# Pahadar 70 thun harei padang Hội Đông y Việt Nam, Phaok akaok negar Đặng Thị Ngọc Thịnh hu van pataom mbaok dom gru jru đông y naih gheih. Phaok Akaok negar caong lac anak tal, Hội Đông y Việt Nam njauk caik hatai tal bruk pato pakai, roh duah ilamu, ba tame pandar dalam bruk pabam pajaih phun jru; jhul pakhang bruk quy hoạch, khik iek bruk pala , khai thác, ngak jru saong blei phun jru. Gam haong nan, Hội Đông y Việt Nam njauk patagok hội viên, pasiam hệ thống tổ chức gah đông y piah rik daong tame bruk iek glang pren yava ka bhap bani.

       # Biar harei 17/8, di jabat ngak bruk di rajaei, Thủ tướng Nguyễn Xuân Phúc hu taduan Đại sứ Trung Quốc di Việt Nam Hồng Tiểu Dũng. Dua gah caong khin patagok hatai jia chính trị, pakhang talei pambuak bruk meng kan, khik kajap bruk nao rivang, taom gaok pakat glaong. Dua taneh ia brei patui jhul pakhang taong abih talei pambuak bruk dom gah, abih di nyu nan lac pablei salih, đầu tư saong dom gah lac pren khang di yaok taneh ia;  jhul pakhang talei pambuak bruk di rai ranaih, dam dara piah patagok bruk thau gauk di bhap bini dua taneh ia.

        # Thủ tướng Raja-ei bahrau mboh tangin brei adat peih ngak Dự án daong pablei salih ka baoh sang urang nong di tỉnh Cao Bằng saong tỉnh Bắc Kạn mesre phun jien meng Kadung jien Dunya ka bruk patagok ngak nong (IFAD). Cambaih laih, Thủ tướng raja-ei hu mboh tangin brei adat ngak Dự án Daong pablei salih ka baoh sang urang nong (CSSP) tỉnh Bắc Kạn ngan haong phun jien jaik 38 triệu USD, peih ngak meng thun 2017 - 2022. Daok tỉnh Cao Bằng, Thủ tướng raja-ei jeng mboh tangin brei adat peih ngak Dự án daong pablei salih ka baoh sang urang nong (CSSP), ngan haong yaom phun jien labaih 36 triệu USD, dalam nan phun jien ODA mesre IFAD lac 21,25 triệu USD.

      # Dalam mbang nao rivang saong ngak bruk di HQ, akaok UB TU7MT negar VN Nguyễn Thiện Nhân hu nao rivang quận Dông nô, ban Xê un – labik hu ralo bruk ngak khik iek ka cơ chế tự quản, cộng đồng palei xã saong HTX tiên tiến di HQ, taphia di nan lac quận kết nghĩa saong quận Tây Hồ (HN). Ong Nguyễn Thiện Nhân brei thau, dom ilamu di quận Dông nô saong ban Xê un biak hu makna dalam bruk padang mô hình pasang iek bhap bini saong bruk tự quản di cơ sở di VN urak ini.

      # Biar harei 17-8, amuk Trương Thị Mai- Ủy viên Bộ Chính trị, Akaok Ban Dân vận Trung ương hu taom gaok Kapul urang lambaok Ban Đại diện cộng đồng Hồi giáo dom tỉnh Ninh Thuận, Tây Ninh saong bal raya Hồ Chí Minh, tuk Kapul abiak rivang bal ine Hà Nội. Amuk Trương Thị Mai caong khin dalam  tuk yau urak ini, mikva urang Islam, abih di nyu NAN lac Ban Đại diện cộng đồng Hồi giáo dom tỉnh, bal patui ngak siam bruk pathau khan, jak ba bhap bani  ngak bruk agama tui njauk adat hukum di karja, abih hatai hu mbaok tame dom bruk pakacah gauk ranam taneh aia, gul pataom, daong ba gauk patagok bruk ngak mbang pala drak, PAtruh eik PATRUN kathaot.

       # Tui mintri y tế, meng harei 12/8, yaom dịch vụ iek ruak hu peih ngak di 16 tỉnh, ban hu menuac blei BHYT labaih 85%. Yaom dịch vụ ini hu chi phí trực tiếp, phụ cấp đặc thù saong jien bilan. Ini lac mbang ramik veik yaom viện phí akaok meti dalam jalan ba chi phí jien bilan tame yaom dịch vụ y tế. Tui nan, yaom dịch vụ y tế di 16 tỉnh, ban akaok meti hu ba tabiak ngak, tagok jaik 18% duk saong tuk oh ka kuria yếu tố jien bilan. Tui kuhria meng ini tal akaok thun 2017 daok 3 mbang ramik veik yaom hu peih ngak di dom tỉnh daok veik.

       # Biar harei (17/8), Ban tacei pato pakat negar ka pacang caga bala meng langik takik hu nyaom chip ka bruk pacang caga RIbuk ka 3. Lambaok pasak khí tượng Thủy văn Trung ương brei thau, mbang ribuk ka 3 biak phức tạp, jalan nao di ribuk meda salih karei saong kan thau dahlau hu. Jaik labik ribuk gam gam hu  áp thấp. Nan ye meng biar harei ini (18/8) tal abih harei 20/8 hu hajan prong di grauk labik gah Barak saong gah kreh negar ngan haong lượng aia hajan meng 200-300mm, hu labik labaih 400 mm. Mbuan rah tabiak aia sua angaok dom baoh kraong, craoh,mbuan  glut jaleih taneh di dom tỉnh bhum ceik gah barak.

        Patui di ini dom khau tin dunya:

       # Ngoại trưởng Nga Xéc-gây La-vơ-rốp saong Ngoại trưởng Mỹ Giôn Ke-ri barau ini hu ndom biai tapa phon, ginum meyai ka dom bruk barau abih di Xyri. Dua urang dang akaok gah ngoại giao di Nga saong Mỹ pataom tame ginum meyai ka bruk rah tabiak di A-lép-pô, labik lực lượng rajaei Xyri peih dom bruk ngak pahala praong ngan saong bruk daong di Nga. Dua gah jeng ieu pambuak bruk piah pacang veik dom kapul khủng bố di Xyri jeng yau padeih bruk thù địch di taneh ia ini.  

       # Brei panuac dalam harei Độc lập (16/8), Tổng thống In-đô-nê-xia Uy-đô-đô hu panuac sanya, Indonesia daok lac sa dalam dom negar dang akaok ka bruk kham merat roh duah jalan ngak sron mbon ka dom kadha daok meriak gauk dalam khu vực saong angaok dunya. Ong jeng hu panuac lac, meda khang tangin jang dalam bruk mesruh metak pacang cakak khủng bố saong cực đoan. Piah yam tapa dom cuang kandah, raja-ei In-đô-nê-xia meda pataom tame ngak 3 jalan ngak praong, dalam nan hu jhul patagok cơ sở hạ tầng; kuhria caga dom năng lực sản xuất saong nguồn lực; tah klaak dom adat hukum oh laghaih saong palahik bruk quan liêu.

      # Jabat hàng hải Malaysia brei thau sa kapal pajeng menyek di taneh ia ini njauk tấn công. Sruh kapal nao meng pabah lamnge Tan-jung Pê-lê-pas di Malaysia, pajeng 900 ribau lít menyek đi-ê-zen yaom labaih 392 ribau đôla Mỹ. Sruh kapal hadei di nan hu mboh lac pataok di labik hải quân Ba-tam di In-đô-nê-sia. Urak ini jabat hàng hải Malaysia oh ka thau angan di dom urang blah kapal ini./.