Khaw tin 10h30 saong 14h30 harei 18/12/2017

# Pak bal Cam Ranh, tỉnh Khánh Hòa, Akaok Quốc hội negar CHXHCN Việt Nam Nguyễn Thị Kim Ngân gam haong kapul urang ngak bruk di Quốc hội bahrau mai rivang saong ngak bruk haong dom jabat Hải quân đóng quân dalam Căn cứ quân sự Cam Ranh. Pak ini, akaok Quốc hội jeng hu caik tukvak piah ndom biai, động viên bol lin saong bhap bani bal sit Trường Sa, 2 xã pulao Song Tử Tây, Sinh Tồn dalam huyện Trường Sa, tỉnh Khánh Hòa tapa qua hệ thống papar binguk tapak.

# Di ban sit Tam Điệp, tỉnh Ninh Bình, Phó Thủ tướng Vương Đình Huệ, akaok mban tacei pato danakdak ngak bruk negar padang ngak palei barau barau alin brei Quyết định brei thau ban sit Tam Điệp ngak blaoh bruk padang ngak palei pala barau thun 2017. Tui nan 4/4 xã di ban sit ngak hu chuẩn xã palei pala barau hadei 7 thun ngak tui danakdak, ngak blaoh dahlau meng 3 tal 4 thun duk saong Đề án di puk palei.

# Bộ chỉ huy Bộ đội Biên phòng tỉnh Quảng Bình brei thau, bahrau pambuak haong lực lượng an ninh tỉnh Khăm Muộn (Lào) cap khik urang angan Văn-Phi-La Chăn Tha- Vi- Phon tuk daok pajeng ba 32.000 viên ma túy tổng hợp nao pablei. Urak ini lực lượng Pacang caga ma túy- Bộ đội Biên phòng tỉnh Quảng Bình patui veik pambuak haong gah An ninh tỉnh Khăm Muộn pasang iek, peih prong vụ án piah pagui mek dom urang daok veik hu pambuak pagam tal jalan talei pablei salih ma túy.

# Bộ Chỉ huy Quân sự tỉnh Ðác Lắc pambuak bruk saong dom libik barau peih bruk dak padang sang daok alin ka 4 sang urang bhapnini bangsa takik gaok jaleih baok sang kayua mbang ribuk 12 rah tabiak dalam xã Yang Mao, huyện Krông Bông saong xã Ea Trang, huyện M’Ðrắc. Dom sang hu daong dak padang sang daok lac sang urang bol lin, bộ đội xuất ngũ, phục viên, bhapnini bangsa takik kathaot.

# Meng akaok bilan 11 tal ini, dalam bal Phan rang-Tháp Chàm, tỉnh Ninh Thuận hu rah tabiak labaih 10 co klaik drap ar, mboh ralo lac radaih máy Air blade. Tui jabat công an, sa dalam dom makna ba tal bruk co klaik drap ar nan lac kayua bruk chủ quan, lahik cảnh giác di bhap bani. Kayua nan ye bhap bani njauk paglaong cảnh giác piah chủ động pacang caga janih tội phạm ini.

# Sa xưởng ngak mút daok di libik 141 jalan Phan Anh, quận Tân Phú, ban raya Hồ Chí Minh melam kabroi 17/12 gaok khuah. Mbang khuah ngak jeng geng apui mbang tagok glaong yaok pluh mét ngak ka abih libilk srau kadau. Kakul hu libik ngak bruk di nan kham merat ba bình padam khuah caga min oh ngak jeng. Mbang khuah dalam xưởng pambak dark samal, ralo sang bhapnini taphia nan duh hatai hu brei ba pandap tabiak truh libik khut.

# Kapul urang ngak bruk di Mentri Lễ nghi saong Tôn giáo Vương quốc Campuchia kayua amuk Touch Sarom, Quốc vụ khanh, Mentri Lễ nghi saong Tôn giáo Vương quốc Campuchia ba akaok kapul nyaom bahrau mai rivang saong ngak bruk pak tỉnh Sóc Trăng, gam nao haong kapul nyaom ini daok hu dom urang lambaok Ban Tôn giáo Raja-ei Việt Nam.

Khaw tin dunya

# Tui Ủy ban glang iek saong khik ramik pandap mbang menyum saong jru tavao tỉnh Hải Nam, gah công an dom tỉnh Hải Nam, Quảng Tây saong Quảng Ðông di Trung Quốc barau pambuak bruk mek khik 77 nghi phạm pambuak tal jalan ngak saong pablei salih jru tavao ja piah pablei tabiak di dom darak pasal dalam bhum. Lingiu 24 tỉnh, ban saong libik tự trị di Trung Quốc, jalan nan bhian ba jru tavao ja tame dom darak pasal karei ye: Thái-lan, Việt Nam, Phi-li-pin saong Hồng Công (Trung Quốc) piah pablei.

# Dalam mbang pathau meng blaoh, Liên đoàn Ả-rập brei thau hu padang sa kapul nyaom pakat Akaok mentri ngan haong đặc trách peih ngak dom bruk ngak piah cagar veik quyết định di Mỹ công nhận Giê-ru-xa-lem (Jerusalem) lac bal ine di Ixraen (Israel) dalam harei 6/12 meng blaoh.

# Cảnh sát Liên bang Thụy Sĩ (Fedpol) barau trục xuất sa urang Pháp asal Tuy-ni-di, dahlau thiah gaok mek di Giơ-ne-vơ di bilan 6-2017 saong gaok sahaneng lac sa mắt xích praong dalam jalan pilih ruah dom urang bhian mesruh di libik ndom sap Pháp di Thụy Sĩ./.