# Thủ tướng Nguyễn Xuân Phúc  mboh lac njauk ba tabiak kaoh tui hukum bruk taong bác sĩ dalam sang iek ruak bahrau ini. Meyah bruk ini ba tbaiak langyah samar ye biak siam. Thủ tướng ndom lac yau nan dalam mbang ngak bruk biar harei 18/4 haong dom urang dang akaok Tòa án nhân dân tối cao piah taong yaom bruk peih ngak quy chế pambuak bruk tui Nghị quyết liên tịch ka 15.

# Melam bloh (18/4), di Hà Nội, Gilang pariak dunya (WB) peih nyaom biai tapak ngan saong kadha: Dom salih barau dalam an toàn pandap mbang menyum kayua bruk patagok khang kajap di karja Việt Nam saong dom urang jakar pakat glaong di gilang pariak sarak dunya di ban ine Washington, Hoa Kỳ. Phó Thủ tướng Vũ Đức Đam taong yaom, hadei di sa tukvak peih ngak khang dom bruk nan, bruk hacih saat an toan pandap mbang menyum dalam taneh ia hu siam tagok. Rajaei Viet Nam pataom mek hu dom alamu dalam bruk hacih saat an toan pandap mbang menyum.

 # Urak ini dalam tỉnh Ninh Thuận hu 11 binek sit saong dom danao ia daok thu lagu ngak ka 1.738 sang dalam 7.446 nenuac kurang ia pandar. Sở NN-PTNT pok p[anuac caong trung ương daong ka Ninh Thuận pacang pandiak bhang. Dalam nan daong 6 radaih bồn pajeng ia(loại 10m³) piah pabak ia ka dom sang daok di bhum kurang ia, ngak jalan nding raok ia mai dom danao thu ia yau Ông Kinh (huyện Ninh Hải), Phước Nhơn (huyện Bác Ái)

# Harei pataom tapuk Hải Châu, ban Đà Nẵng mbang yaka 4 hu angan: nao gam saong bruk patagok” hu peih pakak di melam kabroi 18/4 di bờ Tây krong Hàn, pachreih bruk pataom mbaok di dom gah xuất bản, gah patabiak tapuk praong dalam taneh ia ngan saong 200 gian hàng. Harei pataom tapuk thun ini rah tabiak meng harei 18 tal 22/4, urang puac tapuk meda hu maong rilo tapuk di rilo thể loại ye: tiểu thuyết trinh thám meng Sherlock Homes tal dom baoh tapuk barau tabiak mbaok ye: dahlau si pik meta, Ảo dạ...

# Danak dak taom gaok ilamu – pablei salih dom taneh ia ASEAN 2018 rah tabiak di mblang bein 23 bilan 9, Quận 1, TPHCM meng harei 18/4 tal harei 22/4. Hu 150 gian hàng mai meng dom taneh ia ASEAN, dalam nan hu labaih 110 gian hàng pablei salih saong 40 gian hàng mbang huak. Taphia nan, hu rilo bruk ilamu gheih mekre di dom taneh ia ASEAN yau: tamia bangsa, parang iek thể thao saong võ thuật, ngak iek pandap mbang huak….

Khaw tin dunya

# Tổng thống Mỹ Đô-nan Trăm (Donald Trump) saong Thủ tướng Nhật Bản Sin-dô A-bê (Shinzo Abe) daok ravang Mỹ harei kabroi (18/4) hu njauk hatai paglaong bruk ginum biai ka pablei salih di dua taneh ia saong gauk.

# Harei 18/4, Gah Y tế negar Prang brei thau, jit cúm tukvak puac thun 2017, akaok thun 2018 ngak brei 13 ribau urang Prang metai, takik jang1 ribau 400 turang dut saong bilan jit dahlau. Dalam dom urang metai, hu tal 93% lac urang meng 65 thun tagok. Dom urang metai rilo meng lac di adit camereip di thun 2018 saong adit meng harei 5 tal harei 11 bilan 3.

# Ca-na-đa saong Anh meda drah samal tui pagui sa thỏa thuận pablei salih hadei tuk Anh tabiak truh Liên minh châu Âu (daok ieu lac Brexit). Ini lac panuac di Thủ tướng Ca-na-đa Giu-xtin Tru-đô (Justin Trudeau)daok ravang Anh dalam sa mbang taom gaok Thủ tướng Anh Thê-rê-xa May (Theresa May)  harei kabroi (18/4).