xã hội bhum urang bangsa takik saong bhum ceik tukvak 2017 - 2020, hu peih ngak meng harei 20-11-2017..

# Cao Bằng lac tỉnh bhum ceik hu labaih  90% urang lac bhap bini bangsa takik. Meng peih ngak rilo sarak bangsa siam lagaih, rai duik bhum urang bangsa takik di  Cao Bằng hu rilo salih bahrau. Bruk jhul pakhang patagok kinh tế di dom puk palei hu bruk rik dong oh takik di dom mô hình salih janih phun pala. Dalam nan,  NJAUK ndom tal  mô hình pala phun  thanh long dong ka urang nong ngak kaya meda di bhum taneh palei drei.

# Pak Hà Nội, urang pal akaok Ủy ban bangsa bahrau hu van taduan raok kapul urang hu angan je dalam bhap bani dom bangsa takik tỉnh Ðiện Biên. Pak van taduan raok, dom urang lambaok caong khin dalam tukvak anak tal, Ðảng, Karja saong Ủy ban Bangsa sangka, palaghaih jang ka bhap bani bangsa takik; patui veik peih ngak dom sarak njauk, lagaih piah pasiam veik rai diuk bhap bani di dom xã bhum ceik, bhum atah bayah, abih di nyu lac jalan mbak nao mai saong môi trường, sarak daong ka anek saih bán trú, daong brei pajaih phun pala …

# Pachreih tui bilan ngak bruk negar pacang caga  HIV/AIDS thun 2017 hu rah tabiak dalam negar meng harei  10-11 tal harei  10-12-2017, Ủy ban bangsa  pambuak bruk song  Ban bangsa, Ban tacei jalan pacang caga AIDS  song pacang caga ma túy, mại dâm dom tỉnh, ban peih ngak dom bruk dalam tỉnh, ban, abih di nyu nan lac di bhum hu rilo urang bangsa takik dok. 

# Khu tái định cư ngan haong labaih 100 baoh sang bhap bani bangsa Vân Kiều daok di palei Húc Nghì, huyện bhum ceik Ða Krông, tỉnh Quảng Trị jeng daok neh rabha haong gah langiu. Urak ini, bhap bani kurang aia hacih piah pandar. Dahlau di nan, aia sua ba tatheik sa binah tatua tràn Húc Nghì, lac jalan duy nhất pambuak pagam haong khu tái định cư di bhap bani Vân Kiều.

# Di Hà Nội, urang dang akaok  Ủy ban bangsa  bahrau taduan raok kapul 30 urang hu angan je dalam bhap bini bangsa takik tỉnh Ðồng Nai tuk kapul tabiak rivang ban ine Hà Nội. Bruk paglong bruk ngak, labik dang di urang akaok palei,  urang hu angan je dalam bhum urang bangsa takik hu sangka, nyu rik dong khik kajap an ninh chính trị, trật tự an toàn xã hội song bruk paprong jum pataom dom bangsa.

# Văn phòng Ðiều phối Danak dak bruk ngak negar padang ngak palei pala bahrau saong patrun kathaot tỉnh Bắc Cạn bahrau pambuak haong Văn phòng negar patrun kathaot (Mentri Lao động - Thương binh saong Xã hội) saong danak dak patagopk di Liên hợp quốc (UNDP) peih nyaom biai "Pambuak pagam đối tác daong  urang kamei bangsa takik dak pandang mbang angui, patrun kathaot tỉnh Bắc Cạn". Tukvak anak tal, dom đối tác meda pambauk gauk, jak ba pren khang piah duah mboh, raong ba saong daong dom tổ, kapul nyaom urang kamrei bangsa takik dalam tỉnh patrun kathaot, yam tagok ngak kaya meda khang kajap.

Khaw tin dunya:

# Taduan raok Đô đốc H.Ha-rít, Tư lệnh Bộ Chỉ huy Thái Bình Dương (PACOM) di Mỹ, Thủ tướng Nhật Bản S.A-bê ndom lac, Tô-ki-ô  sanya ngak pakhang pakajap liên minh Nhật - Mỹ, dalam tuk vak hu rilo bruk huac kanda ka an ninh dalam khu vực.

# Tập đoàn Dầu khí negar Vê-nê-xu-ê-la (PDVSA) brei thau hu ngak salah blaoh bruk bayar jien jhung haong dom urang đầu tư trái phiếu hu tukvak tal thun 2027, saong bayar dom khoản trái phiếu di tập đoàn ini dalam thun 2017, abih tih lac 200 triệu USD.

# Sa sruh kapan haoh di  hãng kapan haoh Croastal laik trun pabah ceik apui di bhum A-ru-sa, gah brak negar  Tan-da-ni-a, ngak tong abih 11urang angaok kapan haoh ini metai. Gah dong duah urang gaok bala hu samar hu mbaok pak labik. Tui khau tin camereip, ia kakau kapan song langik oh siam, cakak meta mong meda lac makna ba tal bala ni./.