Khaw tin 10h30 saong 14h30 harei 18/7

 # Meng harei 20-22/7/2017, Tổng Bí thư Ban Chấp hành Trung ương Đảng Cộng sản Việt Nam Nguyễn Phú Trọng meda nao rivang pakat negar tal Campuchia, tui panuac daa di Patao Campuchia Norodom Sihamoni (Nô-rô-đôm Xi-ha-mu-ni). Rah tabiak njauk tukvak pahadar 50 thun padang talei pambuak bruk ngoại giao Việt Nam-Campuchia (24/6/1967-24/6/2017), mbang nao rivang hu makna dakrai sajarah, nan lac tukvak piah ka dua gah mong iek veik dom jak jeng siam mekre dalam 50 thun tapa saong peih tabiak sa tukvak cakrok patagok bahrau dalam talei rohim pambuak bruk di dua negar. 

# Bair harei 17/7, ngak bruk saong Ban Thường vụ Tỉnh ủy Sơn La, Thủ tướng Nguyễn Xuân Phúc ndom lac: dak kan kandah dak merat yam tagok, dak hu caong khin. Nao njauk jalan paje lac kham merat tacei pato ngak ka siam. Thủ tướng jeng pandar tỉnh patagok du lich saong khik ilimo di 12 bangsa, maong ini lac pren khang lipih samal bo oh njauk libik halei jeng hu. Thủ tướng pandar: nao njauk jalan blaoh lac kham merat tacei pato ngak ka siam tal abih. Nan lac ngak nong cong nghe glaong, pilih ruah jalan pablei pandap tabiak, oh caik bruk daong talaih hu bilan laik yaom, hu yaom lihik bilan ye dom bruk barau blaoh. Ngak nong aong bruk che bien, dak padang angan pandap njauk caik hatai sangka; pambak praong mo hinh pala phun di taneh pambok; patagok khang phun jru piah urang bhapbini mbang tui.

 # Tui pasak Dự báo Khí tượng Thủy văn Trung ương, harei ini 18/7, kayua  angin Đông Nam  meng mbaok taneh tagok tal  5.000m nan ye di bhum Bắc Bộ hu hajan, hajan gap, hu labik hajan prong tal biak prong dalam 6 tuk. Daok dom tỉnh dalam bhum Việt Bắc saong Đông Bắc hu mboh meng 20-40mm, dom labik hu hajan biak prong yau: Sa Pa 43mm, Tuyên Quang 93mm, Phú Hộ (Phú Thọ) 62mm. 

# Bair harei 17/7, kapal SAR 27-01 di pasak pambuak bruk duah daong urang njauk bala hàng hải Việt Nam daong hu baoh kapal ikan QNg-94698TS mai tal cảng Nha Trang, tỉnh Khánh Hòa siam. Kapal QNg 94698-TS kayua ông Bùi Công Cày, 61 thun daok di xã Phổ An, huyện Đức Phổ, tỉnh Quảng Ngãi ngak thuyền trưởng gam saong 6 thuyền viên daok di jalan nao vah ikan ngừ di bhum tasik quần đảo Trường Sa lac kapal gaok hỏng máy di libik atah di ban sit Nha Trang jaik 50 hải lý gah timul. 

 #  Kapul urang dang akaok bal raya Hồ Chí Minh kayua amuk Nguyễn Thị Thu, Phaok akaok Uỷ ban bhap bani bal ba akaok hu mai rivang dom baoh sang sarak karja dalam huyện Nhà Bè. Nao rivang dom amaik Nguyễn Thị Tám (xã Phước Lộc), amaik Nguyễn Thị Ở (xã Hiệp Phước), amaik Đào Thị Nhành (xã Phú Xuân) hu anek liệt sĩ, amuk Thu pandar pakat uỷ Đảng, karja puk palei patui bruk sangka tal rai diuk di dom amaik, patui veik ilamu bayar dhal phol siam gheih. Tukvak ini, Uỷ ban bhap bani huyện Nhà Bè hu nao alin hadiah pandap saong  iek ruak, brei jru ka dom baoh sang sarak karja dalam huyện.

# Dalam 6 bilan tapa, kim ngạch pandap panda pablei tabiak taneh ia lingiu di Cần Thơ tame Hàn Quốc hu labaih 4 triệu USD, kim ngạch blei tame meng darak pasal Hàn Quốc di Cần Thơ hu labaih 2 triệu USD. 

# Bạc Liêu lac tỉnh hu bruk bơm chích tạp chất tame hadang biak ralo di bhum taneran kraong Cửu Long. Piah pasiam veik, pacang cakak saong yam tal brei padeih bruk ngak ini, Ủy ban bhap bani tỉnh Bạc Liêu hu harak văn bản tacei pato njauk xử lý trách nhiệm urang dang akaok dom puk palei meyah caik rah tabiak dom bruk yau nan. Peih ngak bruk tacei pato ndom angaok nan, urang dang akaok Ủy ban bhap bani huyện Hòa Bình bahrau phê bình sa urang dang akaok xã kayua caik rah tabiak bruk bơm chích tạp chất tame hadang.

      Khaw tin dunya

# Tui hukum barau di Thái Lan ka Cục khik ramik drap ar Hoàng gia hu ba tabiak di harei 17/7, po patao Thái Lan meda hu par quyền dut iek drai ar hoàng gia taneh ia ini hu yaom jien abih tih taok yaok pluh tỷ đô la Mỹ. Bruk salih praong abih di hukum ini lac brei quyền ka po patao tacei pato abih urang di uy mban dut iek drap ar Hoàng gia.

# Tui Bộ an ninh nội địa Mỹ, raja-ei negar ini urak ini daok ngak visa ka 15.000 urang ngak thời vụ piah daong ka dom doanh nghiệp Mỹ daok njauk ralo khat lahik kayua kurang urang ngak. Akaok Mentri An ninh nội địa Gion Ke-li (John Kelly) saong akaok mentri Lao động A-lếch-xan-đơ A-cốt-xta (Alexander Acosta) hu ginum biai haong gauk saong ba tabiak panuac lac urak ini oh hu ginup urang ngak di Mỹ piah ngak dom bruk phi nông nghiệp tạm thời. Kayua nan ye, bruk cấp visa ka dom urang ngak thời vụ lac urang negar langiu piah peih ngak panuac sanya di rajaei ngan haong dom doanh nghiệp Mỹ.

# Di tỉnh Bri-tít Cô-lum-bi-a (British Columbia), Ca-na-đa (Canada) dalam adit tapa hu 39 rabau urang bhapbini njauk nao plaih di libik karei kayua khuah glai pambak praong di ini. Jaik 3 rabau urang daong padam khuah, hu bruk daong di 203 sruh kapal haok daok kham merat padam khuah. Kuhria dahlau, jien ka bruk daong padam khuah lihik 80 triệu đô la. Dalam tuk nan, giới chức puk palei jeng oh ka kuhria hu khat lihik. Dom gah ngak kayau saong duah mek mỏ di ini daok gaok kan kandah trak.