Khaw tin 10h30 saong 14h30 harei 19-10-2016

# Pak jabat Raja-ei, Thủ tướng Nguyễn Xuân Phúc bahrau taduan raok Akaok Mentri Kinh tế Bulgaria Bojidar Loukarsky tapa rivang saong ngak bruk pak Việt Nam. Thủ tướng caong khin dua gah patagok jang talei rohim pambuak bruk nao mai gah ngak mbang kinh tế, jhul patagok bruk pablei salih pandap panda saong dịch vụ jeng yau đầu tư. Raja-ei Việt Nam ủng hộ dom doanh nghiệp Bulgaria ngak mbang suai lavik saong peih ngak dom dự án siam mekre pak Việt Nam.

/ Tui kuhria mboh dahlau di Đài khí tượng thủy văn TƯ, 16tuk harei 19/10 , ribuk ka 7 daok di tỉnh Quảng Ninh. Hangin khang di abih di bhum jiak ribuk khang pakat 8 , 10-11. Dalam harei song melam ni 19/20 hu hajan mbiah song hajan khang  di dom tỉnh gah Đông Bắc Bộ, taeng Hải Phòng, Quảng Ninh, Lạng Sơn 150 -250mm dalam mbang hajan nan.

# Bal Hải Phòng hu nyaom ban tacei pato pacang caga bala meng langik tasik saong patagok pasang iek bruk pacang caga ribuk ka 7 di bal. Tui kuhria meng 2 h melam 19-10,  ribuk ka 7 meda tuh tame huyện pulao. Ong Đỗ Đức Hòa, Bí thư -Chủ tịch Uỷ ban bhap bani huyện Bạch Long Vỹ brei thau: Taong abih bruk ngak piah iew ghe gilai nao plaih njaik ribuk di dom urang taong mek ikan tapen ar jeng hu peih ngak blaoh: Huyện đội jeng yau ttiểu đoàn phòng thủ hu mbaok ginup abih saong dom phòng ban jeng hu mbaok piah khik iek. Sang iek ruak đa khoa di huyện jeng  trực harei melam.

/  Phó thủ tướng rajaei Trịnh Đình Dũng song kapul ngak bruk di TƯ bahrau nao pasang iek bruk pacang caga ribuk ka 7 Sarika  di Quảng Ninh . Phó Thủ tướng Trịnh Đình Dũng tacei lac, Quảng Ninh brei tui iek, khik caga  siam mekre ka bhap bini , caga panduan ba bhap bini.  Pataom tame khik caga dom danak dak sản xuất, sang mac, hầm mỏ, bruk juak padai, patrun patakik khat lihik kayua ribuk. Phó Thủ tướng lac : Hulin  cong dom đồng chí tui iek luac harei melam, sami samar kham merat jang, kuhria mboh dahlau dom bruk meda rah tabiak. Duah yaok veik tong abih dom kapan gaiy di urang dalam labik , peih bruk khik ramik an ninh trật tự. Khik ramik dom hạ tầng kỹ thuật,, jalan mbak, jalan điện, thông tin truyền thông dalam tuk hajan ribuk.” 

# Harei 18/10, Kapul daong ba Kadung jien hatai ameh -  Tổng Liên đoàn Lao Động Việt Nam hu nao tal dom labik njauk aia sua kan kandah di tỉnh Quảng Bình saong pok brei 1.000 pok pandap ka dom baoh sang njauk ralo khat lahik dalam mbang ribuk meng blaoh, yaok pok pandap hu yaom 500 ribau đồng. Ong Cao Văn Đa, Thôn Cổ Liêm, xã Tân Hóa, huyện Minh Hóa, Quảng Bình bui sambai brei thau:“Sang dauk dalam aia, limo kubao oh ka duah mboh, daok padai, tangeiy, brah lisei dauk dalam aia abih nan ye manuac utang daok eik lipa. Hu Đảng saong Karja brei thùng mì tôm hu mbang oh daok eik tra”.

/ Harei kabroi, 18/10 Kapul pang akaok Ban raya HCM hu nao rivang song jao 2 tỷ đồng jien rik dong di urang jakar, urang lin, song bhap bini ban raya dong ka mik va njauk khat lihik di tỉnh Quảng Trị. Kapul hu nao rivang, pachreih ba song jao 100 pok pandap ka dom boh sang di huyện Triệu Phong, tỉnh Quảng Trị njauk khat lihik trak hadei di mbang hangin khang, ia sua meng bloh, yaok pok pandap yaom 1 triệu đồng.

 # Pak Hà Nội, Trung ương Kapul urang kamei Việt Nam bahrau peih bruk pahadar 86 thun harei padang kapul urang kamei Việt Nam saong pok brei giải thưởng urang kamei Việt Nam thun 2016. Giải thưởng Urang kamei Việt Nam thun 2016 hu pok brei ka 6 kapul nyaom saong 10 cá nhân. Jeng tapa nan, Trung ương Kaoul urang kamei Việt Nam pok brei harak meyaom ka 9 anek saih kamei mek hu giải dalam dom mbang pakacah Olympic khu vực, dunya saong mek hu điểm glaong abih dom tổ hợp môn thi mbang pakacah Trung học phổ thông negar piah xét tame đại học, cao đẳng thun 2016.

/ Beir harei 18/10, dom kapul nyaom cứu nạn hu pandar kapan haoh di Công ty Trực thăng gah merong dong duah kapan haoh  8632EC130T2 lihik liên lạc di labik Tây Bắc núi Dinh (huyện Tân Thành, tỉnh Bà Rịa-Vũng Tàu). Dahlau di nan, tukvak 7tuk 40 minite mesup harei 18/10, kapan haoh trực thăng di pasak Huấn luyện (Bà Rịa-Vũng Tàu) Tổng Công ty trực thăng Việt Nam, số hiệu 8632EC130T2 tuk par pasram ye lihik liên lạc di labik Tây Bắc núi Dinh, atah di mblang kapan haoh Vũng Tàu labaih 25 km. Angaok kapan haoh hu 3 sỹ quan, dalam nan hu sa gru pato song 2 urang pasram.

# Pak Thái Lan, hadei di tuk Patao Bu-mi-pôn A-đu-lay-đệt (Bhumibol Adulyadej) palang lahik, dom kapul nyaom jien padai, công ty pablei lẻ saong dịch vụ peih pabah mbang yau bhian harei. Chỉ số SET di darak pasar chứng khoán Thái Lan chốt phiên tagok 4,6%. Jien Bath jeng tagok yaom. Raja-ei saong ralo  po  doanh nghiệp Thái Lan kham merat piah ka nền kinh tế peih ngak veik yau bhian harei, yaom lac hatai anit ranam dalam bhap bani tagok glaong hadei di tuk patao metai.

/ Mesup 18/10, ribuk Sarika  tuh tame palao Hải Nam, gah merong Trung Quốc. Labaih 520 ribau menuac di Hải Nam hu panduan ba tal labik siam mekre. Ribuk hu hajan khang di dom tỉnh jiak tapen yau Quảng Đông, Quảng Tây, Hồ Nam. Kayua  ribuk  Sarika, tong abih dom mbang par tame tabiak mblang kapan haoh dunya Mỹ Lan Hải Khẩu, mblang kapan haoh prong di abih di Hải Nam brei padeih mbiah tal 16 tuk 30 minite harei 18/10 ( tuk vak puk palei. Dahlau di tuk ribuk tuh tame, urang dang akaok TQ hu ba tabiak panuac “ cảnh báo đỏ” ka bala, cấp độ cảnh báo glong di abih

# Urang pal akaok Xinh-ga-po harei 18/10 brei thau hu phong tỏa dom khu vực njaom mbak Zi-ka dalam tukvak dịch Zi-ka daok pambak prong pak negar ini. Tui kuhria tal urak ini hu labaih 400 urang njaom Zi-ka hadei di tuk nyaom mbak janih vi-rút ini hu duah mboh pak Xinh-ga-po di harei 27/8 meng blaoh, dalam nan hu 16 urang kamei daok metian. Urak ini jeng oh ka hu vắc-xin điều trị janih vi-rút ini, min dom chuyên gia y tế brei thau dom triệu chứng kayua Zi-ka meda điều trị meng jru cảm saong jru padam pandik, pambuak haong padeih padei saong menyum ralo aia./.