# Biar harei 17/5, Thủ tướng Nguyễn Xuân Phúc haong urang pal akaok dom mentri, ngành ngak bruk haong dom urang pal akaok di tỉnh Quảng Trị ka bruk ngak mbang kinh tế xã hội. Tukvak anak tal, Thủ tướng pandar tỉnh njauk pasiam bruk đầu tư kinh doanh ka nyu siam jang, mong ini yau jalan tabiak di tỉnh. Ndom lac 5.000 doanh nghiệp urak ini nan lac takik, Thủ tướng pandar tỉnh njauk pachreih dom doanh nghiệp prong; ba mai bruk bình đẳng di dom janih doanh nghiệp, palaghaih ka dom doanh nghiệp sit saong mbiah cakrok patagok, abih di nyu nan lac taom gaok nguồn lực saong taneh riya

# Di Hà Nội, page harei 17/5 kapul pasang iek di mintri Chính trị kayua amuk Tòng Thị Phóng, Uỷ viên mintri Chính trị, Phó Chủ tịch thường trực Quốc hội ba akaok kapul hu var ngak bruk saong Ban Thường vụ Đảng ủy rayo sap ndom Việt Nam ka peih ngak Quyết định di mintri Chính trị pasang iek bruk ngak tui Nghị quyết Trung ương 4, Khóa XII, pambuak pagam saong bruk ngak tui chỉ thị ka 5 di mintri Chính trị. Di var ngak bruk, amuk Tòng Thị Phóng ndom lac: ngan saong dom tavak tave saong kan kandah dalam tukvak barau urak ini njauk lac khik catang kỷ luật, jaik tabhia saong kak kajap saong bhapbini. 

# Mentri Jien padai bahrau hu harak pathau khan tagok Ủy ban Thường vụ Quốc hội ka Nghị quyết ka Biểu thuế pacang khik môi trường, dalam nan hu đề xuất thuế pacang khik môi trường ngan haong dom jainh pandap xăng nan lac 4.000 đồng/lít saong janih menyek nan lac 2.000 đồng/lít. Yau nan min, dom chuyên gia kinh tế jeng kiến nghị njauk patui veik pasiam dom kadha dalam Nghị định 83 di Raja-ei ka bruk pablei salih xăng menyek tui gah darak pasar, njauk haong adat di dunya, abih di nyu lac tuk dom kadha hu sanya meng Hiệp định thương mại dua gah song ralo gah di Việt Nam ngan haong haong dom negar daok hu peih ngak.

# Melam kabroi (17/5), di mblang beir Làng Sen, xã Kim Liên, huyện Nam Đàn, tỉnh Nghệ An, Tỉnh ủy, uy mban bhapbini tỉnh Nghệ An peih ngak Lễ hội Làng Sen 2018 ngan saong kadha” pok je Chủ tịch Hồ Chí Minh saong pok meyaom bhum palei Nghệ An salih barau, mbeik drei tame saong patagok”. Lễ hội Làng Sen thun 2018 rah tabiak tal puac harei 19/5 ngan saong kadha ye: harei pataom sap daoh palei Caraih, chiếu phim ka đề tài Wa Hồ; “Hội trại dam dara ngak tui panuac Wa’ pakacaah palao kalang; parang iek chuyen đề thaot binguk ka  Đảng, Wa Hồ saong chuyên đề thaot binguk ka Nghị quyết 05; pakacah urang siam binai Lễ hội Làng Sen…

# Tui dom roh duah bahrau ini, tỷ lệ tagok huyết áp di urang meng umo 25 thun tagok lac 25,1% (nan lac 4 urang prong ye hu sa urang njauk tagok huyết áp) daok hu jalan patagok biak khang. Jeng tui Viện Tim mạch, hu tal 51,6% urang tagok huyết áp min oh thau drei tagok huyết áp; hu 38,9% dom urang tagok huyết áp min oh hu điều trị saong hu tal 63,7% dom urang tagok huyết áp hu điều trị min oh mek hu huyết áp mục tiêu (< 140/90 mmHg).

Khaw tin dunya.

#Dalam dom bruk di diễn đàn Doanh nghiệp- ilimo Việt-Nga rah tabiak meng harei 17-19/05 di ban Xanh-Pê-téc-bua-Nga, bair harei 17-5, hội thảo Xúc tiến thương mại-du lịch di 3 puk palei di Việt Nam lac ban raya Hồ Chí Minh, tỉnh Khánh Hòa saong ban Hải phòng hu peih ngak di pasak patagok saong daong doanh nghiệp Xanh-Pê-téc-bua. Tiềm năng saong caong khin pambuak bruk di dom gah lac bruk ngak mboh anak meta.

# Harei 17/05, Thượng viện Mỹ hu buh phiếu brei tapa bruk amuk Di-na Hát-xpen (Gina Haspel) ngak giám đốc jabat tình báo trung ương (CIA). Amuk Hát-xpen nan lac urang kamei ngak giám đốc CIA akaok meti di Mỹ. 

# Trung Quốc barau hu panuac lac saong Tổng thống Mỹ Đô-nan Trăm ka bruk pablei salih pandap panda saong dom jalan ngak karei piah kakak trun jaik 200 tỷ đôla thâm hụt pablei salih yaok thun di Mỹ  saong Trung Quốc. Panuac nan hu ba tabiak di mbang ginum biai nao mao ka pablei salih Mỹ -Trung rah tabiak harei 17/5 di Oa-sinh-tơn piah langyah bruk đe dọa kak je gauk bo dua gah ba tabiak jeng ye plaih bruk mbuan ba tal mwsruh gauk gah pablei salih di dua kinh te praong abih dunya.